完整藏文原文 · 德格版页 当前仅加载第 36 函德格 322a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བདག་གི་ལུས་དང་མིག་གི་སྐྱེ་མཆེད་ནས་ཡིད་ཀྱི་སྐྱེ་མཆེད་ཀྱི་མཐར་ཐུག་པའི་བར་དུ། བྱང་ཆུབ་སེམས་དཔའི་ཏིང་ངེ་འཛིན་ཆོས་ཀྱི་དབྱིངས་ལ་དབང་བསྒྱུར་བ་ཞེས་བྱ་བ་ལ་
D44.036.0322a01.01སྙོམས་པར་འཇུག་སྟེ། བདག་གི་བ་སྤུའི་ཁུང་བུ་རེ་རེར་ཡང་། བྱང་ཆུབ་སེམས་དཔའི་ཏིང་ངེ་འཛིན་ཆོས་ཀྱི་དབྱིངས་ལ་དབང་བསྒྱུར་བ་ལ་སྙོམས་པར་འཇུག་གོ །དེའི་རང་བཞིན་གྱི་ཆོས་ཉིད་ཀྱང་དེར་བྱིན་གྱིས་རློབ་སྟེ། དེ་ཉིད་ནས་
D44.036.0322a02.01འཇིག་རྟེན་ཡང་རབ་ཏུ་ཤེས་སོ། །འཇིག་རྟེན་གྱི་ཆོས་ཀྱང་རབ་ཏུ་ཤེས་སོ། །འཇིག་རྟེན་གྱི་ཁམས་ཀྱང་རབ་ཏུ་ཤེས་སོ། །འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཡང་རབ་ཏུ་ཤེས་སོ། །འཇིག་རྟེན་གྱི་ཁམས་གྲངས་མེད་པ་
D44.036.0322a03.01ཡང་རབ་ཏུ་ཤེས་སོ། །འཇིག་རྟེན་གྱི་ཁམས་སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱང་རབ་ཏུ་ཤེས་སོ། །འཇིག་རྟེན་གྱི་ཁམས་དེ་དག་ཀྱང་བྱང་ཆུབ་སེམས་དཔའི་ཡོན་ཏན་ཡོངས་སུ་རྫོགས་ཤིང་། དག་པས་
D44.036.0322a04.01རྣམ་པར་དག་ལ་འོད་གསལ་ཞིང་རྒྱན་བཟང་པོ་ཤིན་ཏུ་མང་བས་རྣམ་པ་དུ་མར་བརྒྱན་ཅིང་། རིན་པོ་ཆེ་བཟང་པོ་སྣ་ཚོགས་ཀྱིས་ཤིན་ཏུ་གང་བར་མཐོང་སྟེ། དེ་ནས་བསྐལ་པ་བརྒྱར་ཡང་བྱང་ཆུབ་ཀྱི་སྤྱད་པ་སྤྱོད་ཅིང་གནས་སོ། །བསྐལ་པ་སྟོང་དང་།
D44.036.0322a05.01བསྐལ་པ་ཁྲག་ཁྲིག་དང་། བསྐལ་པ་བྱེ་བ་ཁྲག་ཁྲིག་བརྒྱ་སྟོང་དང་། བསྐལ་པ་ཚད་མེད་པ་དང་། བསྐལ་པ་གྲངས་མེད་པ་དང་། བསྐལ་པ་དཔག་ཏུ་མེད་པ་དང་། བསྐལ་པ་མུ་མེད་པ་དང་། བསྐལ་པ་བགྲང་དུ་མེད་པ་དང་།
D44.036.0322a06.01བསྐལ་པ་མཐའ་ཡས་པ་དང་། བསྐལ་པ་མཚུངས་པ་མེད་པ་དང་། བསྐལ་པ་བསམ་གྱིས་མི་ཁྱབ་པ་དང་། བསྐལ་པ་གཞལ་དུ་མེད་པ་དང་། བསྐལ་པ་བརྗོད་དུ་མེད་པ་དང་། བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པ་དང་།
D44.036.0322a07.01