完整藏文原文 · 德格版页 当前仅加载第 36 函德格 329b 版页；藏文 NFD、目录标记与异常页序保留在来源切片中，重复版页行以稳定序号区分。
པས། སངས་རྒྱས་ཐམས་ཅད་མཐོང་བའི་ཕྱོགས་དང་། འདི་ལྟ་སྟེ། ལུས་ཀྱི་ལས་ངེས་པ་དང་། གཟུངས་བརྗོད་དུ་མེད་པས་ཡོངས་སུ་འཛིན་པས་ཆོས་ཐམས་ཅད་སྣང་བའི་ཕྱོགས་དང་། འདི་ལྟ་སྟེ་བྱང་ཆུབ་སེམས་དཔའི་སྤྱོད་པ་ཐམས་ཅད་
D44.036.0329b01.01ཡོངས་སུ་རྫོགས་པར་བྱ་བའི་ཕྱིར་ཕ་རོལ་ཏུ་ཕྱིན་པའི་ཕྱོགས་དང་། ཆོས་ཀྱི་འཁོར་ལོ་བསྐོར་བས་སེམས་ཅན་ཐམས་ཅད་དགའ་བར་བྱ་བ་ཡོངས་སུ་རྫོགས་པར་བྱ་བའི་ཕྱིར་སྙིང་རྗེ་ཆེན་པོའི་ཕྱོགས་སོ། །ཇི་ལྟར་ཆུ་ཀླུང་ཆེན་པོ་དེ་དག་གིས་ལན་བདུན་དུ་བསྐོར་
D44.036.0329b02.01བའི་བར་གྱི་གླིང་རྣམས་མེ་ཏོག་ཨུཏ་པ་ལ་དང་། པད་མོ་དང་ཀུ་མུ་ད་དང་། པུན་ད་རི་ཀས་ཀུན་ནས་ཡོག་པ་དེ་བཞིན་དུ་བྱང་ཆུབ་སེམས་དཔའ་བར་མ་དོར་འདུལ་བར་མ་གྱུར་པའི་སེམས་ཅན་རྣམས་ལ་བཏང་སྙོམས་སུ་གཞོག་པ་ཡང་ཏིང་ངེ་འཛིན་བྱེ་བ་ཁྲག་
D44.036.0329b03.01ཁྲིག་བརྒྱ་ཕྲག་སྟོང་གིས་ཀུན་ཏུ་ཁྱབ་པའོ། །སངས་རྒྱས་མཐོང་བའི་རྣམ་པ་སྣ་ཚོགས་སུ་བརྒྱན་པའོ། །སངས་རྒྱས་ཀྱི་ཞིང་ཡོངས་སུ་དག་ཅིང་རྡུལ་མེད་པས་ཡིད་དུ་འོང་བའོ། །ཇི་ལྟར་མཚོ་ཆེན་པོ་མ་དྲོས་པ་རིན་པོ་ཆེའི་ཤིང་གིས་ཡོངས་
D44.036.0329b04.01སུ་འཁོར་བ་དེ་བཞིན་དུ། བྱང་ཆུབ་སེམས་དཔའ་ཡང་བྱང་ཆུབ་ཏུ་མངོན་པར་འཚང་རྒྱ་བ་སྟོན་ན་སངས་རྒྱས་ཀྱི་ཞིང་གིས་ཀུན་ནས་འཁོར་ཞིང་བརྒྱན་པ་ཡིན། ཇི་ལྟར་མཚོ་ཆེན་པོ་མ་དྲོས་པའི་ནང་དཔག་ཚད་ལྔ་བཅུ་ཡོད་ལ་དང་ཞིང་
D44.036.0329b05.01རྙོག་པ་མེད་པ་དང་གསལ་བ་དེ་བཞིན་དུ། བྱང་ཆུབ་སེམས་དཔའ་མངོན་པར་འཚང་རྒྱ་བའི་སེམས་ཀྱང་དགེ་བའི་རྩ་བ་ཐམས་ཅད་ཀྱིས་ཡོངས་སུ་རྒྱས་པས་དང་ཞིང་རྙོག་པ་མེད་ལ་གསལ་བ་དང་། མཐའ་དང་དབུས་མེད་པ་ཡིན། ཇི་ལྟར་
D44.036.0329b06.01མཚོ་ཆེན་པོ་མ་དྲོས་པ་རིན་པོ་ཆེའི་ཕ་གུས་བརྩིགས་པས་མཐའ་བསྐོར་ཅིང་ཙན་དན་དྲི་ཞིམ་པོའི་བསུང་དང་ལྡན་པ་དེ་བཞིན་དུ་བྱང་ཆུབ་སེམས་དཔའ་མངོན་པར་འཚང་རྒྱ་བའི་སེམས་ཀྱང་ཡེ་ཤེས་རིན་པོ་ཆེ་ཁྲག་ཁྲིག་སྟོང་ཕྲག་བཅུས་ཤིན་ཏུ་བརྒྱན་
D44.036.0329b07.01