完整藏文原文 · 德格版页 当前仅加载第 36 函德格 80a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲིག་བརྒྱ་སྟོང་དང་ལྡན་པ། བྱང་ཆུབ་སེམས་དཔའི་ལས་ཀྱི་དགེ་བའི་རྩ་བ་དང་། རྒྱུ་མཐུན་པར་བྱུང་བ། ཅང་ཤེས་ཤིང་བྱང་ཆུབ་སེམས་དཔའི་དབང་གི་རྗེས་སུ་འབྲང་བ། སེམས་དགའ་བར་བྱེད་པ་དེ་ལྟ་
D44.036.0080a01.01བུའི་གཡོག་འཁོར་དང་། ཆུང་མའི་འཁོར་དང་། རོལ་མོར་བཅས་པ་ཤིན་ཏུ་བཤེས་པ་དེ་དག་ཐམས་ཅད་ཡོངས་སུ་གཏོང་ཞིང་སྦྱིན་པ་བྱེད་པའི་ཚེ། དགེ་བའི་རྩ་བ་དེ་དག་འགྲོ་བ་ཐམས་ཅད་ནས་འབྱུང་བའི་སེམས་ཀྱིས་ཡོངས་སུ་
D44.036.0080a02.01བསྔོའོ། །སངས་རྒྱས་ཀྱི་ཆོས་ལ་དགའ་བ་རབ་ཏུ་ཐོབ་པས་ཡོངས་སུ་བསྔོའོ། །སྙིང་པོ་བླངས་པའི་སེམས་ཀྱིས་ཡོངས་སུ་བསྔོའོ། །ཡེ་ཤེས་རྡོ་རྗེའི་དབྱིངས་མི་ཤིགས་པའི་སེམས་ཀྱིས་ཡོངས་སུ་བསྔོའོ། །
D44.036.0080a03.01དེ་བཞིན་གཤེགས་པའི་དཀྱིལ་འཁོར་རབ་ཏུ་ཐོབ་པས་ཡོངས་སུ་བསྔོའོ། །སྙིང་པོ་ལེན་པར་བྱས་ཏེ་ཡོངས་སུ་བསྔོའོ། །བླ་ན་མེད་པའི་སེམས་དང་ལྡན་པས་ཡོངས་སུ་བསྔོའོ། །ཡེ་ཤེས་ཀྱིས་ཁོང་དུ་ཆུད་པའི་སེམས་དང་ལྡན་
D44.036.0080a04.01པས་ཡོངས་སུ་བསྔོའོ། །དགེ་བའི་རྩ་བ་ཐམས་ཅད་ཀྱི་འབྱུང་གནས་སུ་རེད་པར་བྱས་ཏེ་ཡོངས་སུ་བསྔོའོ། །དུས་གསུམ་གྱི་སངས་རྒྱས་ཐམས་ཅད་དང་མི་འགལ་བར་བྱས་ཏེ་ཡོངས་སུ་བསྔོའོ། །དེ་ལྟ་བུའི་ཆོས་ལ་རྣམ་པར་སྤྱོད་
D44.036.0080a05.01ཅིང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་རིགས་དང་ལྡན་པའི་རིགས་ཀྱི་རྒྱུད་དུ་བྱུང་བ། སངས་རྒྱས་ཀྱི་རིགས་རྣམ་པར་དག་པས་རབ་ཏུ་སྐྱེས་པ། ཐམས་ཅད་མཁྱེན་པའི་ལམ་དུ་སེམས་མངོན་པར་སྐྱེས་པ།
D44.036.0080a06.01བྱང་ཆུབ་སེམས་དཔའི་ལས་དང་ཡེ་ཤེས་འབྱམ་ཀླས་པ་ལ་ཞུགས་པ། འཇིག་རྟེན་གྱི་དྲི་མ་ཐམས་ཅད་རབ་ཏུ་སྦྱོང་བ། སྦྱིན་པ་བྱེད་པ། སྦྱིན་པའི་སེམས་དང་ལྡན་པ། ཡོན་ཏན་ཆེན་པོའི་དཀྱིལ་འཁོར་གྱི་སྦྱིན་པའི་གནས་སུ་གྱུར་པ། འཇིག་རྟེན་
D44.036.0080a07.01