完整藏文原文 · 德格版页 当前仅加载第 36 函德格 295b 版页；藏文 NFD、目录标记与异常页序保留在来源切片中，重复版页行以稳定序号区分。
རོ་སྙན་པ་མང་པོ་རབ་ཏུ་བྱུང་ངོ་། །འཇིག་རྟེན་གྱི་ཁམས་བརྗོད་དུ་མེད་པའི་ཡང་བརྗོད་དུ་མེད་པ་སྣང་བ་ཆེན་པོས་ཁྱབ་པར་སྣང་ངོ་། །འཇིག་རྟེན་གྱི་ཁམས་བརྗོད་དུ་མེད་པའི་ཡང་བརྗོད་དུ་མེད་པའི་སེམས་ཅན་རྣམས་རྣམ་པར་དག་པར་གྱུར་ཏོ། །
D44.036.0295b01.01ངན་སོང་གི་ལམ་གྱི་རྒྱུད་གསུམ་རྣམ་པར་ཞི་བར་གྱུར་ཏོ། །འཇིག་རྟེན་གྱི་ཁམས་བརྗོད་དུ་མེད་པའི་ཡང་བརྗོད་དུ་མེད་པ་རྣམ་པར་དག་པར་གྱུར་ཏོ། །བྱང་ཆུབ་སེམས་དཔའ་བརྗོད་དུ་མེད་པའི་ཡང་བརྗོད་དུ་མེད་པ་བྱང་ཆུབ་སེམས་དཔའ་ཀུན་
D44.036.0295b02.01ཏུ་བཟང་པོའི་སྤྱོད་པ་ལ་ཞུགས་པར་གྱུར་ཏོ། །བྱང་ཆུབ་སེམས་དཔའ་བརྗོད་དུ་མེད་པའི་ཡང་བརྗོད་དུ་མེད་པ་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་ལ་ཡོངས་སུ་གྲུབ་པར་གྱུར་ཏོ། །བྱང་ཆུབ་སེམས་དཔའ་བརྗོད་དུ་མེད་པའི་ཡང་
D44.036.0295b03.01བརྗོད་དུ་མེད་པ་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་ལ་སྨོན་ལམ་ཡོངས་སུ་རྫོགས་པར་བྱས་ནས། བླ་ན་མེད་པ་ཡང་དག་པར་རྫོགས་པར་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་པར་གྱུར་ཏོ། །དེ་ནས་བྱང་ཆུབ་སེམས་དཔའ་ཀུན་ཏུ་
D44.036.0295b04.01མིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་ཀུན་ཏུ་བཟང་པོ་ནི། བདག་ཉིད་ཆེ་བ་ལ་མངོན་པར་སྤྱོད་པའོ། །མཚུངས་པ་མ་མཆིས་པ་ལ་རྣམ་པར་སྤྱོད་པའོ། །ཡོངས་
D44.036.0295b05.01སུ་མི་ཆོད་པ་ལ་རྣམ་པར་སྤྱོད་པའོ། །སླར་མི་ལྡོག་པ་ལ་རྣམ་པར་སྤྱོད་པའོ། །མཉམ་པ་ཉིད་རྗེས་སུ་རྟོགས་པ་ལ་རྣམ་པར་སྤྱོད་པའོ། །གཞན་གྱིས་མི་ཟློག་པ་ལ་རྣམ་པར་སྤྱོད་པའོ། །ཆོས་ཐམས་ཅད་ཐ་མི་དད་པ་ལ་རྣམ་པར་
D44.036.0295b06.01སྤྱོད་པའོ། །ཆོས་ཐམས་ཅད་མ་འདྲེས་པར་རྣམ་པར་སྤྱོད་པའོ། །སེམས་ཅན་ཐམས་ཅད་ཀྱི་སེམས་ཀྱི་བྱིན་གྱི་རླབས་མཁས་པ་ལ་རྣམ་པར་སྤྱོད་པའོ། བཅོམ་ལྡན་འདས་བྱང་ཆུབ་སེམས་དཔའ་ཀུན་ཏུ་བཟང་པོ་ནི་ཆོས་ཐམས་ཅད་ཀྱི་དབང་དང་།
D44.036.0295b07.01