完整藏文原文 · 德格版页 当前仅加载第 36 函德格 346a 版页；藏文 NFD、目录标记与异常页序保留在来源切片中，重复版页行以稳定序号区分。
འདུལ་བ་ལ་བསྒྲིབས་པ་མེད་པར་བྱ་བའི་ཕྱིར་ཡེ་ཤེས་ཉེ་བར་བསྒྲུབ་པ་མཛད་དོ། །བྱང་ཆུབ་སེམས་དཔའ་དེ་ཆོས་ཀྱི་རྒྱུད་མཐའ་ཡས་པ་བརྗོད་པ་ལ་ཟད་མི་ཤེས་པ་ཐ་དད་པ་ཡང་དག་པར་ཤེས་པ་བསྐྱེད་པའི་ཕྱིར་སྤོབས་པ་
D44.036.0346a01.01ཉེ་བར་བསྒྲུབ་པ་མཛད་དོ། །བྱང་ཆུབ་སེམས་དཔའ་དེ་འགྲོ་བ་ཐམས་ཅད་དུ་ལུས་བརྗོད་དུ་མེད་པའི་ཡང་བརྗོད་དུ་མེད་པའི་རྒྱུད་དང་། ཁ་དོག་མཐའ་ཡས་པ་རྣམ་པ་ཐ་དད་པ་རྣམ་པར་སྟོན་པར་བྱ་བའི་ཕྱིར་སྤྲུལ་པ་ཉེ་བར་བསྒྲུབ་པ་མཛད་
D44.036.0346a02.01དོ། །བྱང་ཆུབ་སེམས་དཔའ་དེ་སེམས་ཅན་སྣ་ཚོགས་ཐམས་ཅད་ལ་དབྱངས་ཀྱི་ཡན་ལག་དང་ལྡན་པའི་སྒྲ་དབྱངས་དང་། སྐད་སྣ་ཚོགས་བསྟན་པར་བྱ་བའི་ཕྱིར་ལྕེ་ཡངས་པ་ཉེ་བར་བསྒྲུབ་པ་མཛད་དོ། །བྱང་ཆུབ་སེམས་དཔའ་
D44.036.0346a03.01དེ་མཐོང་མ་ཐག་ཏུ་སྟོན་པ་དང་། ཐོས་པར་བྱེད་པས་སེམས་ཅན་ཐམས་ཅད་ཡོངས་སུ་སྨྱིན་པར་བྱ་བ་ལ་རྨོངས་པ་མེད་པར་བྱ་བའི་ཕྱིར་རྨོངས་པ་མེད་པ་ཉེ་བར་བསྒྲུབ་པ་མཛད་དོ། །དེས་བྱང་ཆུབ་སེམས་དཔའ་དེ་བྱང་ཆུབ་སེམས་དཔའ་ཀུན་ཏུ་བཟང་
D44.036.0346a04.01བོའི་སྤྱོད་པ་ལ་ཡོངས་སུ་གྲུབ་པ་ཡིན། ཡོངས་སུ་གྲུབ་ནས་ཀྱང་ཐམས་ཅད་མཁྱེན་པའི་སྒོ་ཡོངས་སུ་རྫོགས་པར་བྱ་བས་དེ་བཞིན་གཤེགས་པའི་རིགས་ལ་འཇུག་གོ །འབྱུང་བའི་སྒོ་ཡོངས་སུ་དག་པར་བྱེད་དོ། །ཆགས་པ་
D44.036.0346a05.01མེད་པའི་སྒོས་ཡོངས་སུ་འབྱུང་བར་བྱེད་དོ། །སེམས་ཅན་ཐམས་ཅད་འབྱུང་བའི་སྒོ་ཡོངས་སུ་རྩོམ་ཞིང་བྱིན་གྱིས་རློབ་བོ། །ཆོས་ཐམས་ཅད་ཀྱི་རྣམ་པར་འཕྲུལ་པའི་སྒོ་ཡང་དག་པར་སྟོན་ཏོ། །ཆོ་འཕྲུལ་གྱི་སྒོ་ཚད་
D44.036.0346a06.01མེད་པས་སེམས་ཅན་འདུལ་བ་ལ་རབ་ཏུ་འཇུག་གོ །བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པའི་རྣམ་པ་ལ་རབ་ཏུ་མཁས་པར་སྤྱོད་དོ། །སངས་རྒྱས་ཐམས་ཅད་ཀྱི་ཁྱུ་མཆོག་གི་མཐུ་ཕྱུང་བ་ལ་བྱང་ཆུབ་སེམས་དཔའ་
D44.036.0346a07.01