完整藏文原文 · 德格版页 当前仅加载第 36 函德格 301b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་རེ་རེས་ཀྱང་འཇིག་རྟེན་གྱི་ཁམས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་རྡུལ་ཤིན་ཏུ་ཕྲ་བ་སྙེད་སྣང་བར་བྱེད་དོ། །སྣང་བ་དེ་དག་རེ་རེས་ཀྱང་སེམས་ཅན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་རྡུལ་ཤིན་ཏུ་ཕྲ་བ་སྙེད་ཡོངས་སུ་སྨིན་པར་བྱེད་དོ། །
D44.036.0301b01.01དེ་ལ་ཡང་བྱང་ཆུབ་སེམས་དཔའ་དེས་འཇིག་རྟེན་གྱི་ཁམས་རབ་ཏུ་ཤེས་སོ། །འཇིག་རྟེན་གྱི་ཁམས་རྣམ་པར་ཕྱེ་བ་རབ་ཏུ་ཤེས་སོ། །འཇིག་རྟེན་གྱི་ཁམས་ཀུན་ནས་ཉོན་མོངས་པ་རབ་ཏུ་ཤེས་སོ། །འཇིག་རྟེན་གྱི་ཁམས་རྣམ་པར་དག་པ་རབ་ཏུ་ཤེས་སོ། །འཇིག་རྟེན་གྱི་ཁམས་སུ་འགྲོ་བ་
D44.036.0301b02.01རབ་ཏུ་ཤེས་སོ། །འཇིག་རྟེན་གྱི་ཁམས་བྱིན་གྱིས་བརླབ་པ་རབ་ཏུ་ཤེས་སོ། །འཇིག་རྟེན་གྱི་ཁམས་སུ་གནས་པར་བྱ་བ་རབ་ཏུ་ཤེས་སོ། །འཇིག་རྟེན་གྱི་ཁམས་སྣང་བར་བྱ་བ་རབ་ཏུ་ཤེས་སོ། །འཇིག་རྟེན་གྱི་ཁམས་ནས་འགྲོ་བའང་རབ་ཏུ་ཤེས་སོ། །དེ་ལྟར་བྱང་ཆུབ་སེམས་དཔའ་འཇིག་
D44.036.0301b03.01རྟེན་གྱི་ཁམས་ལ་དེ་ལྟར་འཇུག་ཀྱང་འཇིག་རྟེན་གྱི་ཁམས་ཇི་ལྟ་བ་དེ་བཞིན་དུ་བྱང་ཆུབ་སེམས་དཔའ་ལ་འཇུག་སྟེ། འཇིག་རྟེན་གྱི་ཁམས་རྣམ་པར་དམིགས་པས། འཇིག་རྟེན་གྱི་ཁམས་སྤྲོ་བར་ཡང་{མྱི་,མི་}བྱེད་དེ། ཆོས་ཀྱི་རང་བཞིན་ལས་ཀྱང་འཇིག་རྟེན་གྱི་ཁམས་འཇིག་པར་{མྱི་,མི་}བྱེད་དོ།། །།
D44.036.0301b04.01སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། བམ་པོ་ཉི་ཤུ་གསུམ་པ། ཀྱེ་རྒྱལ་བའི་སྲས་དག །འདི་ལྟ་སྟེ་དཔེར་ན་ལྷའི་བུ་ཉི་མ་འཆར་བའི་ཚེ་རི་རབ་རིའི་རྒྱལ་པོ་འཁོར་བར་གནས་པའི་རིན་པོ་ཆེའི་རི་བདུན་ལ་འཆར་བར་འགྱུར་ཏེ། རི་བདུན་པོ་དེ་དག་ལ་ཤར་ནས་རི་
D44.036.0301b05.01མཚམས་ཀྱི་གནས་བདུན་པོ་ཤིན་ཏུ་རུབ་པ་དེ་དག་ཏུ་འང་སྣང་བའི་ཚུལ་གྱིས་ཀུན་ཏུ་འཆར་རོ། །དེ་ཡང་རིན་པོ་ཆེའི་རི་བདུན་པོ་གསེར་གྱི་མདོག་ཅན་དེ་དག་ལ་ཉི་མའི་གཟུགས་བརྙན་སྣང་བས་རི་བདུན་གྱི་ཉི་མའི་གཟུགས་བརྙན་རི་མཚམས་བདུན་པོ་དེ་དག་ཏུ་སྣང་བའི་ཚུལ་གྱིས་འཆར་
D44.036.0301b06.01བར་འགྱུར་ཏེ། རི་མཚམས་བདུན་པོ་དེ་དག་ཀྱང་གསེར་གྱི་མདོག་ཏུ་འདུག་པས། དེ་དག་ལས་ཀྱང་རི་བདུན་པོ་དེ་དག་ལ་གཟུགས་བརྙན་གྱི་ཚུལ་དུ་ཉི་མའི་འོད་འཆར་ཤིང་རྣམ་པར་དམིགས་པར་འགྱུར་རོ། །དེ་ལྟར་ན་གཅིག་གིས་གཅིག་སྣང་བར་
D44.036.0301b07.01