完整藏文原文 · 德格版页 当前仅加载第 36 函德格 383a 版页；藏文 NFD、目录标记与异常页序保留在来源切片中，重复版页行以稳定序号区分。
བཟོད་པ་འདི་ནི་ཡེ་ཤེས་གཞོལ་བ་སྟེ། །དེ་ལྟར་གནས་ཤིང་སྤྱད་པ་དེ་འདྲ་སྤྱོད། །ཆོས་གནས་རྣམ་པར་དབེན་ལ་རབ་ཏུ་ཞུགས། །སྤྲུལ་པ་དེ་འདྲ་ཀུན་དང་ལྡན་གྱུར་ཅིང་། །སྤྲུལ་པའི་དངོས་ལ་
D44.036.0383a01.01སྤྱོད་པ་རྗེས་སོང་བས། །སྤྲུལ་པའི་དངོས་པོ་ནམ་ཡང་གཏོང་བ་{མྱེད,མེད}། །དེ་ནི་བྱང་ཆུབ་སྤྱོད་པའི་ས་མཆོག་ཏུ། །སྤྲུལ་པའི་དངོས་ལྡན་རྗེས་སུ་སྤྱད་པས་ན། །སྤྲུལ་པ་ཅི་འདྲར་རྣམ་པ་ཀུན་ཞི་བ། །སྤྲུལ་པ་དེ་འདྲའི་ཚུལ་ལ་རྣམ་པར་གནས། །དེ་
D44.036.0383a02.01བས་འགྲོ་ཀུན་སྤྲུལ་པར་རབ་ཏུ་ཤེས། །སྐྱེ་དགུའི་ལས་ཀྱི་རྣམ་པ་མཐའ་ཡས་པ། །སྤྲུལ་པའི་དངོས་དང་མཉམ་པ་ཉིད་ཀྱིས་མཉམ། །སྤྲུལ་པའི་མཐའ་རྟོགས་ཤིན་ཏུ་རྣམ་པར་དབེན། །མི་ཡི་མགོན་པོ་ཐམས་ཅད་སྤྲུལ་
D44.036.0383a03.01པར་ཤེས། །དུས་གསུམ་སངས་རྒྱས་ཇི་སྙེད་གང་བཞུགས་པ། །སྨོན་ལམ་གང་བཏབ་སྤྱོད་པ་སྤྱད་པའི་རྒྱུ། །དེས་ནི་མི་གཙོ་ཐམས་ཅད་སྤྲུལ་པ་ཡིན། །གང་གིས་སེམས་ཅན་རྣམ་དག་སྤྲུལ་པ་ཡི། །བྱམས་དང་
D44.036.0383a04.01སྙིང་རྗེ་ཆེན་པོ་ཤིན་ཏུ་ཡངས། །དེ་ལྟར་སྤྲུལ་པ་རྣམས་ཕྱེ་ཤེས་པ་ནི། །དེ་དག་བྱིན་གྱི་རླབས་འཕྲུལ་སྣང་བྱེད་པའོ། །དེ་དག་འཇིག་རྟེན་རྣམ་པར་རྟོག་པ་མེད། །སྤྲུལ་པའི་དངོས་ཚུལ་འགྲོ་བ་ཐམས་ཅད་ཤེས། །
D44.036.0383a05.01འགྲོ་བའི་ལས་ཀྱི་རྣམ་པ་གང་ཡོད་པའི། །འཇིག་རྟེན་དེ་དག་སྤྲུལ་པའི་སས་བསྒྲུབས་པའོ། །སྤྲུལ་པའི་མཛོད་མང་རྣམ་པར་ཕྱེ་བ་ལ། །ཞུགས་ཤིང་བྱང་ཆུབ་སྤྱད་པ་སྤྱོད་བྱས་པ། །དེ་དག་སྣ་ཚོགས་བྱེ་བྲག་རྣམ་པ་མང་། །
D44.036.0383a06.01འཇིག་རྟེན་ལས་ཀྱི་རྣམ་པས་བྱས་བ་བཞིན། །སྤྲུལ་པ་རྣམ་པར་རྟོག་པ་མེད་པ་སྟེ། །སྤྲུལ་པ་ནམ་ཡང་ཡོངས་སུ་རྟོག་པ་མེད། །རྟོག་དང་རྣམ་པར་རྟོག་པས་ཡིད་དབེན་པ། །སྤྲུལ་པ་བཞིན་དུ་དེ་དག་སྤྱོད་པ་ཡིན། །
D44.036.0383a07.01