完整藏文原文 · 德格版页 当前仅加载第 36 函德格 262a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཀྱི་སེམས་དང་སྤྱོད་པའི་རྗེས་སུ་སོང་བ་ཞེས་བྱ་བ་དང་། ད་ལྟར་བྱུང་བའི་སངས་རྒྱས་ཐམས་ཅད་མངོན་སུམ་དུ་བཞུགས་པ་ཞེས་བྱ་བ་མངོན་དུ་འགྱུར་ཏེ། དེ་ལ་དེ་དག་ལ་{སྩོགས་,སོགས་}པ་ཏིང་ངེ་འཛིན་བརྒྱ་སྟོང་ཕྲག་གྲངས་མེད་པ་ཕྲག་
D44.036.0262a01.01བཅུ་མངོན་དུ་འགྱུར་རོ། །དེ་ཏིང་ངེ་འཛིན་དེ་དག་ཐམས་ཅད་ལ་མཉམ་པར་གཞོག་ཅིང་རྣམ་པར་ལྡང་ངོ་། །དེ་ཏིང་ངེ་འཛིན་ལ་མཁས་པ་དང་ལྡན་པ་ཡིན་ཏེ། ཏིང་ངེ་འཛིན་གྱི་དགོས་པ་དེ་དག་ཐམས་ཅད་ལ་ཡང་རབ་ཏུ་སྤྱོད་དོ། །ཏིང་ངེ་འཛིན་བརྒྱ་སྟོང་གྲངས་{མྱེད་,མེད་}
D44.036.0262a02.01པ་ཕྲག་བཅུའི་ཐ་མ་ལ་ཐམས་ཅད་མཁྱེན་པའི་ཡེ་ཤེས་ཀྱི་ཁྱད་པར་གྱིས་མངོན་པར་དབང་བསྐུར་བ་ཞེས་བྱ་བའི་བྱང་ཆུབ་སེམས་དཔའི་ཏིང་ངེ་འཛིན་མངོན་དུ་འགྱུར་ཏེ། མངོན་དུ་གྱུར་མ་ཐག་ཏུ་སྟོང་གསུམ་བརྒྱ་སྟོང་ཕྲག་བཅུའི་ཐ་གྲུ་དང་མཉམ་པའི་རིན་པོ་ཆེའི་པད་
D44.036.0262a03.01མོ་རིན་པོ་ཆེ་ཐམས་ཅད་ཀྱིས་རྣམ་པ་ཐམས་ཅད་དུ་སྤྲས་ཤིང་བརྒྱན་པ་འཇིག་རྟེན་ཐམས་ཅད་ཀྱི་སྤྱོད་ཡུལ་ལས་འདས་པ། འཇིག་རྟེན་ལས་འདས་པའི་དགེ་བའི་རྩ་བས་བྱུང་བ། སྒྱུ་མའི་རང་བཞིན་དང་། སྤྱོད་ཡུལ་གྱིས་ཡོངས་སུ་གྲུབ་པ། ཆོས་ཀྱི་དབྱིངས་ལ་ཤིན་
D44.036.0262a04.01ཏུ་གནས་པར་སྣང་བ་ལྷ་རྫས་ཀྱི་ཡུལ་ལས་ཤིན་ཏུ་འདས་པ། ནོར་བུ་རིན་པོ་ཆེ་བཻ་ཌཱུརྱའི་ཆུ་བ་ཆེན་པོ་ཅན། ཙན་དན་གྱི་རྒྱལ་པོ་མཚུངས་པ་མེད་པའི་སྙིང་པོ་ཅན། ཨ་སྨ་གར་བྷ་རབ་ཀྱི་ཟེ་བ་ཅན། འཛམ་བུ་ཆུ་ཀླུང་གི་གསེར་ལྟར་སྣང་བའི་ལོ་མ་ཅན། འོད་གཟེར་ཚད་{མྱེད་,མེད་}
D44.036.0262a05.01པས་ཤིན་ཏུ་རྒྱས་པའི་ལྷུན་ཅན། རིན་པོ་ཆེ་ཐམས་ཅད་ཀྱིས་ནང་ཡོངས་སུ་སྤྲས་པ་རིན་པོ་ཆེ་མུ་མེད་པའི་དྲ་བས་ཀུན་ནས་ཡོག་པ། སྟོང་གསུམ་བརྒྱ་སྟོང་ཕྲག་བཅུ་ཚང་བའི་རྡུལ་ཤིན་ཏུ་ཕྲ་བ་སྙེད་ཀྱི་རིན་པོ་ཆེའི་པད་མོ་ཆེན་པོའི་འཁོར་དང་ལྡན་པ་འབྱུང་བར་འགྱུར་ཏེ།
D44.036.0262a06.01བྱང་ཆུབ་སེམས་དཔའ་དེའི་ལུས་ཀྱང་དེ་དང་རྐྱེན་ཏུ་འཚམ་ཞིང་དེའི་ཚུལ་དང་མཐུན་པར་གནས་སོ། །དེ་ཐམས་ཅད་མཁྱེན་པའི་ཡེ་ཤེས་ཀྱི་ཁྱད་པར་གྱིས་དབང་བསྐུར་བ་དང་ལྡན་པའི་ཏིང་ངེ་འཛིན་ཐོབ་མ་ཐག་ཏུ་རིན་པོ་ཆེའི་པད་མོའི་རྒྱལ་པོ་ཆེན་པོ་དེ་ལ་འདུག་པར་
D44.036.0262a07.01