完整藏文原文 · 德格版页 当前仅加载第 36 函德格 343a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་དོ། །ཡོངས་སུ་ཡི་འཆད་པ་མེད་དོ། །ཐུག་པ་{མྱེད་,མེད་}དོ། །རྒྱུན་ཆད་པ་{མྱེད་,མེད་}དོ། །ཕྱིར་ལྡོག་པ་མེད་དོ། །ཆུད་ཟ་བ་མེད་དོ། །འོན་ཀྱང་བྱང་ཆུབ་སེམས་དཔའ་དེ་ཆོས་ཀྱི་སྒོས་ཐུག་པ་{མྱེད་,མེད་}པར་མི་འགྱུར་རོ། །
D44.036.0343a01.01ངེས་པར་རྟོགས་པར་བྱ་བས་ཡོངས་སུ་ཡི་འཆད་པར་འགྱུར་བ་མེད་དོ། །ཐམས་ཅད་མཁྱེན་པའི་སྒོ་ཟད་པར་འགྱུར་བ་མེད་དོ། །སངས་རྒྱས་ཀྱི་ཞིང་འབྱམ་ཀླས་པའི་འཇིག་རྟེན་གྱི་ཁམས་ཐམས་ཅད་སྣང་བར་བྱ་བ་ལས་ཕྱིར་ལྡོག་པ་མེད་
D44.036.0343a02.01དོ། །ཆོས་ཀྱི་འཁོར་ལོ་བརྗོད་དུ་མེད་པའི་ཡང་བརྗོད་དུ་མེད་པ་རབ་ཏུ་བསྐོར་བ་ལ་བཏང་སྙོམས་སུ་བྱེད་པ་{མྱེད་,མེད་}དོ། །སངས་རྒྱས་ཀྱི་དགོངས་པ་ཡོངས་སུ་དྲི་བ་ལ་ཟད་པར་འགྱུར་བ་མེད་དོ། །སངས་རྒྱས་ཀྱི་བྱང་ཆུབ་བལྟ་བ་ལ་མཐར་ཐུག་
D44.036.0343a03.01པ་{མྱེད་,མེད་}དོ། །སེམས་ཅན་གྱི་ཁམས་ཐམས་ཅད་འདུལ་བར་བྱ་བ་ཡོངས་སུ་གཏོང་བ་མེད་དོ། །ཀུན་ཏུ་བཟང་པོའི་སྤྱོད་པ་དང་། སྨོན་ལམ་གྱིས་འབྱུང་བ་རྒྱུན་འཆད་པར་འགྱུར་བ་{མྱེད་,མེད་}དོ། །ཁ་དོག་མཐའ་ཡས་པའི་ལུས་ཚད་མེད་པ།
D44.036.0343a04.01བརྗོད་དུ་མེད་པའི་ཡང་བརྗོད་དུ་མེད་པ་ཡོངས་སུ་བསྟན་པས་ས་མཚམས་སུ་འགྱུར་བ་མེད་དོ། །དེ་ཅིའི་ཕྱིར་ཞེ་ན། འདི་ལྟ་སྟེ་དཔེར་ན། མེ་ནི་ཇི་སྲིད་དུ་ཤིང་ཡོད་པ་དེ་སྲིད་དུ་འབར་ཏེ། མེ་འབར་བ་ལ་མཐར་ཐུག་པ་{མྱེད་,མེད་}དོ། །
D44.036.0343a05.01དེ་བཞིན་དུ་བྱང་ཆུབ་སེམས་དཔའ་ཡང་ཇི་ཙམ་དུ་སེམས་ཅན་གྱི་ཁམས་ལ་རྣམ་པར་དཔྱོད་པ་དང་། ཇི་ཙམ་དུ་ཆོས་ཀྱི་དབྱིངས་ལ་འཇུག་པ་དང་། ཇི་ཙམ་དུ་འཇིག་རྟེན་གྱི་ཁམས་སུ་རྒྱུ་བ་དང་། ཇི་ཙམ་དུ་ནམ་མཁའི་རང་
D44.036.0343a06.01བཞིན་གྱི་ཚད་མི་དམིགས་པ་དང་། ཇི་ཙམ་དུ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་སངས་རྒྱས་ཀྱི་ཞིང་གཅིག་ནས་གཅིག་ཏུ་བརྒྱུད་པའི་སེམས་ཀྱི་སྐད་ཅིག་རེ་རེ་ལ་འཇུག་ཅིང་ཁོང་དུ་ཆུད་པར་བྱ་བ་དང་། ཇི་ཙམ་དུ་
D44.036.0343a07.01