完整藏文原文 · 德格版页 当前仅加载第 36 函德格 251b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ཆུད་པར་བྱ་བ་དང་། དེ་བཞིན་གཤེགས་པའི་སྟོབས་དང་། མི་འཇིགས་པ་དང་། སངས་རྒྱས་ཀྱི་ཆོས་མ་འདྲེས་པ་ཡོངས་སུ་མི་འཕྲོགས་པ་སྦྱང་བར་བྱ་བ་དང་། དེ་བཞིན་གཤེགས་པའི་ཆོས་ཀྱི་འཁོར་ལོ་བསྐོར་བ་དང་། ཁྱུ་མཆོག་གི་
D44.036.0251b01.01མཐུ་ཕྱུང་བའི་རྗེས་སུ་འབྲང་བར་བྱ་བ་དང་། སྙིང་རྗེ་ཆེན་པོའི་མཐུ་ཕྱུང་བ་ཡོངས་སུ་{མྱི་,མི་}གཏོང་བར་བྱེད་པས། བྱང་ཆུབ་སེམས་དཔའི་ས་དགུ་པ་ཡོངས་སུ་གནོན་ཏེ། དེ་བྱང་ཆུབ་སེམས་དཔའི་ས་འདི་ལ་གནས་པའི་ཚེ། དགེ་བ་དང་། མི་
D44.036.0251b02.01དགེ་བ་དང་། ལུང་དུ་མ་བསྟན་པའི་ཆོས་མངོན་པར་འདུ་བྱ་བ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ཟག་པ་དང་བཅས་པ་དང་། ཟག་པ་མེད་པའི་ཆོས་མངོན་པར་འདུ་བྱ་བ་དང་། འཇིག་རྟེན་པ་དང་། འཇིག་རྟེན་ལས་འདས་པའི་ཆོས་
D44.036.0251b03.01མངོན་པར་འདུ་བྱ་བ་དང་། བསམ་པ་དང་བསམ་དུ་མེད་པའི་ཆོས་མངོན་པར་འདུ་བྱ་བ་དང་ངེས་པ་དང་། མ་ངེས་པའི་ཆོས་མངོན་པར་འདུ་བྱ་བ་དང་། ཉན་ཐོས་དང་། རང་སངས་རྒྱས་ཀྱི་ཆོས་མངོན་པར་འདུ་བྱ་བ་དང་། བྱང་ཆུབ་སེམས་དཔའི་
D44.036.0251b04.01སྤྱོད་པའི་ཆོས་མངོན་པར་འདུ་བྱ་བ་དང་། དེ་བཞིན་གཤེགས་པའི་སའི་ཆོས་མངོན་པར་འདུ་བྱ་བ་དང་། འདུས་བྱས་ཀྱི་ཆོས་མངོན་པར་འདུ་བྱ་བ་དང་། འདུས་མ་བྱས་ཀྱི་ཆོས་མངོན་པར་འདུ་བྱ་བ་ཡང་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །
D44.036.0251b05.01དེ་དེ་ལྟ་བུའི་ཤེས་པར་བྱ་བ་ཁོང་དུ་ཆུད་པའི་བློས་སེམས་ཅན་གྱི་སེམས་ཐིབས་པོ་རབ་ཏུ་རྒྱུ་བ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཏེ། ཉོན་མོངས་པའི་ཐིབས་པོ་རབ་ཏུ་རྒྱུ་བ་དང་། ལས་ཐིབས་པོ་རབ་ཏུ་རྒྱུ་བ་དང་། དབང་པོ་ཐིབས་པོ་རབ་ཏུ་རྒྱུ་བ་དང་། མོས་
D44.036.0251b06.01པའི་ཐིབས་པོ་རབ་ཏུ་རྒྱུ་བ་དང་། ཁམས་ཐིབས་པོ་རབ་ཏུ་རྒྱུ་བ་དང་། བསམ་པ་དང་བག་ལ་ཉལ་བ་ཐིབས་པོ་རབ་ཏུ་རྒྱུ་བ་དང་། སྐྱེ་བ་ཐིབས་པོ་རབ་ཏུ་རྒྱུ་བ་དང་། བག་ཆགས་ཀྱི་མཚམས་སྦྱོར་བ་ཐིབས་པོ་རབ་ཏུ་རྒྱུ་བ་དང་། ཕུང་པོ་གསུམ་དུ་རྣམ་
D44.036.0251b07.01