完整藏文原文 · 德格版页 当前仅加载第 36 函德格 82b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་སངས་རྒྱས་ཀྱི་ཞིང་ཐམས་ཅད་དུ་སྨོན་ལམ་གྱིས་འདོང་ཞིང་ལུས་ལ་མངོན་པར་ཆགས་པ་མེད་པར་གྱུར་ཅིག །སེམས་ཅན་ཐམས་ཅད་ཀྱི་ཆགས་པ་དང་། ཁོང་ཁྲོ་བ་སྤངས་ཤིང་སྡུག་པ་དང་། མི་སྡུག་པའི་སེམས་དང་བྲལ་བར་གྱུར་ཅིག །
D44.036.0082b01.01སེམས་ཅན་ཐམས་ཅད་སངས་རྒྱས་ཀྱི་རིགས་ཀྱི་རྗེས་སུ་སྤྱོད་ཅིང་དེ་བཞིན་གཤེགས་པའི་སྲས་སུ་རེད་པར་གྱུར་ཅིག །སེམས་ཅན་ཐམས་ཅད་ཐ་དད་པ་མེད་པའི་སེམས་ཀྱིས་བྱུང་ཞིང་། སངས་རྒྱས་ཐམས་ཅད་ལ་རབ་ཏུ་འདུ་ཤེས་ཐོབ་པར་གྱུར་
D44.036.0082b02.01ཅིག །སེམས་ཅན་ཐམས་ཅད་སངས་རྒྱས་ཐམས་ཅད་ཀྱི་ཆོས་ཀྱི་སྐུ་ལས་བྱུང་བ། གསུང་ལས་སྐྱེས་པར་གྱུར་ཏེ། ངེས་པར་སངས་རྒྱས་ཀྱི་སྲས་སུ་གྱུར་ཅིག །སེམས་ཅན་ཐམས་ཅད་དེ་བཞིན་གཤེགས་པའི་ཡེ་ཤེས་ཁོང་དུ་ཆུད་པར་འགྱུར་
D44.036.0082b03.01བའི་ཕྱིར། གོ་སྐབས་རབ་ཏུ་ཐོབ་པར་གྱུར་ཅིག །སེམས་ཅན་ཐམས་ཅད་ཡང་དག་པར་བྲལ་བའི་མཐར་ཕྱིན་ཏེ། སངས་རྒྱས་ཀྱི་བྱང་ཆུབ་དང་ལྡན་པར་གྱུར་ཅིག །སེམས་ཅན་ཐམས་ཅད་བླ་ན་མེད་པའི་ཆོས་གཏོང་བ་ལ་བརྩོན་
D44.036.0082b04.01ཞིང་སངས་རྒྱས་ཀྱི་བྱང་ཆུབ་ཡང་དག་པར་འགོད་པ་དང་ལྡན་པར་གྱུར་ཅིག །སེམས་ཅན་ཐམས་ཅད་རྐྱེན་ཐམས་ཅད་ཀྱིས་ཟད་པར་མི་ནུས་ཤིང་ཤིན་ཏུ་རྟོགས་པར་གཞག་པའི་སེམས་དང་ལྡན་པར་གྱུར་ཅིག །སེམས་ཅན་ཐམས་ཅད་
D44.036.0082b05.01བྱང་ཆུབ་ཀྱི་ཤིང་དྲུང་དུ་རྣམ་པའི་མཆོག་ཐམས་ཅད་དང་ལྡན་པ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་རྣམ་པར་སངས་རྒྱས་ཏེ། ཆོས་ལས་སྐྱེས་པ་དང་། ཆོས་ལས་བྱུང་བའི་བུ་དང་། བུ་མོ་དང་ཆུང་མ་རབ་ཏུ་འཕྲོ་བར་བྱེད་
D44.036.0082b06.01པར་གྱུར་ཅིག་ཅེས། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་བུ་དང་། བུ་མོ་དང་། ཆུང་མ་ཡོངས་སུ་བཏང་བ་ལས་བྱུང་བའི་དགེ་བའི་རྩ་བ་དེ་དག་བསྒྲིབས་པ་མེད་པའི་ཡེ་ཤེས་རབ་ཏུ་ཐོབ་པ་དང་། ཁམས་གསུམ་པ་
D44.036.0082b07.01