完整藏文原文 · 德格版页 当前仅加载第 36 函德格 358b 版页；藏文 NFD、目录标记与异常页序保留在来源切片中，重复版页行以稳定序号区分。
བསྐལ་པ་དེ་དང་དེ་དག་གི་འཇིག་རྟེན་གྱི་ཁམས་དེ་དང་དེ་དག་ཏུ་སངས་རྒྱས་བཅོམ་ལྡན་འདས་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་བྱུང་བ་རྣམས་མཚན་ནི་འདི་ཞེས་བྱའོ། །བྱུང་བ་ནི་འདི་
D44.036.0358b01.01ལྟར་བྱུང་ངོ་། །འཁོར་གྱི་རྣམ་པ་ནི་འདི་ལྟ་བུའོ། །ཡབ་དང་ཡུམ་གྱི་མཚན་ནི་འདི་སྐད་ཅེས་བྱའོ། །ཞམ་རིང་བའི་མིང་ནི་འདི་སྐད་ཅེས་བྱའོ། །ཉན་ཐོས་མཆོག་གི་ཟུང་དང་བཟང་པོའི་ཟུང་གི་མིང་ནི་འདི་སྐད་ཅེས་བྱའོ། །
D44.036.0358b02.01རིགས་ནི་འདི་ཞེས་བྱའོ། །རྒྱལ་པོའི་ཕོ་བྲང་ནི་མིང་འདི་ཞེས་བྱ་བ་ནས་མངོན་པར་བྱུང་སྟེ། བྱང་ཆུབ་ཀྱི་ཤིང་མིང་འདི་ཞེས་བྱ་བའི་དྲུང་དུ་བརྟེན་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་ཏེ་
D44.036.0358b03.01གནས་ཀྱི་མིང་འདི་ཞེས་བྱ་བ་དག་ན་བཞུགས་ཤིང་མདོ་འདི་སྙེད་ཅིག་ཡང་དག་པར་བསྟན་ཏོ། །སེམས་ཅན་འདི་སྙེད་ཅིག་གི་དོན་མཛད་དོ། སྐུ་ཚེའི་ཚད་འདི་ཙམ་ཞིག་གིས་སངས་རྒྱས་ཀྱི་མཛད་པ་ཡང་དག་པར་བསྟན་ཏེ། ཕུང་པོ་མ་
D44.036.0358b04.01ལུས་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །མྱ་ངན་ལས་འདས་ནས་ཀྱང་དེ་དག་གི་ཆོས་ནི་འདི་སྲིད་གཅིག་ཏུ་གནས་པར་གྱུར་ཏོ་ཞེས་མཚན་རྣམ་པར་དགོད་པ་སངས་རྒྱས་ཀྱི་ཞིང་བརྗོད་དུ་མེད་
D44.036.0358b05.01པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་དང་མཚན་དེ་དག་རེ་རེའི་རྣམ་པ་ཡང་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་བྱང་ཆུབ་
D44.036.0358b06.01ཏུ་ཐུགས་བསྐྱེད་པ་དང་བཅས། སྨོན་ལམ་དང་བཅས་སྤྱོད་པ་དང་བཅས་འབྱུང་བ་དང་བཅས། སངས་རྒྱས་མཆོད་པ་དང་བཅས་སེམས་ཅན་ཡོངས་སུ་སྨིན་པར་མཛད་པ་དང་བཅས། འཁོར་གྱི་དཀྱིལ་འཁོར་དང་བཅས། ཆོས་ཀྱི་འཁོར་ལོ་དང་བཅས།
D44.036.0358b07.01