完整藏文原文 · 德格版页 当前仅加载第 36 函德格 296a 版页；藏文 NFD、目录标记与异常页序保留在来源切片中，重复版页行以稳定序号区分。
ཏིང་ངེ་འཛིན་དང་རྣམ་པར་ཐར་པ་ལ་རྣམ་པར་སྤྱོད་པའོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་ཏུ་མིག་དེ་ཁྱོད་ཀྱིས་ཇི་སྐད་དུ་སྨྲས་པ་དེ་བཞིན་ཏེ། བྱང་ཆུབ་སེམས་དཔའ་ཀུན་ཏུ་བཟང་པོ་ནི་ཡོན་ཏན་
D44.036.0296a01.01གྲངས་མེད་པས་རྣམ་པར་དག་པའོ། །ཡོན་ཏན་མཚུངས་པ་མེད་པས་རྣམ་པར་བརྒྱན་པའོ། །ཡོན་ཏན་ཚད་མེད་པ་རིན་པོ་ཆེ་དང་ལྡན་པའོ། །ཡོན་ཏན་བསམ་གྱིས་མི་ཁྱབ་པའི་འབྱུང་གནས་རྒྱ་མཚོའོ། །ཡོན་ཏན་དཔག་
D44.036.0296a02.01ཏུ་མེད་པའི་མཚན་ཉིད་དོ། །ཡོན་ཏན་མུ་མེད་པའི་སྤྲིན་ཏོ། །ཡོན་ཏན་ས་མཚམས་མེད་པས་བསྔགས་ཤིང་བསྟོད་པའོ། །ཆོས་རིན་པོ་ཆེ་ཟད་མི་ཤེས་པའོ། །བྱང་ཆུབ་སེམས་དཔའ་ཀུན་ཏུ་བཟང་པོ་ནི་སངས་རྒྱས་ཐམས་
D44.036.0296a03.01ཅད་ཀྱིས་ཡོན་ཏན་བརྗོད་ཅིང་བསྔགས་པ་མི་ཟད་པའོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཀུན་ཏུ་བཟང་པོ་ལ་འདི་སྐད་ཅེས་བཀའ་སྩལ་ཏོ། །ཀུན་ཏུ་བཟང་པོ་ཁྱོད་ཀྱིས་བྱང་ཆུབ་སེམས་དཔའ་ཀུན་ཏུ་མིག་
D44.036.0296a04.01དང་། བྱང་ཆུབ་སེམས་དཔའི་འཁོར་ཐམས་ཅད་ལ། བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་དང་། སྨོན་ལམ་ཡོངས་སུ་རྫོགས་པ་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཏིང་ངེ་འཛིན་
D44.036.0296a05.01ཤིན་ཏུ་བསྟན་པ་གང་གིས་འདས་པ་དང་། མ་འོངས་པ་དང་། ད་ལྟར་བྱུང་བའི་བྱང་ཆུབ་སེམས་དཔའི་སྤྱོད་པ་བྱུང་བ་དང་། འབྱུང་བ་དང་འབྱུང་བར་འགྱུར་བའི་ཏིང་ངེ་འཛིན་བཅུ་ཤིན་ཏུ་བསྟན་པ་ལ་མཁས་པས་ཏིང་ངེ་འཛིན་རྒྱ་ཆེན་
D44.036.0296a06.01པོ་བཅུ་ཤིན་ཏུ་བསྟན་པ་སྤོབས་པར་གྱིས་ཤིག །བཅུ་གང་ཞེ་ན་འདི་ལྟ་སྟེ། བྱང་ཆུབ་སེམས་དཔའི་ཏིང་ངེ་འཛིན་རྒྱ་ཆེན་པོ་ལ་མཁས་པ་རབ་ཏུ་ཐོབ་པ་དང་། རྗེས་སུ་འགྲོ་བ་སྣང་བ་ཞེས་བྱ་བ་དང་། འདི་ལྟ་སྟེ། བྱང་ཆུབ་སེམས་
D44.036.0296a07.01