完整藏文原文 · 德格版页 当前仅加载第 36 函德格 354b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་བྱང་ཆུབ་ཀྱི་ཤིང་དྲུང་ན་མོས་ཤིང་སྤྱོད་པ་དང་། སྨོན་ལམ་གྱི་རྒྱུན་མི་གཅོད་པ། བྱང་ཆུབ་ཀྱི་ཤིང་དྲུང་དུ་འདུག་ཅིང་ཐམས་ཅད་མཁྱེན་པ་ཉིད་ཀྱི་རྫིང་བུ་ཐ་དད་པ་མེད་པར་མངོན་པར་འཚང་རྒྱ་བར་མངོན་སུམ་དུ་གྱུར་པ། བྱང་
D44.036.0354b01.01ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་དང་། སྨོན་ལམ་རྒྱ་ཆེན་པོ་རྣམ་པར་འཕེལ་བར་བྱེད་པ་དང་། བློ་རྣམ་པར་སངས་རྒྱས་པ་བྱང་ཆུབ་སེམས་དཔའི་སྨོན་ལམ་མངོན་པར་སྒྲུབ་ཅིང་རྒྱུན་མི་གཅོད་པ།
D44.036.0354b02.01ལྷོད་པར་མི་བྱེད་པ། ཕྱིར་ལྡོག་པར་མི་བྱེད་པ། སྙིང་རྗེ་ཆེན་པོ་མཐའ་དང་དབུས་མེད་པ་རྣམ་པར་འཕེལ་བར་བྱེད་པ། སྨོན་ལམ་ཆེན་པོའི་ཐེག་པས་སེམས་ཅན་ཐམས་ཅད་ཀྱི་རིས་ན་ཀུན་ཏུ་བཟང་པོའི་སྤྱོད་པ་ལ་མངོན་
D44.036.0354b03.01པར་གནས་ཤིང་བརྩོན་འགྲུས་ཡོངས་སུ་མི་གཏོང་བ། ཕྱི་མའི་མཐའི་མུར་ཐུག་པར་སེམས་ཅན་ཐམས་ཅད་ཀྱི་སྡུག་བསྔལ་ཡོངས་སུ་བསྩལ་བའི་ཕྱིར། བྱང་ཆུབ་སེམས་དཔའ་ཀུན་ཏུ་བཟང་པོའི་ལམ་ཡོངས་སུ་ཆད་པར་མི་བྱེད་
D44.036.0354b04.01ཀྱང་བྱང་ཆུབ་ཏུ་མངོན་པར་ཡང་འཚང་མི་རྒྱ་སྟེ། རྫོགས་པར་བྱང་ཆུབ་པའི་སྒོ་བརྗོད་དུ་{མྱེད་,མེད་}པའི་ཡང་བརྗོད་དུ་{མྱེད་,མེད་}པ་དང་། ཆོས་ཀྱི་འཁོར་ལོ་བསྐོར་བའི་སྒོ་བརྗོད་དུ་མེད་པའི་ཡང་བརྗོད་དུ་མེད་པ་དང་། སྒོམ་པའི་བསམ་པ་སྣ་ཚོགས་ཀྱི་སྒོ་
D44.036.0354b05.01བརྗོད་དུ་མེད་པའི་ཡང་བརྗོད་དུ་མེད་པ་དང་། ཞིང་འབྱམ་ཀླས་པ་སྣ་ཚོགས་ཀྱི་གནས་སུ་མྱ་ངན་ལས་འདའ་བ་དང་། རྣམ་པར་འཕྲུལ་པ་དང་མངོན་པར་འཚང་རྒྱ་བའི་སྒོ་བརྗོད་དུ་མེད་པའི་ཡང་བརྗོད་དུ་མེད་པས། འཇིག་རྟེན་གྱི་
D44.036.0354b06.01ཁམས་སྣ་ཚོགས་འབྱམ་ཀླས་པ་བརྗོད་དུ་མེད་པའི་ཡང་བརྗོད་དུ་མེད་པ་དག་ཏུ་སྐྱེ་བར་སྣང་ངོ་། །བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱད་པ་སྤྱོད་པར་སྣང་ངོ་། །དེ་བཞིན་གཤེགས་པ་བྱང་ཆུབ་ཀྱི་ཤིང་དྲུང་དུ་མངོན་པར་སངས་
D44.036.0354b07.01