完整藏文原文 · 德格版页 当前仅加载第 36 函德格 318a 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་གྱུར་པ་འང་མ་ཡིན་ནོ། །ཀྱེ་རྒྱལ་བའི་སྲས་དེ་བཞིན་དུ་བྱང་ཆུབ་སེམས་དཔའ་ཡང་ལུས་གཅིག་ཏུ་སྙོམས་པར་ཞུགས་ཤིང་། ལུས་མང་པོ་ལས་རྣམ་པར་ལྡང་ངོ་། །ལུས་མང་པོ་ལ་སྙོམས་པར་ཞུགས་ཤིང་། ལུས་
D44.036.0318a01.01གཅིག་ལས་རྣམ་པར་ལྡང་ངོ་། །འདི་ལྟ་སྟེ་དཔེར་ན། ས་གཅིག་གི་རོ་ནི་རྣམ་པ་གཅིག་པ་སྟེ། ལོ་ཏོག་མང་པོ་དང་། འབྱུང་བ་མང་པོ་སྣ་ཚོགས་སུ་རང་གི་རོ་ཀུན་ཏུ་གཏོང་ཡང་། སའི་རོ་དུས་དུས་སུ་རྣམ་པ་ཐ་དད་པར་འགྱུར་བ་མ་ཡིན་ནོ། །
D44.036.0318a02.01དེ་བཞིན་དུ་བྱང་ཆུབ་སེམས་དཔའི་ཏིང་ངེ་འཛིན་འདི་ཐོབ་པ་ཡང་རྣམ་པ་གཅིག་ལ་སྙོམས་པར་ཞུགས་ཤིང་། རྣམ་པ་མང་པོ་ལས་རྣམ་པར་ལྡང་ངོ་། །རྣམ་པ་མང་པོ་ལ་སྙོམས་པར་ཞུགས་ཤིང་། རྣམ་པ་གཅིག་ལས་རྣམ་པར་ལྡང་ངོ་། །ཀྱེ་རྒྱལ་
D44.036.0318a03.01བའི་སྲས་དག །འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་བྱང་ཆུབ་སེམས་དཔའི་ཏིང་ངེ་འཛིན་སེམས་ཅན་རྣམས་ཀྱི་ཁམས་ཐ་མི་དད་པ་ཞེས་བྱ་བ་སྟེ་བརྒྱད་པའོ། །དེ་ལ་གནས་པའི་བྱང་ཆུབ་སེམས་དཔའ་ནི་རབ་ཏུ་བསྔགས་
D44.036.0318a04.01པའི་ཆོས་བཅུས་རབ་ཏུ་བསྔགས་པ་ཡིན་བཅུ་གང་ཞེ་ན་འདི་ལྟ་སྟེ། དེ་བཞིན་ཉིད་ལ་མཉམ་པར་བཞག་པའི་ཚུལ་གྱིས་དེ་བཞིན་གཤེགས་པ་ཞེས་བྱ། སངས་རྒྱས་ཀྱི་ཆོས་ཐམས་ཅད་ཁོང་དུ་ཆུད་པར་རྟོགས་པས་སངས་རྒྱས་ཞེས་བྱ། འཇིག་རྟེན་
D44.036.0318a05.01ཐམས་ཅད་ལ་རབ་ཏུ་སྟོན་པས་སྟོན་པ་ཞེས་བྱ། ཆོས་ཐམས་ཅད་ཤེས་པར་གྱུར་པས། ཐམས་ཅད་མཁྱེན་པ་ཞེས་བྱ། འགྲོ་བ་ཐམས་ཅད་ཀྱི་རྟེན་དུ་གྱུར་པས་མགོན་ཞེས་བྱ། ཆོས་ཐམས་ཅད་ཀྱི་ཚུལ་རྗེས་སུ་རྟོགས་པས་འདྲེན་པ་ཞེས་བྱ།
D44.036.0318a06.01སེམས་ཅན་ཐམས་ཅད་ལ་ཐམས་ཅད་མཁྱེན་པའི་ཡེ་ཤེས་ཀུན་ཏུ་བྱིན་པར་བྱེད་པས། རྣམ་པར་འདྲེན་པ་ཞེས་བྱ། འགྲོ་བ་ཐམས་ཅད་དུ་སྣང་བའི་སྒྲོན་མར་གྱུར་པས་སྣང་བ་ཞེས་བྱ། དོན་གྲུབ་སྟེ་བྱ་བ་བྱས་ལ་ཆོས་ཐམས་ཅད་རབ་ཏུ་ཕྱེ་བ་ཤེས་ཤིང་
D44.036.0318a07.01