完整藏文原文 · 德格版页 当前仅加载第 36 函德格 185b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་ཁམས་བརྒྱ་སྣང་བར་བྱ་བ་དང་། སེམས་ཅན་བརྒྱ་ཡོངས་སུ་སྨྱིན་པར་བྱ་བ་དང་། བསྐལ་པ་བརྒྱར་གནས་པར་བྱ་བ་དང་། སྔོན་གྱི་མཐའ་དང་ཕྱི་མའི་མཐའི་བསྐལ་པ་བརྒྱ་ལ་རབ་ཏུ་འཇུག་པ་དང་། ཆོས་ཀྱི་སྒོ་བརྒྱ་རྣམ་པར་འབྱེད་པ་དང་།
D44.036.0185b01.01ལུས་བརྒྱ་ཡངས་སུ་བསྟན་པ་དང་། ལུས་རེ་རེ་ལ་བྱང་ཆུབ་སེམས་དཔའི་འཁོར་བརྒྱ་ཡང་དག་པར་བསྟན་པར་བྱ་བའི་བརྩོན་འགྲུས་ཀྱི་རྣམ་པ་དེ་ལྟ་བུ་རྩོམ་མོ། །དེ་ཡན་ཅད་བྱང་ཆུབ་སེམས་དཔའི་སྨོན་ལམ་གྱི་མཐུ་ཅན་རྣམས་སྨོན་ལམ་གྱི་ཁྱད་
D44.036.0185b02.01པར་གྱིས་རྣམ་པར་འཕྲུལ་ཏེ་དེ་དག་གིས་ལུས་སམ་འོད་དང་རྫུ་འཕྲུལ་ལམ་{མྱིག་,མིག་}གམ་སྤྱོད་ཡུལ་ལམ། དབྱངས་སམ་སྤྱོད་པ་འམ་རྒྱན་ཏམ་བྱིན་གྱི་རླབས་སམ་མོས་པ་འམ། མངོན་པར་འདུ་བྱེད་པ་དག་ཀྱང་བསྐལ་པ་དུ་མ་དང་། བསྐལ་པ་བརྒྱ་ཕྲག་དུ་མ་
D44.036.0185b03.01དང་། བསྐལ་པ་སྟོང་ཕྲག་དུ་མ་དང་། བསྐལ་པ་བརྒྱ་སྟོང་ཕྲག་དུ་མ་དང་། བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མས་ཀྱང་བགྲང་བར་དཀའོ། །དེ་ནས་བྱང་ཆུབ་སེམས་དཔའ་རྡོ་རྗེའི་སྙིང་པོས་སའི་དོན་འདི་ཉིད་ཡང་བརྟག་པར་བྱ་བ་དང་
D44.036.0185b04.01བསྟན་པར་བྱ་བའི་ཕྱིར་དེའི་ཚེ་ཚིགས་སུ་བཅད་པ་འདི་དག་སྨྲས་སོ། །དེ་དག་དཀར་པོའི་ཆོས་བསྩགས་དགེ་བ་མཐུན་ལྡན་ཞིང་། །བདེ་གཤེགས་ཡོངས་སུ་བསྙེན་བཀུར་སྙིང་རྗེ་བྱམས་ལྡན་ལ། །དད་པ་རྒྱ་ཆེ་དགེ་སེམས་ངང་ཚུལ་དག་ལྡན་
D44.036.0185b05.01པ། །རྒྱལ་བའི་ཡེ་ཤེས་དོན་དུ་རླབས་ཆེན་སེམས་ཀྱང་བསྐྱེད། །རྒྱལ་བའི་ཆོས་རྫོགས་འགྲོ་བ་ཡོངས་སུ་བསྐྱབ་དོན་དུ། །ཐམས་ཅད་མཁྱེན་པ་སངས་རྒྱས་སྟོབས་སྦྱོང་བརྟན་མཐུ་ཅན། །བརྩེ་བ་ཆེན་པོས་ཆོས་ཀྱི་འཁོར་ལོ་བསྐོར་
D44.036.0185b06.01བྱ་བས། །རྒྱལ་བའི་ཞིང་སྦྱོང་སེམས་ཀྱི་དམ་པ་རབ་ཏུ་བསྐྱེད། །འགྲོ་བར་རྣམ་པ་སྣ་ཚོགས་དུས་རྣམས་བསྟན་པའི་ཕྱིར། །འདྲེན་པ་ཀུན་གྱི་ཡོན་ཏན་ཐམས་ཅད་འདོད་ཚོལ་ཞིང་། །དུས་གསུམ་སྐད་ཅིག་གཅིག་ཏུ་མི་རྟོག་ཤེས་བྱེད་
D44.036.0185b07.01