完整藏文原文 · 德格版页 当前仅加载第 36 函德格 359a 版页；藏文 NFD、目录标记与异常页序保留在来源切片中，重复版页行以稳定序号区分。
དུས་གང་དུ་བྱུང་བ་དང་བཅས། སྐུ་ཚེ་ཇི་སྲིད་དང་བཅས། སངས་རྒྱས་ཀྱི་ཆོ་འཕྲུལ་དང་བཅས། སངས་རྒྱས་ཀྱི་རྣམ་པར་འཕྲུལ་པ་ཡང་དག་པར་བསྟན་པ་དང་བཅས། ཡོངས་སུ་མྱ་ངན་ལས་འདའ་བ་དང་བཅས་
D44.036.0359a01.01ཆོས་འབར་བར་གནས་པ་དང་བཅས། མཆོད་རྟེན་རྣམ་པར་ཕྱེ་བའི་རྒྱན་དང་བཅས། སེམས་ཅན་གྱི་དགེ་བའི་རྩ་བ་བསྐྱེད་པ་དང་བཅས་པར་རྗེས་སུ་དྲན་ཞིང་རབ་ཏུ་ཤེས་སོ། །ཀྱེ་རྒྱལ་བའི་སྲས། འདི་ནི་བྱང་ཆུབ་སེམས་དཔའ་
D44.036.0359a02.01སེམས་དཔའ་ཆེན་པོ་རྣམས་ཀྱི་སྔོན་གྱི་གནས་རྗེས་སུ་དྲན་པ་ཞེས་བྱ་བ་ཡེ་ཤེས་ཀྱི་མངོན་པར་ཤེས་པས་སྔོན་གྱི་མཐའི་མུར་གྱུར་པའི་བསྐལ་པ་ལ་འཇུག་པ་སྟེ། གསུམ་པའོ། །ཀྱེ་རྒྱལ་བའི་སྲས་དག་གཞན་ཡང་བྱང་ཆུབ་སེམས་དཔའ་
D44.036.0359a03.01ཕྱི་མའི་མཐའི་མུར་གྱུར་པའི་བསྐལ་པ་ལ་འཇུག་སྟེ། འཇིག་རྟེན་གྱི་ཁམས་རེ་རེ་ཞིང་ཡང་བསྐལ་པ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་འཇུག་གོ །བསྐལ་པ་གྲངས་མེད་པ་དེ་དང་དེ་དག་ལ་སེམས་
D44.036.0359a04.01ཅན་གྱི་ལམ་གྱི་རྒྱུད་ཇི་སྙེད་བྱུང་བ་དང་། སེམས་ཅན་ཤི་འཕོ་བར་གྱུར་པ་ཇི་སྙེད་པ་དང་། སེམས་ཅན་གྱི་སྐྱེ་བ་ཇི་སྙེད་པ་དང་། སེམས་ཅན་གྱི་སྲིད་པའི་རྒྱུད་གཅིག་ནས་གཅིག་ཏུ་བརྒྱུད་པ་ཇི་སྙེད་པ་དང་། སེམས་ཅན་གྱི་ལས་ཇི་སྙེད་
D44.036.0359a05.01པ་དང་། རྣམ་པར་སྨིན་པ་ཇི་སྙེད་པ་དང་། དགེ་བ་འམ་མི་དགེ་བ་འམ། འབྱུང་བ་འམ་མི་འབྱུང་བ་འམ། ངེས་པ་འམ་མ་ངེས་པ་འམ། ལོག་པར་ངེས་པ་འམ། ཡང་དག་པར་ངེས་པ་འམ། བག་ལ་ཉལ་བ་དང་བཅས་པའི་དགེ་བའི་རྩ་བའམ།
D44.036.0359a06.01བག་ལ་ཉལ་བ་མེད་པའི་དགེ་བའི་རྩ་བའམ། ཕུན་སུམ་ཚོགས་པའི་དགེ་བའི་རྩ་བ་འམ། རྒུད་པར་གྱུར་པའི་དགེ་བའི་རྩ་བ་འམ། དགེ་བས་ཡོངས་སུ་བཟུང་བ་འམ། མི་དགེ་བས་ཡོངས་སུ་བཟུང་བ་འམ། ཡང་དག་པར་བླངས་པའི་དགེ་
D44.036.0359a07.01