完整藏文原文 · 德格版页 当前仅加载第 36 函德格 209a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིང་མི་ཐུབ་པ་ཡིན། ཀྱེ་རྒྱལ་བའི་སྲས་དག །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་བྱང་ཆུབ་སེམས་དཔའི་ས་འོད་འཕྲོ་བ་ཅན་འདི་ལ་གནས་པའི་དགེ་བའི་རྩ་བ་དེ་དག་ཀྱང་དེ་མ་ཡིན་པའི་བྱང་ཆུབ་
D44.036.0209a01.01སེམས་དཔའི་ས་འོག་མ་རྣམས་ལ་གནས་པའི་བྱང་ཆུབ་སེམས་དཔའ་རྣམས་ཀྱི་དགེ་བའི་རྩ་བས་མི་འཕྲོགས་ཤིང་མི་ཐུབ་པ་ཡིན། ཀྱེ་རྒྱལ་བའི་སྲས་དག །འདི་ལྟ་སྟེ་དཔེར་ན་ནོར་བུ་རིན་པོ་ཆེ་འོད་དང་ལྡན་པ་འོད་ཟེར་གྱི་དཀྱིལ་འཁོར་ཡོངས་སུ་
D44.036.0209a02.01དག་པ་ཅན་སྣང་བ་རབ་ཏུ་གཏོང་བ་ནི་དེ་མ་ཡིན་པའི་རིན་པོ་ཆེའི་རྣམ་པས་མི་འཕྲོགས་ཤིང་མི་ཐུབ་པ་ཡིན། རླུང་ལངས་པ་དང་ཆུ་དང་ཆར་བབ་པས་འོད་མི་ཆོད་པ་ཡིན། ཀྱེ་རྒྱལ་བའི་སྲས་དག །དེ་བཞིན་དུ་བྱང་ཆུབ་སེམས་དཔའ་སེམས་དཔའ་
D44.036.0209a03.01ཆེན་པོ་བྱང་ཆུབ་སེམས་དཔའི་ས་འོད་འཕྲོ་བ་ཅན་འདི་ལ་གནས་པ་ཡང་དེ་མ་ཡིན་པའི་ས་འོག་མ་ལ་གནས་པའི་བྱང་ཆུབ་སེམས་དཔའ་རྣམས་ཀྱིས་མི་འཕྲོགས་ཤིང་མི་ཐུབ་པ་ཡིན། བདུད་དང་ཉོན་མོངས་པའི་རྒྱུད་རྣམས་ཀྱིས་ཡེ་ཤེས་མི་ཆོད་པ་ཡིན།
D44.036.0209a04.01དེའི་བསྡུ་བའི་དངོས་པོ་བཞི་ལས་དོན་མཐུན་པའི་ཤས་ཆེ་བ་ཡིན། ཕ་རོལ་ཏུ་ཕྱིན་པ་བཅུ་ལས་བརྩོན་འགྲུས་ཀྱི་ཕ་རོལ་ཏུ་ཕྱིན་པའི་ཤས་ཆེ་བ་ཡིན་ཏེ། ལྷག་མ་རྣམས་ཀྱང་ཅི་ཚུལ་ཅི་ནུས་སུ་ཡང་དག་པར་མི་སྒྲུབ་པ་མ་ཡིན་ནོ། །ཀྱེ་རྒྱལ་བའི་སྲས་དག་
D44.036.0209a05.01འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་བྱང་ཆུབ་སེམས་དཔའི་ས་བཞི་པ་སྟེ་འོད་འཕྲོ་བ་ཅན་ཞེས་བྱའོ། །དེ་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕལ་ཆེར་ལྷའི་རྒྱལ་པོ་རབ་འཚེ་མར་འགྱུར་ཏེ། སེམས་
D44.036.0209a06.01ཅན་རྣམས་ཀྱི་འཇིག་ཚོགས་ལ་ལྟ་བ་མང་པོ་ཡང་དག་པར་གཞོལ་བ་ལ་མཁས་ཤིང་མཐུ་ཡོད་པ་ཡིན། དེ་སྦྱིན་པ་འམ། ངག་སྙན་པ་འམ། དོན་བསྒྲུབ་པ་འམ། དོན་འཐུན་པས་དགེ་བའི་རྩ་བ་གང་ཅི་ཙམ་ཡང་རུང་སྟེ། དེ་ཐམས་ཅད་ཇི་ལྟར་ན་
D44.036.0209a07.01