完整藏文原文 · 德格版页 当前仅加载第 36 函德格 106b 版页；藏文 NFD、目录标记与异常页序保留在来源切片中，重复版页行以稳定序号区分。
པར་འགྲུབ་པར་བྱེད་པ་ཡིན། ཆོས་ཐམས་ཅད་ཀྱི་ཚུལ་ལ་འཇུག་པ་མངོན་པར་འགྲུབ་པར་བྱེད་པ་ཡིན། ཆོས་དཀར་པོ་ཐམས་ཅད་ཡོངས་སུ་བསྔོ་བ་རྣམ་པར་དག་པའི་དཀྱིལ་འཁོར་མངོན་པར་འགྲུབ་པར་བྱེད་པ་ཡིན་ཏེ། ཀྱེ་རྒྱལ་བའི་སྲས་
D44.036.0106b01.01དག་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཡོངས་སུ་བསྔོ་བ་འགྲོ་བ་ཐམས་ཅད་མཉམ་པ་ཉིད་དུ་རྗེས་སུ་སོང་བ་ཞེས་བྱ་སྟེ་བདུན་པའོ། །ཡོངས་སུ་བསྔོ་བ་དེ་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་འདོད་པ་
D44.036.0106b02.01ཐམས་ཅད་ཀྱི་ཚེར་མ་དང་བྲལ་ཞིང་ཕྱིར་རྒོལ་བ་རབ་ཏུ་བཅོམ་པ་ཡིན། རྒྱུད་ཀྱི་ཚུལ་གཅིག་ཏུ་གྱུར་པས་ལྟོད་པ་མེད་པར་ཤིན་ཏུ་བྱུང་བ་ཡིན། ཡོན་ཏན་གྱི་རྒྱལ་སྲིད་དང་དབང་རབ་ཏུ་ཐོབ་པས་བསོད་ནམས་ཀྱིས་སྐྱོབ་པའི་མཐུ་ཆེན་པོ་དང་ལྡན་
D44.036.0106b03.01པ་ཡིན། ཞིང་ཐམས་ཅད་དུ་འགྲོ་བ་ལ་ཞུགས་པས། ཆགས་པ་མེད་པར་སྤྱོད་པ་ཡིན། ལུས་ཐམས་ཅད་དང་ལྡན་པས་ཤིན་ཏུ་རྣམ་པར་ཕྱེ་བ་ཡིན། སྤྱོད་པ་དང་། སྨོན་ལམ་ཐམས་ཅད་ཀྱིས་རྣམ་པར་འཕྲུལ་བའི་ཡེ་ཤེས་དང་ལྡན་པས་
D44.036.0106b04.01སྤྱོད་པ་ཆེན་པོས་བྱུང་བ་ཡིན། སངས་རྒྱས་ཀྱི་ཞིང་ཐམས་ཅད་དུ་རྣ་བའི་ཤེས་པ་ཐོགས་པ་མེད་པར་ཞུགས་པས་ཆོས་ཐམས་ཅད་ཡོངས་སུ་ཤེས་པ་དང་ལྡན་པ་ཡིན། ཤེས་རབ་ཀྱི་མིག་ཤིན་ཏུ་དག་པའི་བློ་རབ་ཏུ་ཐོབ་པས། སངས་རྒྱས་ཐམས་ཅད་
D44.036.0106b05.01མཐོང་བ་དང་ལྡན་པ་ཡིན། དགེ་བའི་རྩ་བ་བརྩམས་པ་ཐམས་ཅད་མཐར་ཕྱིན་པར་བྱ་བ་ལ་རྒྱུན་མི་འཆད་པ་ཡིན་ཏེ། ཆོས་འཐོབ་པར་བྱ་བ་ཐམས་ཅད་ཐོབ་པས་རློམ་སེམས་མེད་པ་ཡིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་
D44.036.0106b06.01ཆེན་པོ་རྡོ་རྗེའི་རྒྱལ་མཚན་གྱིས། སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །དེ་དག་བསོད་ནམས་རླབས་ཆེན་བྱེད་པ་དང་། །རྒྱ་ཆེ་ཟབ་མོ་ཕྲ་དང་རགས་བྱེད་ཅིང་། །སྣ་
D44.036.0106b07.01