完整藏文原文 · 德格版页 当前仅加载第 36 函德格 371b 版页；藏文 NFD、目录标记与异常页序保留在来源切片中，重复版页行以稳定序号区分。
པའང་མ་ཡིན་པར་རབ་ཏུ་ཤེས་སོ། །ཕྱི་ནང་ནས་ཤེས་པ་འང་མ་ཡིན་པར་རབ་ཏུ་ཤེས་ཏེ། འོན་ཀྱང་བསྟན་པ་མངོན་པར་བསྒྲུབ་པ་འང་རབ་ཏུ་ཤེས་སོ། །བྱིན་གྱི་རླབས་ལ་མཁས་པས་འཇུག་པ་ཡང་རབ་ཏུ་ཤེས་སོ། །ཚིག་ཀྱང་རབ་ཏུ་ཤེས་སོ། །
D44.036.0371b01.01སྒྲ་བརྙན་ལྟ་བུར་རྟེན་ཅིང་འབྲེལ་བར་འབྱུང་བས་གྲག་པར་གྱུར་པའི་ཆོས་ཉིད་ཀྱང་འཁྲུག་པར་མི་བྱེད་དེ། སྒྲོ་འདོགས་པར་ཡང་མི་བྱེད་ལ་དབྱངས་ཀྱི་ཡན་ལག་རྣམ་པ་ཐ་དད་པ་ལ་འཇུག་ཅིང་བསླབ་པ་ལའང་ཤིན་ཏུ་བསླབས་པ་ཡིན། འདི་ལྟ་སྟེ་དཔེར་
D44.036.0371b02.01ན། ལྷའི་དབང་པོ་བརྒྱ་བྱིན་གྱི་ལྷའི་བུད་མེད་འགྲོགས་མའི་ཁའི་དབུགས་ཀྱིས་ལན་གཅིག་བུས་བས་ཁའི་དབུགས་ཡན་ལག་སྟོང་དང་ལྡན་པ་འབྱུང་ངོ་། །ཁའི་དབུགས་ལ་རྣམ་པར་རྟོག་པ་མེད་ཀྱང་དབྱངས་ཀྱི་ཡན་ལག་རྣམ་པ་སྟོང་དུ་སྒྲོག་གོ །དེ་བཞིན་དུ་
D44.036.0371b03.01བྱང་ཆུབ་སེམས་དཔའ་སེམས་དཔའ་ཆེན་པོ་ཡང་རྣམ་པར་མི་རྟོག་པ་དང་ལྡན་པའི་དབྱིངས་ལ་འཇུག་པའི་ཚེ། དབྱངས་ཀྱི་ཡན་ལག་མཐའ་ཡས་པ་རྣམ་པར་བསྒོམ་པ་ལ་མཁས་པས་འཇིག་རྟེན་གྱི་ཁམས་མཐའ་དང་དབུས་མེད་པར་འགྲོ་བ་ཐམས་
D44.036.0371b04.01ཅད་ལ་ཕྱིར་མི་ལྡོག་པའི་ཆོས་ཀྱི་འཁོར་ལོ་བསྐོར་བ་ལ་རབ་ཏུ་འཇུག་ཅིང་འཁོར་རྣམས་ལ་ཡང་རྒྱ་ཆེར་ཡང་དག་པར་སྟོན་ཏོ། །ལྕེ་ཤིན་ཏུ་ཡངས་པའང་བྱིན་གྱིས་རློབ་སྟེ། དབྱངས་ཆགས་པ་མེད་པ་འང་རབ་ཏུ་རྗོད་དོ། །ཞིང་ཐམས་ཅད་དུ་འགེངས་
D44.036.0371b05.01པའི་དབྱངས་ཀྱང་བྱིན་གྱིས་རློབ་བོ། །སེམས་ཅན་རྣམས་ཀྱི་མཐའ་ཡས་པར་ཁོང་དུ་ཆུད་པར་ཡང་བྱིན་གྱིས་རློབ་བོ། །ཆོས་རྣམ་པར་ཕྱེ་བ་འབྱམ་ཀླས་པ་ཡང་རབ་ཏུ་སྣང་བར་བྱེད་དོ། །དབྱངས་ཐམས་ཅད་ལ་འཇུག་པ་མེད་པ་འང་རབ་ཏུ་ཤེས་
D44.036.0371b06.01སོ། །སྒྲ་རྣམ་པར་དམིགས་པ་འང་རྣམ་པར་དམིགས་པ་མེད་པར་རབ་ཏུ་ཤེས་སོ། །དབྱངས་སྣ་ཚོགས་ཀྱང་རྣམ་པར་འགོད་དོ། །དབྱངས་ཀྱི་ཡན་ལག་གི་དཀྱིལ་འཁོར་ཁོང་དུ་ཆུད་པས་ཀྱང་རབ་ཏུ་སྤྱོད་དོ། །ཀྱེ་རྒྱལ་བའི་སྲས་དག་འདི་ནི་
D44.036.0371b07.01