完整藏文原文 · 德格版页 当前仅加载第 36 函德格 331a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོའོ། །ཇི་ལྟར་ཆུ་ཀླུང་ཆེན་པོ་བཞི་པ་དེ་དག་བསྐལ་པར་གནས་ཤིང་སྐྱོ་བ་དང་། ཡོངས་སུ་སྐྱོ་བ་མེད་པར་རྒྱ་མཚོ་ལ་ཞེན་པར་འདོད་པ་དེ་བཞིན་དུ། བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་
D44.036.0331a01.01པ་དང་། སྨོན་ལམ་ལ་བརྩོན་པའི་བྱང་ཆུབ་སེམས་དཔའ་ཡང་ཕྱི་མའི་མཐའི་མུར་ཐུག་པའི་བསྐལ་པར་བྱང་ཆུབ་སེམས་དཔའི་སྤྱད་པ་སྤྱོད་པས་ཡོངས་སུ་མི་སྐྱོ་བར་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྒྱ་
D44.036.0331a02.01མཚོ་རྒྱུན་མ་ཆད་པར་རྗེས་སུ་གཞོལ་ཞིང་ཞེན་པར་འགྲོ་བ་ཡིན། ཇི་ལྟར་མཚོ་ཆེན་པོ་མ་དྲོས་པ་དེ་རིན་པོ་ཆེ་སྣ་ཚོགས་ཀྱི་མདོག་ལྟར་འདུག་ཅིང་དངུལ་གྱི་བྱེ་མའི་མདོག་ཏུ་སྣང་བ་དང་། གསེར་གྱི་བྱེ་མའི་མདོག་དུ་སྣང་བ་དང་
D44.036.0331a03.01རྡོ་རྗེའི་བྱེ་མའི་མདོག་ཏུ་སྣང་བ་དང་། བཻ་ཌཱུརྱའི་བྱེ་མའི་མདོག་ཏུ་སྣང་བ་དང་། ཉི་མའི་འོད་གཟེར་གྱིས་ཕོག་ན་ཉི་མའི་དཀྱིལ་འཁོར་རྣམ་པ་ཐམས་ཅད་དང་ལྡན་པའི་གཟུགས་སུ་མངོན་ཞིང་སྣང་བ་དང་། ཉི་མའི་འོད་གཟེར་དང་
D44.036.0331a04.01ཕྲད་ན་མཚོ་ཆེན་པོ་མ་དྲོས་པ་དེ་དམིགས་པ་ཐམས་ཅད་ཀྱི་གཟུགས་སུ་གྱུར་པར་སྣང་ཡང་གཟུགས་ལུས་ཀྱི་གཟུགས་སུ་སྣང་བ་དང་། རིན་པོ་ཆེ་སྣ་ཚོགས་ཀྱི་རྣམ་པར་སྣང་བར་གྱུར་པ་དེ་དག་གཅིག་གིས་གཅིག་བདོ་ཞིང་ཕན་ཚུན་དུ་གནོད་པར་འགྱུར་བ་མེད་
D44.036.0331a05.01དོ། །དེ་བཞིན་དུ་བྱང་ཆུབ་སེམས་དཔའ་ཡང་ཆོས་ཀྱི་དབྱིངས་ལ་དབང་བསྒྱུར་བའི་ཏིང་ངེ་འཛིན་འདི་ལ་གནས་པས་རང་གི་ལུས་ཀྱི་བ་སྤུའི་ཁུང་བུ་རེ་རེ་ཡང་དེ་བཞིན་གཤེགས་པ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་
D44.036.0331a06.01དུ་མེད་པའི་རྡུལ་ཤིན་ཏུ་ཕྲ་བ་སྙེད་རབ་ཏུ་མཐོང་ངོ་། །སངས་རྒྱས་ཀྱི་ཞིང་ཡང་མཐོང་ངོ་། །འཁོར་གྱི་དཀྱིལ་འཁོར་དུ་ཡང་འཇུག་གོ །ཆོས་བསྟན་པ་ཡང་ཉན་ཏོ། །དེ་དག་ཐམས་ཅད་ཀྱང་མཉེས་པར་བྱེད་དོ། །དེ་བཞིན་
D44.036.0331a07.01