完整藏文原文 · 德格版页 当前仅加载第 36 函德格 250b 版页；藏文 NFD、目录标记与异常页序保留在来源切片中，重复版页行以稳定序号区分。
མི་གཡོ་བ་ཞེས་བྱ་བའོ།། །།སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ།། བམ་པོ་བཅུ་དགུ་པ། །ས་ཡི་དམ་པ་འདི་བཤད་ཚེ། །དེ་བཞིན་གཤེགས་པའི་བྱིན་རླབས་ཀྱིས། །ཚད་
D44.036.0250b01.01མེད་བསམ་གྱིས་མི་ཁྱབ་པའི། །བྱེ་བའི་ཞིང་རྣམས་གཡོས་པར་གྱུར། །ཐམས་ཅད་གཟིགས་པའི་སྐུ་ལས་ཀྱང་། །འོད་གཟེར་ཡིད་དུ་འོང་བ་བཀྱེ། །དེས་ནི་ཞིང་རྣམས་སྣང་བར་བྱས། །སེམས་ཅན་རྣམས་ཀྱང་བདེ་བར་གྱུར། །
D44.036.0250b02.01བྱང་ཆུབ་སེམས་དཔའ་སྟོང་སྙེད་ཀྱང་། །བར་སྣང་གནས་ལ་འཁོད་གྱུར་ཏེ། །ལྷ་རྫས་ལྷག་པའི་མཆོད་པ་ཡིས། །གསུང་པའི་མཆོག་ལ་མཆོད་པ་བྱེད། །ལྷ་ཡི་རྒྱལ་པོ་དབང་ཕྱུག་དང་། །དབང་བསྒྱུར་རྣམས་ཀྱང་དགའ་བར་
D44.036.0250b03.01གྱུར། །མཆོད་པ་རྣམ་པ་སྣ་ཚོགས་ཀྱིས། །ཡོན་ཏན་རྒྱ་མཚོ་མཆོད་པ་བྱེད། །དེ་ནས་ལྷ་མི་བུ་མོ་སྟོང་། །དགའ་ཞིང་དབང་པོ་བདེར་གྱུར་པས། །སྦྱར་ལེགས་སྙན་པའི་གླུ་ཡི་དབྱངས། །སྟོན་པ་མཆོད་པའི་དོན་དུ་ལེན། །རོལ་
D44.036.0250b04.01མོའི་སྒྲ་དབྱངས་དེ་དག་ལས། །དྲང་སྲོང་ཆེན་པོའི་བྱིན་རླབས་ཀྱིས། །འདི་འདྲའི་སྒྲ་དབྱངས་སྟོང་སྙེད་དུ། །སྙན་པའི་དབྱངས་སུ་གྲག་པར་གྱུར། །ཞི་དུལ་རབ་ཞི་དྲི་མ་ཐམས་ཅད་{མྱེད་,མེད་}གྱུར་ཅིང་། །ས་ཡི་མཆོག་དང་ལྡན་པས་སྤྱོད་པ་ལེགས་
D44.036.0250b05.01སྤྱོད་པ། །ཕྱོགས་བཅུར་འགྲོ་ལ་ཕན་པར་སྤྱོད་པའི་ཁྱུ་མཆོག་རྣམས། །མཁའ་དབྱིངས་འདྲ་བའི་ཡིད་ཀྱི་རྒྱལ་བའི་སྤྱོད་པ་སྟོན། །{མྱི་,མི་}ཡི་གནས་དང་ལྷ་ཡི་གནས་དང་ཀླུ་གནས་སུ། །ཕྱོགས་བཅུར་བསོད་ནམས་སྟོབས་ཀྱིས་རྒྱན་རྣམས་མང་པོ་བྱུང་།
D44.036.0250b06.01དེ་ལས་ཡང་དུ་རྒྱལ་སྲས་ཡེ་ཤེས་ལ་མོས་པ། །རྒྱལ་བའི་ཡོན་ཏན་བསྔགས་པ་རྒྱ་ཆེན་རབ་ཏུ་སྟོན། །ཞིང་གཅིག་མ་གཡོས་རྡུལ་མེད་ཞིང་རྣམས་ཐམས་ཅད་དུ། །འགྲོ་ལ་ཕན་བྱེད་ཟླ་བ་ལྟ་བུའི་འོད་ལྡན་པ། །ཐམས་ཅད་དབྱངས་སུ་འདུ་ཤེས་སེམས་
D44.036.0250b07.01