完整藏文原文 · 德格版页 当前仅加载第 36 函德格 381b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིགས་ཆོས་དང་ལྡན། །རྨི་ལམ་བཞིན་སྤྱོད་ལྡན་པས་འཇིག་རྟེན་ཀུན་ཏུ་ཆུད་མི་ཟ། །རིང་ཐུང་ཀུན་ཀྱང་རྨི་ལམ་རྒྱུད་བཞིན་དེ་དག་རབ་ཏུ་ཤེས། །འདི་ནི་རྨི་ལམ་ལྟ་བུའི་ཡིད་ལྡན་རྣམས་ཀྱི་བཟོད་པ་སྟེ། །རྨི་ལམ་ལྟ་
D44.036.0381b01.01བུའི་འཇིག་རྟེན་སེམས་ཅན་རབ་ཏུ་འདྲེན་པ་བྱེད། །སེམས་ཅན་རྣམས་ཀྱི་བསམ་པ་རྟོགས་བྱས་ཆགས་མེད་ཡེ་ཤེས་ཅན། །སེམས་ལ་བཅིངས་མེད་འགྲོ་བ་ཁྲག་ཁྲིག་ཡོངས་སུ་འགྲེལ་པ་བྱེད། །དེ་ལྟར་བྱང་ཆུབ་སེམས་དཔའི་
D44.036.0381b02.01སྤྱོད་པ་རྒྱ་ཆེ་མཐའ་ཡས། །ཆོས་རྣམས་མངོན་པར་བསྒྲུབས་པ་ཡངས་པ་ཁོང་དུ་ཆུད་བྱེད། །ཆོས་ཀྱི་ཆོས་ཉིད་དུ་མའི་ཚུལ་རྣམས་ཁོང་དུ་དེས་ཆུད། །ཆོས་ཚུལ་རྣམ་པ་ཐ་དད་ཀུན་ལ་ཆགས་པའི་སེམས་མེད། །འགྲོ་ཀུན་དབྱངས་
D44.036.0381b03.01ཀྱི་ཡན་ལག་རྣམ་པ་ཇི་སྙེད་ཡོད་པ། །དེ་དག་སྒྲ་དབྱངས་སྒྲ་བརྙན་བཞིན་དུ་ཁོང་དུ་དེས་ཆུད། །སྒྲར་བརྗོད་དེ་དག་ནང་ན་མེད་པར་རབ་ཏུ་ཤེས་ཏེ། །སྒྲ་རྣམས་ཐམས་ཅད་ཕྱི་ནང་མེད་པར་རབ་ཏུ་དེ་ཤེས། །སྒྲ་བརྙན་ཇི་ལྟར་རྣམ་པ་སྣ་
D44.036.0381b04.01ཚོགས་སྒྲ་ཚུལ་གྲག་སྟེ། །རྣམ་རྟོག་དབྱངས་དང་འདྲ་ཡང་རྣམ་རྟོག་{མྱེད་,མེད་}པའི་སྒྲ་ཡིན། །སྒྲ་རྣམས་རྣམ་པ་སྣ་ཚོགས་ཐམས་ཅད་དེ་བཞིན་རབ་ཤེས། །སྒྲ་ལ་མངོན་པར་ཆགས་མེད་དེ་བཞིན་རློམ་པའི་སེམས་མེད། །སེམས་
D44.036.0381b05.01ཅན་ཀུན་གྱི་གཙོ་བོ་ཐམས་ཅད་དེས་མཐོང་གྱུར་ཅིང་། །འཇིག་རྟེན་མགོན་པོ་ཆོས་རྣམས་གསུང་ཞིང་དབྱངས་སྒྲོག་མཛད་པས། །མདོ་མང་བརྗོད་དུ་མེད་པ་རབ་ཏུ་གསུང་ཞིང་སྟོན་ཀྱང་། །རྒྱལ་བའི་གསུང་དབྱངས་དེ་ལ་དེ་ནི་གནས་
D44.036.0381b06.01པར་མི་བྱེད། །སྒྲ་བརྙན་དེ་དག་ཇི་ལྟར་སྒྲ་ཡི་རྣམ་པར་གྲག་ཀྱང་། །སྒྲ་བརྙན་རྣམ་པ་དག་ལ་སྒྲ་རྣམས་གང་ཡང་ཡོད་མིན། །དེ་ལྟར་དབྱངས་ཀྱི་བྱེ་བྲག་རྗེས་འབྲང་ཆོས་ཀྱི་རྣམ་པ། །ཆོས་ཉིད་འཇིག་མེད་ལྡན་པ་རྣམ་ཕྱེ་ཆོས་
D44.036.0381b07.01