完整藏文原文 · 德格版页 当前仅加载第 36 函德格 58a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཐམས་ཅད་ཀྱི་བྱང་ཆུབ་ལ་མངོན་དུ་གྱུར་པའི་སྟོབས་བཅུ་རྣམ་པར་སྤྱོད་པ་དང་། འདས་པ་དང་། མ་འོངས་པ་དང་། ད་ལྟར་བྱུང་བའི་བྱང་ཆུབ་སེམས་དཔའ་ཐམས་ཅད་མངོན་དུ་གྱུར་པའི་དུས་ཐམས་ཅད་
D44.036.0058a01.01དགེ་བའི་རྩ་བ་མཐུན་པར་ཡོངས་སུ་རྫོགས་པར་བྱ་བ་དང་། མི་འཇིགས་པ་ཐམས་ཅད་མངོན་དུ་གྱུར་པའི་ཁྱུ་མཆོག་དང་། སེང་གེའི་ང་རོ་བསྒྲགས་པ་དང་། དུས་གསུམ་མངོན་དུ་གྱུར་པའི་དུས་ཐམས་ཅད་མཉམ་པ་ཉིད་ཀྱི་ཡེ་ཤེས་དང་། དུས་གསུམ་ཐམས་
D44.036.0058a02.01ཅད་མངོན་དུ་གྱུར་པའི་ཕྱི་མའི་མཐའི་བསྐལ་པར་ཐུག་པར་ཞེ་ནོན་པའི་བྱང་ཆུབ་སེམས་དཔའི་སྨོན་ལམ་དང་ཡོངས་སུ་ཡི་ཆད་པ་མེད་པས་མངོན་དུ་གྱུར་པའི་སེམས་བསྐྱེད་པ། གྲངས་མེད་པས་ཇི་ལྟར་བྱང་ཆུབ་སེམས་དཔའ་ཕན་པ་ཚོལ་བ་དང་། རྒྱལ་
D44.036.0058a03.01པོ་ཐམས་ཅད་གཏོང་བ་དང་། དེ་མ་ཡིན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་གཞན་གྲངས་མེད་པ་དག་ཀྱང་སྐྱེ་བའི་སྐྱེ་མཆེད་སྣ་ཚོགས་དག་ན་གནས་ཤིང་ཤ་དང་རྐང་ཡོངས་སུ་བཏང་བ་དེ་ལྟར་སློང་བ་རྣམས་ལ་ལུས་ལས་ཤ་དང་རྐང་ཡོངས་
D44.036.0058a04.01སུ་གཏོང་བའི་ཚེ། ཤ་དང་རྐང་ཡོངས་སུ་བཏང་བས་ཡང་དག་པར་བསྡུས་པའི་དགེ་བའི་རྩ་བ་དེ་དག་སེམས་ཅན་ཐམས་ཅད་ལ་འདི་ལྟར་ཡོངས་སུ་བསྔོ་སྟེ། དགེ་བའི་རྩ་བ་འདིས་སེམས་ཅན་ཐམས་ཅད་རྡོ་རྗེའི་སྙིང་པོ་ལྟར་འཁྲེགས་པའི་ཡན་ལག་
D44.036.0058a05.01དང་ལྡན་ཞིང་མི་ཤིགས་པའི་ལུས་དང་ལྡན་པར་གྱུར་ཅིག །སེམས་ཅན་ཐམས་ཅད་གསོག་མེད་པའི་ལུས་རབ་ཏུ་ཐོབ་པས་གསོག་མ་ཡིན་པའི་ལུས་དང་ལྡན་པར་གྱུར་ཅིག །སེམས་ཅན་ཐམས་ཅད་ཡིད་ཀྱི་རང་བཞིན་གྱི་ལུས་རྣམ་པར་དག་
D44.036.0058a06.01པ་དང་ལྡན་ཞིང་སངས་རྒྱས་ཀྱིས་བརྒྱན་པའི་ལུས་དང་ལྡན་པར་གྱུར་ཅིག །སེམས་ཅན་ཐམས་ཅད་མཚན་སུམ་ཅུ་རྩ་གཉིས་ཀྱི་ལུས་ཤིན་ཏུ་གྲུབ་པས་བསོད་ནམས་བརྒྱ་པའི་མཚན་གྱི་ལུས་དང་ལྡན་པར་གྱུར་ཅིག །སེམས་ཅན་ཐམས་ཅད་
D44.036.0058a07.01