完整藏文原文 · 德格版页 当前仅加载第 36 函德格 114b 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་ལྟར་བསྒྲིབས་པ་མེད་པ་དེ་བཞིན་དུ་དགེ་བའི་རྩ་བ་དེ་དག་བསྒྲིབས་པ་ཐམས་ཅད་རབ་ཏུ་བསྩལ་བའི་ཕྱིར་ཡོངས་སུ་བསྔོའོ། །དེ་བཞིན་ཉིད་ཇི་ལྟར་འཇིག་རྟེན་ན་རྒྱུ་བ་མེད་པ་དེ་བཞིན་དུ་དགེ་བའི་རྩ་བ་དེ་དག་འཇིག་རྟེན་གྱི་ཆོས་ཐམས་ཅད་རྒྱུ་བ་མེད་པར་བྱ་བའི་
D44.036.0114b01.01ཕྱིར་ཡོངས་སུ་བསྔོའོ། །དེ་བཞིན་ཉིད་ཇི་ལྟར་འཇིག་རྟེན་དུ་མ་གཏོགས་པ་དེ་བཞིན་དུ་དགེ་བའི་རྩ་བ་དེ་དག་འཁོར་བ་ཐམས་ཅད་དུ་མ་གཏོགས་པར་བྱ་བའི་ཕྱིར་ཡོངས་སུ་བསྔོའོ།། དེ་བཞིན་ཉིད་ཇི་ལྟར་མངོན་པར་འདུ་བྱ་བ་མེད་པ་དེ་བཞིན་དུ་དགེ་བའི་
D44.036.0114b02.01རྩ་བ་དེ་དག་མངོན་པར་འདུ་བྱ་བ་ཐམས་ཅད་ལས་གྱེན་དུ་འཕགས་པར་ཡོངས་སུ་བསྔོའོ། །དེ་བཞིན་ཉིད་ཇི་ལྟར་གནས་པ་དེ་བཞིན་དུ་དགེ་བའི་རྩ་བ་དེ་དག་དེ་བཞིན་ཉིད་ལ་གནས་པར་ཡོངས་སུ་བསྔོའོ། །དེ་བཞིན་ཉིད་ཇི་ལྟར་ཆོས་ཐམས་ཅད་དང་
D44.036.0114b03.01འབྱོར་པ་དེ་བཞིན་དུ་དགེ་བའི་རྩ་བ་དེ་དག་སེམས་ཅན་ཐམས་ཅད་སྤྱོད་པ་ཐོས་པ་ལ་བརྩོན་པར་བྱ་བའི་ཕྱིར་ཡོངས་སུ་བསྔོའོ། །དེ་བཞིན་ཉིད་ཇི་ལྟར་ཆོས་ཐམས་ཅད་ལ་ཡོད་པ་དེ་བཞིན་དུ་དགེ་བའི་རྩ་བ་དེ་དག་འགྲོ་བ་ཐམས་ཅད་དང་མཉམ་པའི་སྤྱོད་པ་
D44.036.0114b04.01ཡོངས་སུ་འགྲུབ་པར་བྱ་བའི་ཕྱིར་ཡོངས་སུ་བསྔོའོ། །དེ་བཞིན་ཉིད་ཇི་ལྟར་ཆོས་ཐམས་ཅད་དང་བྲལ་བ་མེད་པ་དེ་བཞིན་དུ་དགེ་བའི་རྩ་བ་དེ་དག་འགྲོ་བ་ཐམས་ཅད་དང་ཕྱི་མའི་མཐའི་མུར་ཐུག་པར་མི་འབྲལ་བར་ཡོངས་སུ་བསྔོའོ། །དེ་བཞིན་ཉིད་ཇི་ལྟར་ཆོས་
D44.036.0114b05.01ཐམས་ཅད་ལ་ཟད་པ་མེད་པ་དེ་བཞིན་དུ་དགེ་བའི་རྩ་བ་དེ་དག་འགྲོ་བ་ཐམས་ཅད་ལ་ཡོངས་སུ་བསྔོ་བ་མི་ཟད་པའི་ཕྱིར་ཡོངས་སུ་བསྔོའོ། །དེ་བཞིན་ཉིད་ཇི་ལྟར་ཆོས་ཐམས་ཅད་དང་འགལ་བ་མེད་པ་དེ་བཞིན་དུ། དགེ་བའི་རྩ་བ་དེ་དག་འདས་པ་དང་
D44.036.0114b06.01མ་བྱོན་པ་དང་། ད་ལྟར་བྱུང་བའི་སངས་རྒྱས་ཐམས་ཅད་དང་འགལ་བ་མེད་པར་ཡོངས་སུ་བསྔོའོ། །དེ་བཞིན་ཉིད་ཇི་ལྟར་ཆོས་ཐམས་ཅད་ཀྱི་མདོ་ཡིན་པ་དེ་བཞིན་དུ་དགེ་བའི་རྩ་བ་དེ་དག་འགྲོ་བ་ཐམས་ཅད་མ་ལུས་པའི་དགེ་བའི་རྩ་བ་ཡང་དག་པར་བསྡུ་བའི་
D44.036.0114b07.01