完整藏文原文 · 德格版页 当前仅加载第 36 函德格 62b 版页；藏文 NFD、目录标记与异常页序保留在来源切片中，重复版页行以稳定序号区分。
པ་མེད་ཅིང་དང་བའི་ཁ་དོག་དང་། མདོག་གི་མཆོག་དང་ལྡན་པར་གྱུར་ཅིག །སེམས་ཅན་ཐམས་ཅད་རང་བཞིན་གྱིས་ཁ་དོག་རྣམ་པར་དག་ཅིང་ཁ་དོག་དང་མདོག་གི་དམ་པ་དང་ལྡན་པར་གྱུར་ཅིག །སེམས་ཅན་ཐམས་ཅད་མཚན་དང་དཔེ་བྱད་བཟང་པོས་རྣམ་
D44.036.0062b01.01པར་བྲིས་ཤིང་སངས་རྒྱས་ཀྱི་ཁ་དོག་རྣམ་པར་དག་པས་མདོག་དང་ཁ་དོག་ཤིན་ཏུ་རྣམ་པར་དག་པར་གྱུར་ཅིག །སེམས་ཅན་ཐམས་ཅད་ཁ་དོག་དང་མདོག་བཟང་པོ་ཕུན་སུམ་ཚོགས་ཤིང་འགྲོ་བ་ཀུན་ཏུ་མདོག་གི་སྣང་བ་རབ་ཏུ་འགྱེད་པར་གྱུར་ཅིག །སེམས་ཅན་ཐམས་ཅད་
D44.036.0062b02.01འཇིག་རྟེན་གྱི་ཁམས་ཐམས་ཅད་དུ་འོད་གཟེར་གྱི་དཀྱིལ་འཁོར་བརྗོད་དུ་མེད་པ་རྣམ་པར་འགྱེད་པའི་རྒྱལ་མཚན་དང་ལྡན་ཞིང་མདོག་འོད་གཟེར་གྱི་དྲ་བ་ཅན་དང་ལྡན་པར་གྱུར་ཅིག །སེམས་ཅན་ཐམས་ཅད་གཟུགས་ཐམས་ཅད་ཀྱི་ཁ་དོག་རྣམ་པར་དག་སྟེ།
D44.036.0062b03.01མདོག་དང་ཁ་དོག་ཤིན་ཏུ་སྣུམ་པ་དང་ལྡན་པར་གྱུར་ཅིག་ཅེས། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་རང་གི་ལུས་ལས་མདོག་དང་ལྡན་པའི་པགས་པ་སློང་བ་རྣམས་ལ་ཡོངས་སུ་གཏོང་བའི་ཚེ། དགེ་བའི་རྩ་བ་དེ་དག་སེམས་ཅན་ཐམས་ཅད་ཀྱི་
D44.036.0062b04.01སངས་རྒྱས་ཀྱི་ཞིང་རྣམ་པར་དག་པར་འགྱུར་བ་དང་། དེ་བཞིན་གཤེགས་པའི་ཡོན་ཏན་ཐམས་ཅད་དང་ལྡན་པར་བྱ་བའི་ཕྱིར་ཡོངས་སུ་བསྔོའོ། །འདི་ལྟར་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ལ་ཕྱིན་ཅི་ལོག་མེད་པ། བཞིན་འཛུམ་པ་
D44.036.0062b05.01ཅན་ཡིད་བདེ་བ་ཐོབ་པ། ཐེག་པ་ཆེན་པོ་ལ་ལེགས་པར་གནས་པ། གྲགས་པ་འདོད་པ་མེད་པའི་སྦྱིན་པ་ཅན། སྙིང་ཐག་པ་ནས་སྦྱིན་པ་ལ་གནས་པ། གཏོང་བ་དང་། གཏོང་བ་ཆེན་པོ་ལ་ཡིད་རབ་ཏུ་ཞུགས་པ། འཇུངས་པའི་དྲི་མ་ལ་མི་གནས་པའི་
D44.036.0062b06.01སེམས་དང་ལྡན་པ། ཕྲག་དོག་དང་འཇུངས་པའི་དྲི་མ་དང་བྲལ་བ། དེ་བཞིན་གཤེགས་པའི་གསུང་ལ་རབ་ཏུ་ཞུགས་པ། དེ་ཇི་ལྟར་བྱང་ཆུབ་སེམས་དཔའ་ལྟ་བའི་བརྩོན་འགྲུས་དང་འཛམ་བུའི་གླིང་གི་བདག་པོ་གསེར་གྱི་འོད་དང་། དེ་མ་ཡིན་པའི་
D44.036.0062b07.01