完整藏文原文 · 德格版页 当前仅加载第 36 函德格 28b 版页；藏文 NFD、目录标记与异常页序保留在来源切片中，重复版页行以稳定序号区分。
འཛིན་ཏོ། །སེམས་ཅན་ཐམས་ཅད་དགེ་བའི་རྩ་བ་བྱིན་པས་ཡོངས་སུ་རྫོགས་པར་བྱེད་དོ། །སེམས་ཅན་ཐམས་ཅད་དགེ་བའི་རྩ་བས་{དམྱིགས་,དམིགས་}པར་བྱེད་དོ། །སེམས་ཅན་ཐམས་ཅད་དགེ་བའི་རྩ་བ་མཉམ་པ་ཉིད་ཀྱིས་མཉམ་པར་བྱེད་དོ། །སེམས་ཅན་
D44.036.0028b01.01ཐམས་ཅད་དགེ་བའི་རྩ་བ་ཤེས་པས་རྣམ་པར་དཔྱོད་པ་བྱེད་དེ། དེ་ལྟར་མར་མེའི་སྦྱིན་པས་བསྡུས་པའི་དགེ་བའི་རྩ་བ་དེ་ཅི་ནས་ཀྱང་སེམས་ཅན་ཐམས་ཅད་ལ་དགེ་བའི་རྩ་བ་རྣམས་རབ་ཏུ་དགོང་པའི་ཕྱིར། ཡོངས་སུ་བསྔོ་བ་ཐོགས་པ་{མྱེད་,མེད་}པར་འགྲོ་བས་དེ་ལྟར་
D44.036.0028b02.01ལྟར་ཡོངས་སུ་བསྔོའོ། །བྱང་ཆུབ་སེམས་དཔའ་སེམས་དཔའ་ཆེན་པོ་ནད་ཀྱི་རྐྱེན་སྨན་དང་ཡོ་བྱད་སྦྱིན་པ་བྱེད་པའི་ཚེ། དགེ་བའི་རྩ་བ་དེ་འདི་ལྟར་ཡོངས་སུ་བསྔོ་སྟེ། དགེ་བའི་རྩ་བ་འདིས་སེམས་ཅན་ཐམས་ཅད་{དམྱིགས་,དམིགས་}པ་ཀུན་ལས་ཤིན་ཏུ་
D44.036.0028b03.01ལངས་པར་གྱུར་ཅིག །སེམས་ཅན་ཐམས་ཅད་དེ་བཞིན་གཤེགས་པའི་སྐུ་རབ་ཏུ་ཐོབ་ཅིང་ལུས་ནད་མེད་པར་གྱུར་ཅིག །སེམས་ཅན་ཐམས་ཅད་{མྱི་,མི་}དགེ་བའི་ནད་ཐམས་ཅད་སོས་པར་གྱུར་ཏེ། སྨན་ལྟ་བུར་གྱུར་ཅིག །སེམས་ཅན་ཐམས་ཅད་
D44.036.0028b04.01བྱང་ཆུབ་སེམས་དཔའ་ཕྱིར་{མྱི་,མི་}ལྡོག་པའི་ས་ལ་རབ་ཏུ་གནས་པའི་ཚུལ་གྱིས་སྨན་ཨ་ག་རུ་དེ་ལྟ་བུར་གྱུར་ཅིག །སེམས་ཅན་ཐམས་ཅད་ཉོན་མོངས་པའི་དུག་བསལ་ཤིང་འབྱིན་ཅིང་སངས་རྒྱས་ཀྱི་སྨན་དུ་གྱུར་ཅིག །སེམས་ཅན་ཐམས་ཅད་ཉོན་
D44.036.0028b05.01མོངས་པ་ཐམས་ཅད་རྣམ་པར་སྦྱོང་བའི་སྤྱོད་པ་དང་ལྡན་ཞིང་ཉེ་བར་བགྲོད་པའི་ངང་ཚུལ་ཅན་དུ་གྱུར་ཅིག །སེམས་ཅན་ཐམས་ཅད་ཤིན་ཏུ་མི་འཁྲུག་པའི་ཆོས་དང་ལྡན་ཞིང་སྨན་གྱི་རྒྱལ་པོ་ལྟ་བུར་གྱུར་ཅིག །སེམས་ཅན་ཐམས་ཅད་འགྲོ་བ་ཐམས་
D44.036.0028b06.01ཅད་གསོ་བ་ལ་ཞུགས་ཤིང་སྨན་གྱི་སྡོང་པོ་ལྟ་བུར་གྱུར་ཅིག །སེམས་ཅན་ཐམས་ཅད་ཐམས་ཅད་མཁྱེན་པ་ཉིད་ཀྱི་སྣང་བ་རབ་ཏུ་ཐོབ་ཅིང་ནད་ཐམས་ཅད་བྱང་བར་གྱུར་ཅིག །སེམས་ཅན་ཐམས་ཅད་བསམ་པ་ཇི་ལྟ་བ་བཞིན་དུ་སྨན་གྱི་སྦྱོར་བ་ལ་བརྩོན་པས་
D44.036.0028b07.01