完整藏文原文 · 德格版页 当前仅加载第 36 函德格 152b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་ཐམས་ཅད་ཀྱི་ལས་དང་། རྣམ་པར་སྨིན་པ་ཤེས་པ་ལ་འཇུག་པ་དང་། བྱང་ཆུབ་སེམས་དཔའ་ཐམས་ཅད་ཀྱི་ཐབས་མཁས་པའི་ཡེ་ཤེས་ལ་འཇུག་པ་དང་། བྱང་ཆུབ་སེམས་དཔའ་ཐམས་ཅད་ཀྱི་མངོན་པར་
D44.036.0152b01.01བསྒྲུབས་པའི་ཡེ་ཤེས་ལ་འཇུག་པ་དང་། བྱང་ཆུབ་སེམས་དཔའ་ཐམས་ཅད་ཀྱི་རྣམ་པར་དག་པའི་སྤྱོད་ཡུལ་གྱི་ཡེ་ཤེས་ལ་འཇུག་པ་དང་། སངས་རྒྱས་ཐམས་ཅད་ཀྱི་བྱིན་གྱི་རླབས་དང་། ཁྱུ་མཆོག་གི་མཐུ་ལ་འཇུག་པ་དང་། ཆོས་ཀྱི་དབྱིངས་
D44.036.0152b02.01མཐའ་དང་དབུས་མེད་པ་ཐམས་ཅད་ལ་འཇུག་པ་རབ་ཏུ་ཐོབ་པ་ལ་གནས་ཤིང་། བྱང་ཆུབ་སེམས་དཔའི་སྤྱད་པ་སྤྱོད་པར་གྱུར་ཅིག་ཅེས། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་རྩ་བ་དེ་དག་ཡོངས་སུ་བསྔོའོ། །གཞན་ཡང་བྱང་ཆུབ་
D44.036.0152b03.01སེམས་དཔའ་སེམས་དཔའ་ཆེན་པོ་དགེ་བའི་ལས་དང་ཆོས་ལ་བརྩོན་པ་དགེ་བའི་རྩ་བ་དེ་དག་ཞིང་ཐམས་ཅད་ཡོངས་སུ་དག་པར་བྱ་བའི་ཕྱིར་ཡོངས་སུ་བསྔོ་སྟེ། སངས་རྒྱས་ཀྱི་ཞིང་གཅིག་ཀྱང་རྒྱན་དང་ལྷབ་ལྷུབ་བརྗོད་དུ་མེད་པའི་ཡང་བརྗོད་དུ་མེད་པ་དང་ལྡན་
D44.036.0152b04.01ཞིང་ཆོས་ཀྱི་དབྱིངས་ཚད་མེད་པར་ཤིན་ཏུ་ཡངས་པར་གྱུར་ཏེ། སངས་རྒྱས་ཀྱི་ཞིང་གཅིག་ཇི་ལྟ་བ་དེ་བཞིན་དུ་སངས་རྒྱས་ཀྱི་ཞིང་སངས་རྒྱས་ཀྱི་ཡེ་ཤེས་ཀྱིས་མངོན་པར་སངས་རྒྱས་པ་ཐམས་ཅད་མ་ལུས་པར་དེ་ལྟར་རྣམ་པར་དག་ཅིང་འོད་གསལ་བ་དང་།
D44.036.0152b05.01བཟང་ཞིང་སྒྲིབ་པ་མེད་པར་གྱུར་ཅིག །སངས་རྒྱས་ཀྱི་ཞིང་གཅིག་ཏུ་{དམྱིགས་,དམིགས་}པ་རྣམ་པར་དག་པ་རྣམས་ཇི་ལྟར་གཟུགས་བརྙན་གྱི་ཚུལ་གྱིས་ཡོངས་སུ་སྣང་བ་དེ་བཞིན་དུ་སངས་རྒྱས་ཀྱི་ཞིང་མ་ལུས་པ་ཐམས་ཅད་དུ་ཡང་ཡོངས་སུ་སྣང་བར་གྱུར་ཅིག །སངས་
D44.036.0152b06.01རྒྱས་ཀྱི་ཞིང་དེ་དག་ཐམས་ཅད་ཀྱང་གཅིག་བཟུང་བས་ཡོངས་སུ་བཟུང་སྟེ། ཆོས་ཀྱི་དབྱིངས་ཚད་མེད་པར་རྟོགས་པའི་རྣམ་པར་དག་པས་རྣམ་པར་དག་པར་གྱུར་ཅིག། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་
D44.036.0152b07.01