完整藏文原文 · 德格版页 当前仅加载第 36 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེ་གནས་དེ་དང་དེ་དག་ལ་གནས་ཤིང་ཁྲག་ཡོངས་སུ་གཏོང་བར་གྱུར་པ་དེ་ལྟར་སློང་བ་རྣམས་ལ་རང་གི་ལུས་ཀྱི་ཁྲག་གཏོང་བའི་ཚེ། ཁྲག་ཡོངས་སུ་བཏང་བས་ཡང་དག་པར་བསྡུས་པའི་དགེ་བའི་རྩ་བ་དེ་འདི་ལྟར་ཡོངས་སུ་བསྔོ་སྟེ།
D44.036.0057a01.01དགེ་བའི་རྩ་བ་འདིས་སེམས་ཅན་ཐམས་ཅད་ཆོས་དང་ཡེ་ཤེས་ཀྱི་ལུས་དང་ལྡན་ཞིང་བྱང་ཆུབ་སེམས་དཔའི་ལུས་ཕུན་སུམ་ཚོགས་པ་དང་ལྡན་པར་གྱུར་ཅིག །སེམས་ཅན་ཐམས་ཅད་རྡོ་རྗེའི་སྙིང་པོ་དང་འདྲ་བར་དགེ་སྦྱོང་གི་ལུས་དང་ལྡན་པར་གྱུར་ཅིག །
D44.036.0057a02.01སེམས་ཅན་ཐམས་ཅད་ལུས་ཉམས་པ་{མྱེད་,མེད་}ཅིང་དག་པ་དང་ལྡན་ཏེ་ལུས་ལ་རྨ་མེད་པར་གྱུར་ཅིག །སེམས་ཅན་ཐམས་ཅད་འཇིག་རྟེན་ཀུན་གྱིས་མི་འཕྲོགས་པའི་སེམས་དང་ལྡན་ཞིང་སྤྲུལ་པ་ལྟ་བུའི་ལུས་དང་ལྡན་པར་གྱུར་ཅིག །སེམས་ཅན་ཐམས་ཅད་འོད་དང་
D44.036.0057a03.01བའི་ལུས་ཉམས་པ་{མྱེད་,མེད་}པ་དང་ལྡན་ཞིང་ཡིད་དུ་འོང་བའི་ལུས་དང་ལྡན་པར་གྱུར་ཅིག །སེམས་ཅན་ཐམས་ཅད་དེ་བཞིན་གཤེགས་པའི་སྐུ་མི་གནས་པ་དང་ལྡན་ཞིང་ཆོས་ཀྱི་དབྱིངས་སུ་མངོན་པར་སྐྱེས་པའི་ལུས་དང་ལྡན་པར་གྱུར་ཅིག །སེམས་ཅན་
D44.036.0057a04.01ཐམས་ཅད་གཞན་ཐམས་ཅད་ལ་རིམ་གྲོ་བྱེད་པའི་ལུས་དང་ལྡན་ཞིང་། རིན་པོ་ཆེ་ལྟ་བུའི་འོད་ཡོད་པའི་ལུས་དང་ལྡན་པར་གྱུར་ཅིག །སེམས་ཅན་ཐམས་ཅད་འཆི་བ་མེད་པའི་དབྱིངས་སུ་ཆོས་ཀྱི་སྐྱིད་པ་ལ་དབང་སྒྱུར་བའི་ལུས་དང་ལྡན་ཞིང་། ཡེ་
D44.036.0057a05.01ཤེས་དམ་པའི་ལུས་དང་ལྡན་པར་གྱུར་ཅིག །སེམས་ཅན་ཐམས་ཅད་འགྲོ་བ་ཀུན་གྱིས་བལྟ་ན་དོན་ཡོད་པར་སྐྱེས་པས་རིན་པོ་ཆེ་རྒྱ་མཚོ་ལྟ་བུའི་ལུས་དང་ལྡན་པར་གྱུར་ཅིག །སེམས་ཅན་ཐམས་ཅད་འཇིག་རྟེན་ཀུན་གྱི་གཙེ་བས་གོས་པ་མེད་ཅིང་བར་སྣང་གི་རང་
D44.036.0057a06.01བཞིན་གྱི་ལུས་དང་ལྡན་པར་གྱུར་ཅིག་ཅེས། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་རང་གི་ལུས་ལས་ཁྲག་གི་སྦྱིན་པ་བྱེད་པའི་ཚེ། ཡེ་ཤེས་ཀྱི་ཐེག་པ་དང་། ཐེག་པ་ཆེན་པོ་ལ་རབ་ཏུ་གཞོལ་བའི་སེམས་ཀྱིས་དགེ་བའི་རྩ་བ་དེ་དག་ཡོངས་
D44.036.0057a07.01