完整藏文原文 · 德格版页 当前仅加载第 36 函德格 352b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་པ་དང་མ་བྱོན་པ་དང་། ད་ལྟར་བྱུང་བའི་སངས་རྒྱས་ཐམས་ཅད་དང་མི་གཉིས་པ་ཞེས་བྱའོ། །བྱང་ཆུབ་སེམས་དཔའ་དེ་དེ་བཞིན་གཤེགས་པའི་སྐུ་ཐོབ་པར་བྱ་བའི་ཕྱིར་བདག་ཡོངས་སུ་སྦྱོང་ཞིང་རྣམ་པར་སྒོམ་པས་
D44.036.0352b01.01བྱང་ཆུབ་སེམས་དཔའ་ཞེས་བྱའོ། །ནམ་བྱང་ཆུབ་སེམས་དཔའ་དེ་འགྲོ་བ་ཐམས་ཅད་དུ་གནས་པ་ཡང་དག་པའི་མཐའ་ཁོང་དུ་ཆུད་པར་གྱུར་པ་དེའི་ཚེ་ཡང་དག་པའི་མཐའ་མཁྱེན་པ་ཞེས་བྱའོ། །བྱང་ཆུབ་སེམས་དཔའ་དེ་གནས་པའི་ཡང་དག་
D44.036.0352b02.01པའི་མཐའ་ལ་རྟོགས་པར་གཞོག་ཅིང་ཡང་དག་པའི་མཐའ་མངོན་དུ་མི་བྱེད་ལ། ཆོས་ཐམས་ཅད་རབ་ཏུ་དབྱེ་བའི་རྒྱུད་ལ་བཏང་སྙོམས་རབ་ཏུ་ཐོབ་པ་ཡང་མ་ཡིན་པས་དེ་བྱང་ཆུབ་སེམས་དཔའ་ཞེས་བྱའོ། །ནམ་བྱང་ཆུབ་སེམས་
D44.036.0352b03.01དཔའ་དེ་ལེན་པ་མེད་ཅིང་འདོར་བ་མེད་པ་ལ་རྟོག་པ་མེད་ཅིང་རྣམ་པར་རྟོག་པ་མེད་པར་གྱུར་པ་དེའི་ཚེ། སྨོན་ལམ་ཡོངས་སུ་བཏང་བ་ཞེས་བྱའོ། །བྱང་ཆུབ་སེམས་དཔའ་དེ་བྱང་ཆུབ་སེམས་དཔའི་སྤྱོད་པ་ཡོངས་སུ་རྫོགས་པར་
D44.036.0352b04.01བྱེད་ཅིང་ཤིན་ཏུ་ཡངས་པར་བྱེད་པ་དང་། རྣམ་པར་སྦྱོང་བ་དང་ཕྱིར་མ་ལྡོག་པར་བྱེད་པས་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་དང་སྨོན་ལམ་རྒྱུན་མ་བཅད་པ་ཞེས་བྱའོ། །ནམ་བྱང་ཆུབ་སེམས་དཔའ་དེ་ཆོས་ཀྱི་དབྱིངས་
D44.036.0352b05.01སྣང་བར་བྱ་བའི་ཚུལ་གྱིས་ཆོས་ཀྱི་དབྱིངས་མཐའ་དང་དབུས་མེད་པ་རབ་ཏུ་ཤེས་ཤིང་མཚན་ཉིད་གཅིག་གིས་ཆོས་ཐམས་ཅད་ཀྱི་མཚན་ཉིད་རབ་ཏུ་ཤེས་པར་གྱུར་པ་དེའི་ཚེ་ཆོས་ཀྱི་དབྱིངས་ཀྱི་མཐར་ཐུག་པ་ཞེས་བྱའོ། །ནམ་བྱང་ཆུབ་སེམས་
D44.036.0352b06.01དཔའ་དེ་ཕྱིར་མི་ལྡོག་པའི་བཏང་སྙོམས་དང་ལྡན་པར་གྱུར་པ་དེའི་ཚེ། བྱང་ཆུབ་སེམས་དཔའི་རྒྱུད་ཉེ་བར་ལེན་པ་ལ་བཏང་སྙོམས་པ་ཞེས་བྱའོ། །བྱང་ཆུབ་སེམས་དཔའ་དེ་ཆོས་ཀྱི་དབྱིངས་ལ་འཇུག་པ་རབ་ཏུ་ཤེས་པའི་ཚུལ་གྱིས་ཆོས་
D44.036.0352b07.01