完整藏文原文 · 德格版页 当前仅加载第 36 函德格 179a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཀྱི་ཆོས་གདོན་མི་ཟ་བར་འཐོབ་པར་བྱ་བ་དང་། དབྱངས་བརྗོད་མ་ཐག་ཏུ་ཡེ་ཤེས་ཁོང་དུ་ཆུད་པར་བྱ་བ་དང་། དད་པར་གྱུར་མ་ཐག་ཏུ་ཉོན་མོངས་པ་ཕྱིར་མི་ལྡོག་པར་བྱ་བ་དང་། བསམ་པ་སྨན་གྱི་རྒྱལ་པོ་ཆེན་པོ་ལྟ་བུ་རབ་ཏུ་ཐོབ་པར་བྱ་བ་དང་།
D44.036.0179a01.01ལུས་ཡིད་བཞིན་གྱི་ནོར་བུ་ལྟ་བུ་འཐོབ་པར་བྱ་བ་དང་། བྱང་ཆུབ་སེམས་དཔའི་སྤྱོད་པ་ཐམས་ཅད་སྤྱད་པའི་ཕྱིར་ཆོས་ཀྱི་དབྱིངས་ཀྱིས་ཀླས་པར་རྒྱ་ཆེ་བ། ནམ་མཁའི་དབྱིངས་ཀྱི་མཐར་ཐུག་པ། ཕྱི་མའི་མཐའི་མུར་ཐུག་པ། བསྐལ་པ་འགྲངས་པ་
D44.036.0179a02.01ཐམས་ཅད་དུ་ཕྱིར་མི་ལྡོག་པའི་འཁོར་ལོ་འགྲངས་པར་སྤྱོད་པ་ཐམས་ཅད་འབྲས་བུ་ཡོད་པ་རྒྱུན་མི་འཆད་པའི་སྨོན་ལམ་ཆེན་པོ་མངོན་པར་སྒྲུབ་བོ། །འདི་ལྟ་སྟེ། འཇིག་རྟེན་གྱི་ཁམས་ཐམས་ཅད་དུ་བླ་ན་{མྱེད་,མེད་}པ་ཡང་དག་པར་རྫོགས་པའི་བྱང་ཆུབ་ཏུ་མངོན་
D44.036.0179a03.01པར་འཚང་རྒྱ་བ་དང་། སྐྲའི་སྦུབས་གཅིག་དང་ཐ་མི་དད་པའི་སྐྲའི་སྦུབས་ཐམས་ཅད་དུ་ཚེ་དང་སྐྱེ་བ་དང་། གཞོན་ནུ་རོལ་པ་དང་། བཙུན་མོའི་འཁོར་གྱི་ནང་ན་བཞུགས་པ་དང་། མངོན་པར་འབྱུང་བ་དང་རྣམ་པར་འཕྲུལ་པ་དང་། སྙིང་པོ་བྱང་ཆུབ་ཏུ་གཤེགས་
D44.036.0179a04.01པ་དང་། བདུད་འདུལ་བ་དང་མངོན་པར་འཚང་རྒྱ་བ་དང་། གསོལ་བ་གདབ་པ་དང་། ཆོས་ཀྱི་འཁོར་ལོ་ཆེན་པོ་བསྐོར་བ་དང་། ཡོངས་སུ་མྱ་ངན་ལས་འདའ་བ་ཆེན་པོ་བསྟན་པ་དང་། སངས་རྒྱས་ཀྱི་ཡུལ་དང་མཐུ་དང་ཡེ་ཤེས་ཆེན་པོ་ཁོང་དུ་ཆུད་པར་
D44.036.0179a05.01བྱ་བ་དང་། སེམས་ཅན་གྱི་ཁམས་ཐམས་ཅད་ཀྱི་བསམ་པ་ཇི་ལྟ་བ་བཞིན་དུ་སངས་རྒྱས་འབྱུང་བ་དང་། སྐད་ཅིག་གཅིག་ཏུ་མངོན་པར་འཚང་རྒྱ་བ་དང་། རབ་ཏུ་ཞི་བ་ཐོབ་པར་བྱ་བ་ཡང་དག་པར་བསྟན་པ་དང་། མངོན་པར་འཚང་རྒྱ་བ་གཅིག་གིས་ཆོས་
D44.036.0179a06.01ཀྱི་དབྱིངས་ཐམས་ཅད་འཕྲུལ་པས་རྒྱས་པར་དགང་པ་དང་། དབྱངས་གཅིག་བརྗོད་པས་སེམས་ཅན་གྱི་ཁམས་ཐམས་ཅད་ཀྱི་སེམས་དང་། བསམ་པ་ཤིན་ཏུ་ཚིམ་པར་བྱ་བ་དང་། མྱ་ངན་ལས་འདས་པ་ཆེན་པོ་ཡོངས་སུ་བསྟན་པ་དང་། སྤྱོད་པ་རྣམས་
D44.036.0179a07.01