完整藏文原文 · 德格版页 当前仅加载第 36 函德格 79b 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་ཀྱི་རྣམ་པ་ཐམས་ཅད་ལ་མངོན་པར་མ་ཆགས་པའི་སེམས་དང་ལྡན་པ། འདོད་པའི་དགའ་བ་ཐམས་ཅད་ལ་སེམས་མི་བརྐམས་པ། འདོད་པའི་དགའ་བ་སྣ་ཚོགས་ཡོངས་སུ་སྤྱོད་པ་ལ་རྟོག་པ་མེད་པར་གནས་པ། འདོད་པའི་སྦྱོར་བ་ཐམས་
D44.036.0079b01.01ཅད་ལ་ཆགས་པ་མེད་པའི་སེམས་དང་ལྡན་པ། བུད་མེད་ཀྱི་དགའ་བ་དང་། རྩེད་མོའི་དགའ་བ་ཡོངས་སུ་སྤྱོད་པ་ཐམས་ཅད་ལ་མཚན་མར་མི་འཛིན་པ། བུད་མེད་རིན་པོ་ཆེའི་ཡན་ལག་དང་ཉིང་ལག་ཐམས་ཅད་ལ་མ་ཆགས་པ། འཇིག་
D44.036.0079b02.01རྟེན་གྱི་ཕུན་སུམ་ཚོགས་པ་ཐམས་ཅད་ལས་ཕྱིར་མི་ལྡོག་པས་གཡོག་འཁོར་དང་། ཆུང་མའི་འཁོར་དང་རོལ་མོར་བཅས། གླུ་དང་། གར་དང་རྔ་དང་རོལ་མོ་དཀྲོལ་བ་ཕྱེད་ཅིང་སྤྱོད་པ་བསྙེན་བཀུར་ཞིང་རིམ་གྲོ་བྱ་བ་ལ་ཤིན་ཏུ་མཁས་
D44.036.0079b03.01པར་གྱུར་པ། བཟོ་དང་སྒྱུ་རྩལ་ཤིན་ཏུ་བསླབས་པ། འཇིག་རྟེན་པའི་ཡོན་ཏན་ཐམས་ཅད་དང་ལྡན་པ། དགའ་བར་བྱེད་པ་ཡིད་དུ་འོང་བའི་རིམ་གྲོ་རྩེ་བར་བྱེད་པ། བཀུར་སྟིའི་ཚུལ་ལ་མཁས་པ། རོལ་མོ་བརྡུང་བའི་སྒྲ་ཡིད་
D44.036.0079b04.01དུ་འོང་བ་ཤིན་ཏུ་ཕྱུང་བ་དང་། རོལ་མོ་དཀྲོལ་བ་དང་། གླུའི་སྒྲ་མི་མཐུན་པ་མེད་པ་དང་། གར་གྱིས་ཉེ་བར་སྤྱོད་པ་དང་ལྡན་པ། བུད་མེད་ཅང་ཤེས་ཀྱི་ཚོགས་ཀྱིས་ཀུན་ནས་བསྐོར་བ། བཞིན་སྡུག་གུ་དང་ཆ་བྱད་སྡུག་གུའི་བུ་མོ་རིན་པོ་ཆེ་
D44.036.0079b05.01དང་ལྡན་པ། ཕྲེང་བ་དང་། སྤོས་དང་། བདུག་སྤོས་དང་། རྒྱན་གྱི་རིམ་གྲོར་བྱེད་པ། བཞད་གད་དང་། རོལ་མོས་དགའ་བར་རྩེ་ཞིང་བཀུར་སྟི་རྣམ་པ་སྣ་ཚོགས་ཡིད་དུ་འོང་བ་སྟོན་པའི་བུད་མེད་རིན་པོ་ཆེ་འགྲོགས་
D44.036.0079b06.01འགྲོགས་པ། ངག་ཉན་ཅིང་མཐུན་པར་འཛིན་པ་ངེས་པའི་ཚིག་གིས་དགའ་བར་བྱེད་ཅིང་རིམ་གྲོར་བྱེད་པ་རྒྱན་བཟང་པོ་རབ་ཏུ་མང་པོས་བལྟ་ན་ཡིད་དུ་འོང་བར་བརྒྱན་པས་ཤིན་ཏུ་རྣམ་པར་དག་པ། རོལ་མོ་བརྡུང་བ་དང་། དཀྲོལ་བ་བྱེ་བ་ཁྲག་
D44.036.0079b07.01