完整藏文原文 · 德格版页 当前仅加载第 36 函德格 267a 版页；藏文 NFD、目录标记与异常页序保留在来源切片中，重复版页行以稳定序号区分。
འཚང་རྒྱ་བ་ལ་འཇུག་པའི་ཡེ་ཤེས་སམ། སྣྲེལ་ཞིའི་སྤྱོད་པ་ལ་འཇུག་པ་ཡང་དག་པར་བསྟན་པའི་ཡེ་ཤེས་སམ། ལུགས་དང་མཐུན་པའི་སྤྱོད་པ་ཡང་དག་པར་བསྟན་པ་ལ་འཇུག་པའི་ཡེ་ཤེས་སམ། ལུགས་དང་{མྱི་,མི་}མཐུན་པའི་
D44.036.0267a01.01སྤྱོད་པ་ཡང་དག་པར་བསྟན་པ་ལ་འཇུག་པའི་ཡེ་ཤེས་སམ། འཇིག་རྟེན་བསམ་དུ་རུང་བ་དང་། བསམ་དུ་{མྱི་,མི་}རུང་བ་དང་། རྣམ་པར་ཤེས་པར་རུང་བ་དང་། རྣམ་པར་ཤེས་པར་{མྱི་,མི་}རུང་བའི་སྤྱོད་པ་ཡང་དག་པར་བསྟན་པ་ལ་འཇུག་པའི་ཡེ་ཤེས་སམ། ཉན་ཐོས་ཀྱིས་ཤེས་
D44.036.0267a02.01པར་བྱ་བ་དང་རང་སངས་རྒྱས་ཀྱིས་ཤེས་པར་བྱ་བ་དང་། བྱང་ཆུབ་སེམས་དཔས་ཤེས་པར་བྱ་བ་དང་། དེ་བཞིན་གཤེགས་པས་མཁྱེན་པར་བྱ་བའི་སྤྱོད་པ་ཡང་དག་པར་བསྟན་པ་ལ་འཇུག་པའི་ཡེ་ཤེས་དེ་དག་ཐམས་ཅད་ཀྱང་ཡང་དག་པ་ཇི་ལྟ་བ་བཞིན་
D44.036.0267a03.01དུ་དེས་རབ་ཏུ་ཤེས་སོ། །ཀྱེ་རྒྱལ་བའི་སྲས་དག །དེ་ལྟར་ན་སངས་རྒྱས་བཅོམ་ལྡན་འདས་རྣམས་ཀྱི་ཡེ་ཤེས་ཤིན་ཏུ་ཡངས་པ་ཚད་{མྱེད་,མེད་}པས། ས་འདི་ལ་གནས་པའི་བྱང་ཆུབ་སེམས་དཔས་ཁོང་དུ་ཆུད་པའི་ཡེ་ཤེས་ཀྱང་ཚད་
D44.036.0267a04.01{མྱེད་,མེད་}དོ། །ཀྱེ་རྒྱལ་བའི་སྲས་དག །དེ་ལྟར་བྱང་ཆུབ་སེམས་དཔའི་ས་འདི་དང་ལྡན་པའི་བྱང་ཆུབ་སེམས་དཔའ་དེ་བྱང་ཆུབ་སེམས་དཔའི་རྣམ་པར་ཐར་པ་བསམ་གྱིས་{མྱི་,མི་}ཁྱབ་པ་ཞེས་བྱ་བ་རབ་ཏུ་འཐོབ་བོ། །བསྒྲིབས་པ་{མྱེད་,མེད་}པ་ཞེས་བྱ་བ་དང་། རྣམ་པར་
D44.036.0267a05.01དག་པ་རབ་ཏུ་འབྱེད་པ་ཞེས་བྱ་བ་དང་། སྒོ་ཀུན་ཏུ་སྣང་བ་ཞེས་བྱ་བ་དང་། དེ་བཞིན་གཤེགས་པའི་མཛོད་ཅེས་བྱ་བ་དང་། འཁོར་ལོ་ཐོགས་པ་མེད་པ་དང་ལྡན་པ་ཞེས་བྱ་བ་དང་། དུས་གསུམ་གྱི་རྗེས་སུ་སོང་བ་ཞེས་བྱ་བ་དང་། ཆོས་ཀྱི་དབྱིངས་ཀྱི་སྙིང་
D44.036.0267a06.01པོ་ཞེས་བྱ་བ་དང་། རྣམ་པར་ཐར་པའི་དཀྱིལ་འཁོར་སྣང་བ་ཞེས་བྱ་བ་དང་། ཡུལ་མ་ལུས་པ་ཞེས་བྱ་བའི་བྱང་ཆུབ་སེམས་དཔའི་རྣམ་པར་ཐར་པ་རབ་ཏུ་འཐོབ་བོ། །ཀྱེ་རྒྱལ་བའི་སྲས་དག །འདི་ལྟ་སྟེ་བྱང་ཆུབ་སེམས་དཔའི་རྣམ་པར་ཐར་པ་
D44.036.0267a07.01