完整藏文原文 · 德格版页 当前仅加载第 36 函德格 94b 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཡང་བརྗོད་པ་མེད། །ཆོས་རྣམས་མ་ལུས་གཟུང་བར་བྱ་བ་མེད། །ཇི་སྙེད་སེམས་ཅན་རྒྱལ་བས་སངས་རྒྱས་པ། །དེ་ཡི་ཆོས་ལའང་ཆོས་ཀྱི་དངོས་མེད་དེ། །དེ་ཡང་དུས་དང་ཆོས་སུ་བརྗོད་པ་ཡིན། །ཆོས་ཉིད་ཀུན་ཏུ་འགྲོ་བ་ཅི་འདྲ་བ། །
D44.036.0094b01.01དེ་བཞིན་དེ་དག་ཡོངས་སུ་བསྔོ་བ་བྱེད། །དེས་ཀྱང་འགྲོ་བ་ཀུན་ནས་བསྒྱུར་བྱས་ཏེ། །དེ་ལ་ཀུན་ཏུ་དཔའ་བོ་ཡོངས་སུ་བསྔོ། །དགེ་བའི་རྩ་བ་ཐམས་ཅད་དང་མཉམ་པ་ཉིད་ཀྱི་རྗེས་སུ་སོང་བ་ཞེས་བྱ་བ་སྟེ། །ཡོངས་སུ་བསྔོ་བ་དྲུག་པའོ། །
D44.036.0094b02.01ཀྱེ་རྒྱལ་བའི་སྲས་དག །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཡོངས་སུ་བསྔོ་བ། འགྲོ་བ་ཐམས་ཅད་མཉམ་པ་ཉིད་ཀྱི་རྗེས་སུ་སོང་བ་ཞེས་བྱ་བ་བདུན་པ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་བྱང་ཆུབ་སེམས་དཔའ་
D44.036.0094b03.01སེམས་དཔའ་ཆེན་པོ་ཐམས་ཅད་གཏོང་བའི་དམིགས་པ་ལ་བརྩོན་པ། ཚུལ་ཁྲིམས་རྣམ་པར་དག་པ་ལ་རབ་ཏུ་བརྟེན་པ། ལྷག་པའི་བསམ་པས་བྱང་ཆུབ་སེམས་དཔའི་ཡི་དམ་ཕྱིར་མི་ལྡོག་པའི་བརྩོན་འགྲུས་དང་ལྡན་པ།
D44.036.0094b04.01ཐམས་ཅད་གཏོང་བའི་བཟོད་པ་དང་ལྡན་ཞིང་རྣ་ལ་གཟོན་པའི་ངང་ཚུལ་ཅན། བསམ་གཏན་འབྱམ་ཀླས་པ་རྣམ་པ་ཐ་དད་པ་ལ་མཁས་པའི་རྗེས་སུ་ཞུགས་པ། ཤེས་རབ་ཀྱི་ཚུལ་དང་ས་རྣམ་པར་དཔྱོད་པ་ལ་མཁས་པ། འགྲོ་བ་
D44.036.0094b05.01ཐམས་ཅད་ཀྱི་སེམས་ཀྱིས་རྣམ་པར་ཕྱེ་བའི་དགེ་བའི་རྩ་བ་དང་ལྡན་པ། ཡོན་ཏན་མཐའ་ཡས་པ་ཡང་དག་པར་བསྡུས་པའི་དགེ་བའི་རྩ་བ་དང་ལྡན་པ། བྱང་ཆུབ་སེམས་དཔའི་ལས་ལ་རབ་ཏུ་བརྩོན་པར་ཡིད་ལ་བྱེད་པ་དང་ལྡན་པ།
D44.036.0094b06.01འགྲོ་བ་ཐམས་ཅད་ཀྱི་དགེ་བའི་རྩ་བ་ཐམས་ཅད་ཀྱི་ཕྱོགས་མངོན་པར་སྐྱོབ་པ་དགེ་བའི་རྩ་བ་ཆུང་ངུ་ཉེ་བར་{སྩོགས་,སོགས་}ཀྱང་རུང་། དགེ་བའི་རྩ་བ་ཆེན་པོ་ཉེ་བར་{སྩོགས་,སོགས་}ཀྱང་རུང་། དགེ་བའི་རྩ་བ་ཡངས་པ་ཉེ་བར་{སྩོགས་,སོགས་}ཀྱང་རུང་། དགེ་བའི་
D44.036.0094b07.01