完整藏文原文 · 德格版页 当前仅加载第 36 函德格 372a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སྒྲ་བརྙན་ལྟ་བུའི་བཟོད་པ་ཐོབ་པ་སྟེ། བདུན་པའོ། །ཀྱེ་རྒྱལ་བའི་སྲས་དག་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་གཟུགས་བརྙན་ལྟ་བུའི་བཟོད་
D44.036.0372a01.01པ་ཐོབ་པ་བརྒྱང་བ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་ནས་ཤི་འཕོ་བ་མེད་དོ། །འཇིག་རྟེན་དུ་སྐྱེ་བ་མེད་དོ། །འཇིག་རྟེན་གྱི་ནང་ན་མི་གནས་སོ། །འཇིག་རྟེན་གྱི་ཕྱི་རོལ་
D44.036.0372a02.01ན་མི་གནས་སོ། །འཇིག་རྟེན་དུ་རྒྱུ་བ་མེད་དོ། །འཇིག་རྟེན་དུ་རྒྱུན་འཆད་པ་མེད་དོ། །འཇིག་རྟེན་དང་འདྲེས་པ་མེད་དོ། །འཇིག་རྟེན་དང་ཐ་དད་པ་མེད་དོ། །འཇིག་རྟེན་དུ་འགྲོ་བ་མེད་དོ། །འཇིག་རྟེན་ལས་གོལ་བར་འགྲོ་བ་མེད་དོ། །འཇིག་རྟེན་དུ་གཞོལ་བར་
D44.036.0372a03.01འགྲོ་བ་མེད་དོ། །འཇིག་རྟེན་ལས་ལྡོག་པ་མེད་དོ། །བྱང་ཆུབ་སེམས་དཔའ་དེ་ཉིད་ཀྱང་འཇིག་རྟེན་མ་ཡིན་ཏེ། འཇིག་རྟེན་ལས་འདས་པའང་མ་ཡིན་ནོ། །བྱང་ཆུབ་སེམས་དཔའི་སྤྱད་པ་སྤྱོད་པའང་མ་ཡིན་ཏེ། སྨོན་ལམ་ཆེན་པོ་རྒྱུན་གཅོད་པའང་
D44.036.0372a04.01མ་ཡིན་ནོ། །མང་བ་འང་མ་ཡིན། ཉུང་བ་འང་མ་ཡིན་ཏེ། སངས་རྒྱས་ཀྱི་ཆོས་ཐམས་ཅད་རྫོགས་པར་ཐོབ་པར་བྱ་བ་ལའང་དོན་ཡོད་པར་སྤྱོད་དོ། །འཇིག་རྟེན་གྱི་བྱ་བ་ཐམས་ཅད་ཀྱང་ཡོངས་སུ་རྫོགས་པར་བྱེད་དོ། །འཇིག་རྟེན་གྱི་རྒྱུད་ཀྱི་རྗེས་སུ་
D44.036.0372a05.01འབྲང་བ་འང་མ་ཡིན་ནོ། །ཆོས་ཀྱི་རྒྱུད་ཐོགས་པར་བྱེད་པ་འང་མ་ཡིན་ནོ། །འདི་ལྟ་སྟེ་དཔེར་ན། གཟུགས་བརྙན་ནི་ཉི་མ་འམ། ཟླ་བ་འམ་བུད་མེད་དམ་སྐྱེས་པ་འམ། ཤིང་ངམ། རི་འམ། གནས་སམ། རྩིག་པ་འམ། ས་འམ་ཆུ་ཀླུང་གི་རྒྱུད་དམ། དངོས་
D44.036.0372a06.01པོ་སྣ་ཚོགས་མཐའ་ཡས་པ་ཚད་མེད་པ་རྣམས་ཀྱི་གཟུགས་གང་དང་གང་ཡོད་པ་དེ་དག་ཐམས་ཅད་རྣམ་པར་{དམྱིགས་,དམིགས་}པར་བྱེད་དེ། ཆུ་འམ། ཏིལ་མར་རམ། ནོར་བུ་འམ། མཆིང་བུ་འམ། མེ་ལོང་ངམ་གཞན་ཡང་ཡོ་བྱད་ཁ་དོག་དང་བ་མདོག་གསལ་བ་གང་ཡང་རུང་སྟེ།
D44.036.0372a07.01