完整藏文原文 · 德格版页 当前仅加载第 36 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
ཐེག་པ་ཆེན་པོའི་སེམས་ཀྱིས་དཔའ་བ། འགྲོ་བ་ཐམས་ཅད་བདེ་བར་བྱ་བའི་དགེ་བའི་རྩ་བ་རབ་ཏུ་ཐོབ་པ། དགེ་བའི་རྩ་བ་སྐྱོན་མེད་པ་ཡང་དག་པར་{སྩོགས་,སོགས་}ཤིང་དགེ་བའི་རྩ་བ་རྣམ་པ་ཐ་དད་པ་མཐའ་ཡས་པ་ཉེ་བར་སྒྲུབ་པ་དང་། དམིགས་པར་བྱེད་པ་དང་།
D44.036.0108b01.01ཡོངས་སུ་རྫོགས་པར་བྱེད་པ་དང་། ཡོངས་སུ་དག་པར་བྱེད་པ་དང་། ནན་ཏན་དུ་བྱེད་པ་དང་། མངོན་པར་བརྩོན་པར་བྱེད་པ་དང་། ཡོངས་སུ་སྤྱོད་ཅིང་སེམས་པ་དང་། ཡང་དག་པར་སྦྱོར་བ་དང་། རབ་ཏུ་སྟོན་པའི་ཚེ་དགེ་བའི་རྩ་བསྒོ་རྣམ་པ་
D44.036.0108b02.01ཐ་དད་པ་གཞན་དང་གཞན་གྱི་མཚན་ཉིད་སྣ་ཚོགས་དང་ལྡན་པ། དངོས་པོ་གཞན་དང་གཞན་ལས་བྱུང་བ། རྣམ་པ་སྣ་ཚོགས་སུ་བཀོད་པར་གྱུར་པ་ཡང་དག་པར་སྤྱོད་པ་དུ་མ་དང་། བརྗོད་པ་མཐའ་ཡས་པའི་ཚུལ་གྱིས་རྣམ་པར་བརྟགས་པ། དགེ་
D44.036.0108b03.01བའི་རྩ་བ་རྣམ་པ་སྣ་ཚོགས་སུ་ཡང་དག་པར་སྤྱོད་ཅིང་། ཚད་མེད་པར་རྣམ་པར་ཕྱེ་བ་ལས་བྱུང་བ། སྟོབས་བཅུར་འགྲོ་བའི་སེམས་ཀྱི་བྱིན་གྱིས་བརླབས་པ་དེ་དག་དམིགས་པ་རྣམ་པ་སྣ་ཚོགས་ལ་རབ་ཏུ་བརྩོན་པ། གཉིས་སུ་མེད་པའི་ཐམས་ཅད་
D44.036.0108b04.01མཁྱེན་པ་ཉིད་ལ་ཚུལ་གྱི་རྒྱུད་གཅིག་ཏུ་གྱུར་པས། འདི་ལྟར་ཡོངས་སུ་བསྔོ་སྟེ། དགེ་བའི་རྩ་བ་འདིས་བྱང་ཆུབ་སེམས་དཔའི་སྤྱོད་པ་ལ་བརྩོན་པ་རྣམས་ཀྱི་ཆགས་པ་མེད་པའི་ལུས་ཡོངས་སུ་རྫོགས་པར་གྱུར་ཅིག །བྱང་ཆུབ་སེམས་དཔའི་སྤྱོད་པ་
D44.036.0108b05.01ལ་གནས་པ་རྣམས་ཀྱི་ཆགས་པ་མེད་པའི་ངག་ཡོངས་སུ་དག་པར་གྱུར་ཅིག །ཐེག་པ་ཆེན་པོ་ལ་གནས་པའི་སྤྱོད་པ་ཐོབ་པར་བྱ་བའི་ཕྱིར་ཆགས་པ་མེད་པའི་སེམས་ཡོངས་སུ་གྲུབ་པར་གྱུར་ཅིག །བྱང་ཆུབ་སེམས་དཔའ་ཐམས་ཅད་ཀྱི་སྤྱོད་པ་རྣམ་པར་དག་
D44.036.0108b06.01པའི་ཕྱིར་བསྒྲིབས་པ་མེད་པའི་སེམས་ཡོངས་སུ་རྫོགས་པར་གྱུར་ཅིག །འགྲོ་བ་མཐའ་དང་དབུས་མེད་པ་ཐམས་ཅད་རྒྱས་པར་དགང་བའི་ཕྱིར་སྦྱིན་པ་ཆེན་པོ་མཐའ་ཡས་པའི་སེམས་བསྐྱེད་པ་རབ་ཏུ་ཐོབ་པར་གྱུར་ཅིག །ཟིལ་གྱིས་མི་ནོན་པའི་སེམས་
D44.036.0108b07.01