完整藏文原文 · 德格版页 当前仅加载第 36 函德格 67b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་མཐོང་བ་ཡོངས་སུ་རྫོགས་པར་བྱ་བའི་ཕྱིར་ཡོངས་སུ་བསྔོའོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱི་དབང་ཕྱུག་བྱེད་ཅིང་སྲོག་གཅོད་པ་སྤང་བ་ལ་སེམས་ཅན་རྣམས་རབ་ཏུ་གཞོག་པ་དང་། འཛམ་བུའི་གླིང་གི་གྲོང་དང་།
D44.036.0067b01.01གྲོང་ཁྱེར་དང་། ལྗོངས་དང་། ཕོ་བྲང་འཁོར་དང་། རྒྱལ་པོའི་གནས་ཐམས་ཅད་ཀྱི་ཤེན་པ་དང་། གསད་པའི་གནས་ཐམས་ཅད་རྣམ་པར་གཅོད་པ་དང་། རྐང་གཉིས་པ་དང་། རྐང་བཞི་པ་དང་། {རི་དགས་,རི་དྭགས་}མང་པོ་ལ་མི་འཇིགས་པའི་སྦྱིན་པ་བྱེད་
D44.036.0067b02.01པ་དང་། ལྟོད་པ་མེད་པའི་སེམས་ཀྱིས་བྱང་ཆུབ་སེམས་དཔའི་སྤྱོད་པ་ལ་གནས་པ་དང་། ཁོན་མེད་པའི་སེམས་ཀྱིས་རྒྱལ་པོའི་སྲིད་ཐམས་ཅད་ལ་གནས་པ་དང་། སེམས་ཅན་གྱི་མི་བདེ་བ་དང་། སྡུག་བསྔལ་ཐམས་ཅད་སེལ་བ་དང་། འགྲོ་
D44.036.0067b03.01བ་ཐམས་ཅད་ལ་བདེ་བར་བྱེད་པའི་སེམས་རིན་པོ་ཆེ་བསྐྱེད་པ་དང་། འགྲོ་བ་ཐམས་ཅད་ན་རིན་པོ་ཆེ་དང་འདྲ་བའི་བསམ་པ་རིན་པོ་ཆེ་རབ་ཏུ་སྒྲུབ་པ་དང་། སྡོམ་པ་གསུམ་རྣམ་པར་དག་པ་ལ་བདག་གནས་ཤིང་གཞན་རབ་ཏུ་འཇོག་པའི་ཚེ།
D44.036.0067b04.01སྲོག་གཅོད་པ་སྤངས་པ་དང་། བསླབ་པ་ལྔ་ལ་སེམས་ཅན་རབ་ཏུ་བཞག་པས་ཡང་དག་པར་བསྡུས་པའི་དགེ་བའི་རྩ་བ་དེ་དག་འདི་ལྟར་ཡོངས་སུ་བསྔོ་སྟེ། དགེ་བའི་རྩ་བ་འདིས་སེམས་ཅན་ཐམས་ཅད་བྱང་ཆུབ་སེམས་དཔའི་སེམས་སོ་སོར་ཐོབ་
D44.036.0067b05.01ཅིང་སྲོག་གི་དབང་པོ་གཅད་དུ་མེད་པ་དང་། ཚེ་རིང་ཞིང་ཤེས་རབ་རབ་ཏུ་ཐོབ་པར་གྱུར་ཅིག །སེམས་ཅན་ཐམས་ཅད་སངས་རྒྱས་ཐམས་ཅད་ལ་རིམ་གྲོ་བྱེད་པའི་ཚེ་དང་ལྡན་ཞིང་ཚེ་དཔག་ཏུ་མེད་པར་གྱུར་ཅིག །སེམས་ཅན་ཐམས་ཅད་གཞན་གྱི་གནོད་
D44.036.0067b06.01པས་སྲོག་འགག་པར་མི་འགྱུར་ཞིང་རྒ་ཤི་མེད་པའི་ཆོས་ལ་རབ་ཏུ་བརྩོན་པར་གྱུར་ཅིག །སེམས་ཅན་ཐམས་ཅད་ཚེ་ཇི་སྲིད་དུ་འདོད་ཅིང་བསམས་པར་གནས་པ་ལ་མཁས་ཤིང་ནད་མེད་པའི་ལུས་དང་ལྡན་པར་གྱུར་ཅིག །སེམས་ཅན་ཐམས་ཅད་
D44.036.0067b07.01