完整藏文原文 · 德格版页 当前仅加载第 36 函德格 148a 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་པའི་སྤྱོད་པ་རྒྱུན་མི་ཆད་པ་ལ་རབ་ཏུ་གནས་པར་བྱ་བའི་ཕྱིར་ཉེ་བར་གནས་ཤིང་ཡོངས་སུ་བསྔོའོ། །དེ་དེ་ལྟར་ཡོངས་སུ་བསྔོ་བ་ཡང་རང་བཞིན་དང་མཉམ་པའི་སེམས་ཀྱིས་ཡོངས་སུ་བསྔོའོ། །ཆོས་ཉིད་དང་མཉམ་
D44.036.0148a01.01པའི་སེམས་ཀྱིས་ཡོངས་སུ་བསྔོའོ། །འགྲོ་བ་ཚད་མེད་པ་ཐམས་ཅད་དང་མཉམ་པའི་སེམས་ཀྱིས་ཡོངས་སུ་བསྔོའོ། །ཉོན་མོངས་པ་མེད་པ་དང་མཉམ་པའི་སེམས་ཀྱིས་ཡོངས་སུ་བསྔོའོ། །བྱེད་པ་མེད་པའི་རང་བཞིན་དང་མཉམ་པའི་སེམས་
D44.036.0148a02.01ཀྱིས་ཡོངས་སུ་བསྔོའོ། །ཆོས་འཁྲུག་པ་མེད་པ་ཡོངས་སུ་ཤེས་པའི་སེམས་ཀྱིས་ཡོངས་སུ་བསྔོའོ། །དུས་གསུམ་མཉམ་པ་ཉིད་དུ་ཞུགས་པའི་སེམས་ཀྱིས་ཡོངས་སུ་བསྔོའོ། །འདས་པ་དང་མ་བྱོན་པ་དང་། ད་ལྟར་བྱུང་བའི་དེ་བཞིན་གཤེགས་
D44.036.0148a03.01པའི་རིགས་སུ་བྱུང་བའི་སེམས་ཀྱིས་ཡོངས་སུ་བསྔོའོ། །མངོན་པར་ཤེས་པ་མཉམས་པ་ཐོབ་པའི་སེམས་ཀྱིས་ཡོངས་སུ་བསྔོའོ། །ཐམས་ཅད་མཁྱེན་པའི་སྤྱོད་པ་ལ་གྲུབ་པའི་སེམས་ཀྱིས་ཡོངས་སུ་བསྔོའོ། །སེམས་ཅན་ཐམས་ཅད་སེམས་ཅན་
D44.036.0148a04.01དམྱལ་བ་ནས་ཕྱིར་བཟློག་པའི་ཕྱིར་ཡོངས་སུ་བསྔོའོ། །སེམས་ཅན་ཐམས་ཅད་བྱོལ་སོང་གི་སྐྱེ་གནས་སུ་མི་དགོད་པའི་ཕྱིར་ཡོངས་སུ་བསྔོའོ། །སེམས་ཅན་ཐམས་ཅད་གཤིན་རྗེའི་འཇིག་རྟེན་ན་གནས་བ་དགག་པའི་ཕྱིར་ཡོངས་སུ་བསྔོའོ། །སེམས་
D44.036.0148a05.01ཅན་ཐམས་ཅད་ཀྱི་སྒྲིབ་པའི་ཆོས་ཐམས་ཅད་སྤང་བའི་ཕྱིར་ཡོངས་སུ་བསྔོའོ། །འགྲོ་བ་ཐམས་ཅད་ཀྱི་སེམས་དགེ་བའི་རྩ་བས་ཤིན་ཏུ་ཚིམ་པར་བྱ་བའི་ཕྱིར་ཡོངས་སུ་བསྔོའོ། །ཆོས་ཀྱི་འཁོར་ལོ་དུས་ལ་བབ་པར་བསྐོར་བས་དགའ་བར་བྱ་བའི་ཕྱིར་ཡོངས་སུ་བསྔོའོ། །
D44.036.0148a06.01སྟོབས་བཅུའི་འཁོར་ལོ་ལ་སེམས་ཅན་ཐམས་ཅད་གཟུང་བའི་ཕྱིར་ཡོངས་སུ་བསྔོའོ། །བྱང་ཆུབ་སེམས་དཔའི་ཆོས་དང་སྨོན་ལམ་མཐའ་དང་དབུས་མེད་པ་འཐོབ་པར་བྱ་བ་དང་རྣམ་པར་དག་པའི་ཆོས་ཅན་དུ་བྱ་བའི་ཕྱིར་ཡོངས་སུ་བསྔོའོ། །བྱང་ཆུབ་ཀྱི་
D44.036.0148a07.01