完整藏文原文 · 德格版页 当前仅加载第 36 函德格 355a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་པ་བརྗོད་དུ་མེད་པའི་ཡང་བརྗོད་དུ་མེད་པ། བྱང་ཆུབ་སེམས་དཔའི་ཚོགས་བརྗོད་དུ་མེད་པའི་ཡང་བརྗོད་དུ་མེད་པས་ཀུན་ནས་བསྐོར་བ་དག་གི་ཞབས་ཀྱི་དྲུང་དུ་འགྲོ་བར་སྣང་ངོ་། །ཕྱོགས་འབྱམ་ཀླས་པ་དང་
D44.036.0355a01.01ཕྱོགས་མཚམས་འབྱམ་ཀླས་པའི་སངས་རྒྱས་ཀྱི་ཞིང་མང་པོ་རྒྱ་མཚོ་དག་ཏུ་མངོན་པར་སངས་རྒྱས་ནས་སྐད་ཅིག་གཅིག་ལོན་པ་དང་། མངོན་པར་སངས་རྒྱས་ནས་ཡུད་ཙམ་ཅིག་ལོན་པ་དང་། མངོན་པར་སངས་རྒྱས་ནས་དུས་གཞན་དུ་
D44.036.0355a02.01གྱུར་པ་དང་། མངོན་པར་སངས་རྒྱས་ནས་ཉི་མ་གཅིག་ལོན་པ་དང་། མངོན་པར་སངས་རྒྱས་ནས་ཟླ་བ་ཕྱེད་ལོན་པ་དང་། མངོན་པར་སངས་རྒྱས་ནས་ལོ་གཅིག་ལོན་པ་དང་། མངོན་པར་སངས་རྒྱས་ནས་ལོ་གྲངས་མེད་པ་ལོན་པ་དང་།
D44.036.0355a03.01མངོན་པར་སངས་རྒྱས་ནས་བསྐལ་པ་གཅིག་ལོན་པ་དང་། མངོན་པར་སངས་རྒྱས་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པ་སྙེད་ལོན་པའི་དེ་བཞིན་གཤེགས་པ་དག་གི་ཞབས་ཀྱི་དྲུང་དུ་ཉེ་བར་འགྲོའོ། །དེ་བཞིན་དུ་ཤར་
D44.036.0355a04.01ཕྱོགས་ཀྱི་སངས་རྒྱས་ཀྱི་ཉིང་གི་སངས་རྒྱས་ཐམས་ཅད་ལ་རིམ་གྲོ་བྱེད་དོ། །མཆོད་པ་བྱེད་དོ། །ཕྱག་འཚལ་ལོ། །རབ་ཏུ་འདུད་དོ། །སངས་རྒྱས་རྣམས་ལ་ཞུ་བ་བྱེད་དོ། །རྣམ་པར་འཕེལ་བའི་སྒྱུ་མའི་དཀྱིལ་འཁོར་གྱི་ཞིང་
D44.036.0355a05.01ཡོངས་སུ་བྱང་ཞིང་བྱང་ཆུབ་སེམས་དཔའི་སྤྱོད་པ་རྣམ་པར་དག་པ་མཐའ་ཡས་པ་དང་། ཡེ་ཤེས་བརྗོད་དུ་མེད་པའི་ཡང་བརྗོད་དུ་མེད་པ་དང་། བྱང་ཆུབ་སེམས་དཔའི་རྣམ་པར་འཕྲུལ་བ་བརྗོད་དུ་མེད་པའི་ཡང་བརྗོད་དུ་མེད་པས་
D44.036.0355a06.01བྱང་ཆུབ་སེམས་དཔའ་ཁྱུ་མཆོག་གི་མཐུ་ཕྱུང་བ་སྣ་ཚོགས་དང་བྱང་ཆུབ་སེམས་དཔའི་ཡེ་ཤེས་ཡངས་པ་སྣ་ཚོགས་དང་། བྱང་ཆུབ་སེམས་དཔའི་སྤྱོད་ཡུལ་སྣ་ཚོགས་དང་བྱང་ཆུབ་སེམས་དཔའི་རྫུ་འཕྲུལ་སྣ་ཚོགས་དང་། བྱང་ཆུབ་
D44.036.0355a07.01