完整藏文原文 · 德格版页 当前仅加载第 36 函德格 4a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་མངོན་པར་ཞེན་པ་{མྱེད་,མེད་}པ། དེ་བཞིན་གཤེགས་པ་ཐམས་ཅད་ཀྱི་གདམས་ངག་འཐུན་པར་འཛིན་པས། ཐམས་ཅད་མཁྱེན་པ་ཉིད་དུ་མ་བསྔོས་པ་གང་ཡང་མེད་དེ། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཁྱིམ་ན་གནས་པའི་ཚེ། དགེ་བའི་རྩ་བ་དེ་
D44.036.0004a01.01དག་ཡང་དག་པ་སྡུད་ཅིང་སྒྲུབ་བོ། །ཡོངས་སུ་བསྔོ་སྟེ་དེ་ལྟར་དེ་ཆུང་ངུ་ན་ཁྱིའི་ལམ་གྱི་རྒྱུད་དུ་གཏོགས་པ་དང་། དེ་མ་ཡིན་པའི་བྱོལ་སོང་གི་རིགས་སུ་གཏོགས་པ་ལ་ཟས་སྣ་འགའ་འམ། ཁམ་འགའ་ཡོངས་སུ་གཏོང་བ་བྱེད་ཀྱང་དེ་ཐམས་ཅད་དེ་དག་ཉིད་ལ་ཕན་པ་དང་། དེ་དག་ཉིད་ལ་
D44.036.0004a02.01བདེ་བ་དང་། བྱོལ་སོང་གི་སྐྱེ་གནས་དེ་དག་སྡུག་བསྔལ་གྱི་རྒྱ་མཚོ་དེ་དག་དང་། སྡུག་བསྔལ་གྱི་རྒྱུད་དེ་དག་དང་། སྡུག་བསྔལ་གྱི་ཕུང་པོ་དེ་དག་དང་། སྡུག་བསྔལ་གྱི་ཚོར་བ་དེ་དག་དང་། སྡུག་བསྔལ་གྱི་བསྩགས་པ་དེ་དག་དང་། སྡུག་བསྔལ་མངོན་པར་འདུ་བྱེད་པ་དེ་དག་
D44.036.0004a03.01དང་། སྡུག་བསྔལ་གྱི་གཏེར་དེ་དག་དང་། སྡུག་བསྔལ་གྱི་རྩ་བ་དེ་དག་དང་། སྡུག་བསྔལ་གྱི་སྐྱེ་མཆེད་དེ་དག་ནས་སེམས་ཅན་དེ་དག་ཡོངས་སུ་སྒྲོལ་ཞིང་རྣམ་པར་བཟློག་པའི་ཕྱིར་ཡོངས་སུ་བསྔོའོ། །དེ་ལ་{དམྱིགས་,དམིགས་}པས་སེམས་ཅན་ཐམས་ཅད་མངོན་དུ་བྱེད་དོ། །{དམྱིགས་,དམིགས་}པར་
D44.036.0004a04.01བྱེད་དོ། ཡིད་ལ་བྱེད་དོ། །དགེ་བའི་རྩ་བ་དེ་དང་དེ་དག་ལ་ཡང་སྔོན་དུ་འགྲོ་བར་བྱེད་དོ། །འདི་ལྟར་ཐམས་ཅད་མཁྱེན་པ་ཉིད་དུ་ཡོངས་སུ་བསྔོའོ། །བྱང་ཆུབ་ཏུ་སེམས་བསྐྱེད་པས་ཡོངས་སུ་འཛིན་ཏོ། །དགེ་བའི་རྩ་བ་དེ་དག་ལ་ཉེ་བར་འཇོག་གོ །འཁོར་བའི་དགོན་པ་ལས་རྣམ་
D44.036.0004a05.01པར་བཟློག་གོ །སངས་རྒྱས་ཀྱི་བདེ་བ་བསྒྲིབས་པ་མེད་པ་ཡང་མངོན་དུ་བྱེད་དོ། །འཁོར་བའི་རྒྱུད་ལས་འབྱིན་པར་བྱེད་དོ། །སངས་རྒྱས་ཀྱི་ཆོས་ལ་བརྩོན་པའི་བྱམས་པས་ཀྱང་ཡོངས་སུ་རྒྱས་པར་བྱེད་དོ། །སྙིང་རྗེ་ཆེན་པོས་ཀྱང་དེ་དག་ལ་སྙིང་བརྩེ་བར་བྱེད་དེ། བདེ་བ་རྣམ་པར་
D44.036.0004a06.01དག་པ་ཡང་དེ་དག་ལ་ཡོངས་སུ་བསྔོའོ། །དགེ་བའི་རྩ་བ་ཡོངས་སུ་བསྲུང་བར་བྱ་བའི་ཕྱིར་ཡང་རབ་ཏུ་འཇུག་སྟེ། དེ་དག་སངས་རྒྱས་ཀྱི་ཆོས་ལ་ཉེ་བར་སྡུད་དོ །དེ་དག་བདུད་ཀྱི་ཡུལ་ལས་རྣམ་པར་བཟློག་གོ། །དེ་དག་དེ་བཞིན་གཤེགས་པའི་ཡུལ་ལ་འཇུག་པར་བྱེད་དོ། །
D44.036.0004a07.01