完整藏文原文 · 德格版页 当前仅加载第 36 函德格 311a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བླང་བ་ལ་རྟོགས་པར་བཞག་པས་དཀྱིལ་འཁོར་ཚད་མེད་པ་ཡིན། བྱང་ཆུབ་སེམས་དཔའ་དེ་ནི་ཆོས་ཀྱི་དབྱིངས་ཡོངས་སུ་ཤེས་པས་ཆགས་པ་མེད་པའི་ཡུལ་དང་ལྡན་པ་ཡིན། བྱང་ཆུབ་སེམས་དཔའ་དེ་ནི་སྟོབས་
D44.036.0311a01.01བཅུའི་སྣང་བ་ཐོབ་པས་བསྒྲིབས་པ་མེད་པའི་སྤྱོད་ཡུལ་དང་ལྡན་པ་ཡིན། བྱང་ཆུབ་སེམས་དཔའ་དེ་ནི་མི་གཉིས་པ་ལ་ཡང་དག་པར་སྤྱོད་པས་དགང་སླ་བ་ཡིན། བྱང་ཆུབ་སེམས་དཔའ་དེ་ནི་འགྲོ་བ་ཐམས་ཅད་འདུལ་བའི་ཕྱིར་
D44.036.0311a02.01ཡོངས་སུ་རྒྱུན་འཆད་པ་མེད་པ་ཡིན། བྱང་ཆུབ་སེམས་དཔའ་དེ་ནི་དོན་ཤེས་ཤིང་མཁས་པར་བྱ་བ་ལ་ཤིན་ཏུ་རྟོགས་པར་བཞག་པ་ཡིན། བྱང་ཆུབ་སེམས་དཔའ་དེ་ནི་སངས་རྒྱས་ཐམས་ཅད་དང་མི་གཉིས་པ་ཡིན་ཏེ། ཀྱེ་རྒྱལ་བའི་སྲས་དག །
D44.036.0311a03.01འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཏིང་ངེ་འཛིན་རྒྱ་ཆེན་པོ་ལ་མཁས་པའི་ཡེ་ཤེས་ཀྱི་ཚུལ་སངས་རྒྱས་ཐམས་ཅད་ཀྱིས་རྣམ་པར་བཀོད་པའི་འཇིག་རྟེན་གྱི་ཁམས་ཀྱི་རྒྱན་ཅེས་བྱ་བ་སྟེ། ཏིང་ངེ་འཛིན་དེ་དང་ལྡན་པའི་བྱང་ཆུབ་
D44.036.0311a04.01སེམས་དཔའ་ནི་སངས་རྒྱས་ཀྱི་ཆོས་ཐམས་ཅད་ལ་སློབ་དཔོན་མེད་པ་ཡིན། འགྲོ་བ་ཐམས་ཅད་དུ་འགྲོ་བའི་རྩལ་ཡོད་པས་གཞན་གྱི་དྲིང་མི་འཇོག་པ་ཡིན། སེམས་རང་བཞིན་འོད་གསལ་ཞིང་དག་པ་དང་ལྡན་པས་ཤིན་ཏུ་དག་པ་
D44.036.0311a05.01ཡིན། འཇིག་རྟེན་ཐམས་ཅད་ཡོངས་སུ་འགྲེལ་བ་ལ་ཞུགས་པས་ཐུ་བོ་དམ་པ་ཡིན། སྐྱེ་དགུ་ཐམས་ཅད་ལ་བསམ་པ་ཐག་པ་ནས་ཕན་པ་ཡིན། མ་འོངས་པའི་སངས་རྒྱས་ཀྱི་རིགས་རབ་ཏུ་བསྒྲུབ་པ་ཡིན། ཐམས་ཅད་མཁྱེན་པའི་སྒོ་ལ་རབ་ཏུ་
D44.036.0311a06.01གཞོག་པ་ཡིན། གཉིས་སུ་མེད་པར་སྨྲ་ཞིང་ནོར་བ་མེད་པར་ཁོང་དུ་ཆུད་པར་སྟོན་པས་དེ་ཁོ་ན་ཉིད་ལ་མཁས་པ་ཡིན། སངས་རྒྱས་ཀྱི་ཆོས་ཐམས་ཅད་ཀྱི་ཆོས་ཀྱི་མཛོད་རབ་ཏུ་བཏང་བ་ཡིན། སེམས་ཅན་གྱི་རིས་རྣམས་སུ་བསམ་པ་ཇི་ལྟ་བ་
D44.036.0311a07.01