完整藏文原文 · 德格版页 当前仅加载第 36 函德格 51a 版页；藏文 NFD、目录标记与异常页序保留在来源切片中，重复版页行以稳定序号区分。
ཆགས་པ་{མྱེད་,མེད་}པའི་{མྱིག་,མིག་}གི་མཐར་ཐུག་སྟེ། ཀུན་ཏུ་ལྟ་བའི་མིག་དང་ལྡན་པར་གྱུར་ཅིག །སེམས་ཅན་ཐམས་ཅད་སེམས་ཅན་གྱི་ཁམས་ཡོངས་སུ་ཤེས་ཤིང་། རབ་རིབ་མེད་པའི་མིག་དང་ལྡན་པར་གྱུར་ཅིག །སེམས་
D44.036.0051a01.01ཅན་ཐམས་ཅད་སྟོབས་བཅུ་མངའ་བའི་དེ་བཞིན་གཤེགས་པར་ཕྱིན་པས་བསྒྲིབས་པ་མེད་པའི་{མྱིག་,མིག་}དང་ལྡན་པར་གྱུར་ཅིག་ཅེས། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་{མྱིག་,མིག་}ཡོངས་སུ་གཏོང་བ་ན། ཐམས་ཅད་མཁྱེན་པའི་ཚད་ཀྱི་{མྱིག་,མིག་}གི་ཆོས་
D44.036.0051a02.01སེམས་ཅན་ཐམས་ཅད་ཡོངས་སུ་བསྔོ་བ་ལ་ཉེ་བར་འགོད་དོ།། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་ལྔ་པ། འདི་ལྟར་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཇི་ལྟར་རྒྱལ་པོ་
D44.036.0051a03.01ཁྱད་པར་དུ་འགྲོ་བ་དང་། བྱང་ཆུབ་སེམས་དཔའ་མདུད་པ་མེད་པའི་སྤྱི་གཙུག་གིས་ཡོངས་སུ་བཏང་བ་བཞིན་དུ་སློང་བ་ཉེ་བར་འོངས་པ་ལ་བྱང་ཆུབ་སེམས་དཔའི་སྤྱོད་པ་བླང་བའི་སེམས་དང་། དེ་བཞིན་གཤེགས་པའི་རིགས་སུ་རིགས་དང་ལྡན་པར་བྱུང་བས། སངས་རྒྱས་
D44.036.0051a04.01ཀྱི་རིགས་སུ་བྱུང་བའི་སྦྱིན་པའི་སེམས་དང་། བྱང་ཆུབ་སེམས་དཔའ་ཐམས་ཅད་རྗེས་སུ་དྲན་པའི་སྤྱོད་པ་ལ་བརྩོན་པ་དང་། སངས་རྒྱས་ཀྱི་བྱང་ཆུབ་ཏུ་མཐུན་པར་སྐྱེས་པ་དང་། དབང་པོ་དང་། ཡེ་ཤེས་དང་། ཡོན་ཏན་གྱིས་ཤིན་ཏུ་བཙུན་པ་དང་། ཁམས་
D44.036.0051a05.01གསུམ་མ་དག་ཅིང་སྙིང་པོ་མེད་པ་ལ་སྙིང་པོར་རབ་ཏུ་རྟོགས་པ་དང་། སངས་རྒྱས་དང་བྱང་ཆུབ་སེམས་དཔའ་བལྟ་བ་རབ་ཏུ་ཐོབ་པས། རང་གི་ལུས་ལ་ཆགས་པ་མེད་པའི་སེམས་དང་། གནས་མེད་པའི་སངས་རྒྱས་ཀྱི་ཆོས་ཐམས་ཅད་རྗེས་སུ་དྲན་པར་
D44.036.0051a06.01གནས་པ་དང་། དུལ་བ་དང་ཞི་བའི་སེམས་དང་། དབང་པོའི་རྒྱུ་བ་ཤིན་ཏུ་ཞི་བ་དང་། འགྲོ་བའི་མྱ་ངམ་ཐམས་ཅད་ནས་སེམས་ཅན་གདོན་པར་སེམས་པའི་ཡེ་ཤེས་འབྱུང་བའི་ཤེས་རབ་དང་། བསོད་ནམས་ཀྱི་འབྱུང་གནས་དང་། རྒྱུད་ཆེད་དུ་བརྗོད་
D44.036.0051a07.01