完整藏文原文 · 德格版页 当前仅加载第 36 函德格 118b 版页；藏文 NFD、目录标记与异常页序保留在来源切片中，重复版页行以稳定序号区分。
རྩ་བ་ཡོངས་སུ་བསྔོ་བའི་ཕྱིར། བྱང་ཆུབ་སེམས་དཔའི་སྤྱོད་པ་ཐམས་ཅད་དང་མཉམ་པ་ཉིད་འཐོབ་བོ། །དུས་ཇི་ལྟ་བ་བཞིན་དུ་སྦྱོར་བའི་སངས་རྒྱས་ཀྱི་འཕྲིན་ལས་རྒྱུན་མི་གཅོད་པའི་ཕྱིར་དུས་ཐམས་ཅད་མཉམ་པ་ཉིད་འཐོབ་བོ། །འཇིག་རྟེན་པ་དང་འཇིག་རྟེན་ལས་འདས་པའི་དགེ་བའི་
D44.036.0118b01.01རྩ་བ་གོས་པ་མེད་པའི་མཐར་ཐུག་པའི་ཕྱིར། ལས་ཀྱི་རྣམ་པར་སྨྱིན་པ་ཐམས་ཅད་མཉམ་པ་ཉིད་འཐོབ་བོ། །འཇིག་རྟེན་ཐམས་ཅད་དང་མི་འགལ་བར་སངས་རྒྱས་ཀྱི་མཛད་པ་ཡང་དག་པར་བསྟན་པའི་ཕྱིར་སངས་རྒྱས་ཀྱི་རྣམ་པར་འཕྲུལ་པ་དང་བྱིན་གྱི་རླབས་མཉམ་པ་ཉིད་འཐོབ་སྟེ།
D44.036.0118b02.01ཀྱེ་རྒྱལ་བའི་སྲས་དག་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཡོངས་སུ་བསྔོ་བ་དེ་བཞིན་ཉིད་ཀྱི་མཚན་ཉིད་ཀྱི་རང་བཞིན་ཞེས་བྱ་བ་སྟེ་བརྒྱད་པའོ། །དེ་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་སངས་རྒྱས་ཀྱི་ཁྱུ་མཆོག་
D44.036.0118b03.01དང་སེང་གེའི་ང་རོ་འཇིགས་པ་མེད་པར་བསྒྲག་པར་བྱ་བའི་ཕྱིར་ཆོས་ཀྱི་སྒོ་རྣམ་པར་དག་པ་མཐའ་དང་དབུས་མེད་པ་རབ་ཏུ་འཐོབ་བོ། །དུས་ཐམས་ཅད་དུ་རྒྱུན་མི་འཆད་པའི་ཚུལ་དུ་བྱང་ཆུབ་སེམས་དཔའ་ཐམས་ཅད་ཀྱི་ཡོངས་སུ་སྨྱིན་པར་བྱ་བ་དང་གདུལ་བ་མཐའ་དང་དབུས་མེད་པ་ཡོངས་སུ་
D44.036.0118b04.01རྫོགས་པ་རབ་ཏུ་འཐོབ་བོ། །འཇིག་རྟེན་གྱི་ཁམས་ཐམས་ཅད་ལུས་གཅིག་གིས་རྒྱས་པར་དགང་བའི་ཕྱིར་དེ་བཞིན་གཤེགས་པའི་སྐུ་མཐའ་དང་དབུས་མེད་པ་ཚད་མེད་པ་རབ་ཏུ་འཐོབ་བོ། །དབྱངས་གཅིག་གིས་སེམས་ཅན་གྱི་ཁམས་ཐམས་ཅད་ཤེས་པར་
D44.036.0118b05.01བྱ་བའི་ཕྱིར། དེ་བཞིན་གཤེགས་པའི་གསུང་མཐའ་དང་དབུས་མེད་པ་མངོན་པར་བསྒྲུབ་པ་ཡོངས་སུ་རྫོགས་པ་རབ་ཏུ་འཐོབ་བོ། །འཇིག་རྟེན་གྱི་ཁམས་ཐམས་ཅད། སྐྲའི་སྦུབས་གཅིག་ཏུ་ཡོངས་སུ་འདུ་བར་བྱ་བའི་ཕྱིར། དེ་བཞིན་གཤེགས་
D44.036.0118b06.01པའི་སྟོབས་མཐའ་དང་དབུས་མེད་པ་ཡོངས་སུ་རྫོགས་པ་རབ་ཏུ་འཐོབ་བོ། །སེམས་ཅན་ཐམས་ཅད་ཀྱི་ལུས། རྡུལ་གཅིག་ལ་རབ་ཏུ་དགོད་པའི་ཕྱིར། དེ་བཞིན་གཤེགས་པ་རྣམ་པར་འཕྲུལ་པ་མཐའ་དང་དབུས་མེད་པ་ཡོངས་སུ་རྫོགས་པ་རབ་ཏུ་
D44.036.0118b07.01