完整藏文原文 · 德格版页 当前仅加载第 36 函德格 133a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའི་སེམས་ལ་ཞུགས་པ་ཡེ་ཤེས་ཀྱི་ཉི་མས་སྣང་བར་བྱས་པ་དང་། བྱང་ཆུབ་སེམས་དཔའི་སེམས་མངོན་པར་རྫོགས་པའི་བྱིན་གྱི་རླབས་བྱང་ཆུབ་སེམས་དཔའི་ཡེ་ཤེས་ཀྱི་ཁྱུ་མཆོག་གི་མཐུ་ཕྱུང་བ་དང་། ཡེ་
D44.036.0133a01.01ཤེས་ཆེན་པོ་འབྱམ་ཀླས་པ་དང་། ཀུན་ཏུ་བཟང་པོའི་སྤྱོད་པ་ལ་རབ་ཏུ་བརྩོན་པའི་འཇུག་པས་ཡང་དག་པ་ཇི་ལྟ་བ་བཞིན་དུ་ཡོངས་སུ་ཤེས་པར་གྱུར་ཅིག །རབ་ཏུ་ཤེས་པར་གྱུར་ཅིག །དགེ་བའི་རྩ་བ་འདིས་ཆགས་པ་{མྱེད་,མེད་}པ་དང་གྲོལ་ཞིང་བཅིངས་པ་{མྱེད་,མེད་}ཕའི་
D44.036.0133a02.01སེམས་སུ་འཇིག་རྟེན་གྱི་ཁམས་ཆོས་ཀྱི་དབྱིངས་ཀྱིས་ཀླས་པ་ནམ་མཁའི་མཐས་གཏུགས་པ་ཐམས་ཅད་ཤེས་པ་ཤིན་ཏུ་ཕྲ་བ་འདི་ལྟ་སྟེ། འཇིག་རྟེན་གྱི་ཁམས་ཤེས་པ་ཤིན་ཏུ་ཕྲ་བ་དང་། འཇིག་རྟེན་གྱི་ཁམས་ཆེར་གྱུར་པ་ཤེས་པ་ཤིན་ཏུ་ཕྲ་བ་དང་།
D44.036.0133a03.01འཇིག་རྟེན་གྱི་ཁམས་ཀུན་ནས་ཉོན་མོངས་པ་ཤེས་པ་ཤིན་ཏུ་ཕྲ་བ་དང་། འཇིག་རྟེན་གྱི་ཁམས་རྣམ་པར་དག་པ་ཤེས་པ་ཤིན་ཏུ་ཕྲ་བ་དང་། འཇིག་རྟེན་གྱི་ཁམས་རྒྱ་ཆེན་པོ་ཤེས་པ་ཤིན་ཏུ་ཕྲ་བ་དང་། འཇིག་རྟེན་གྱི་ཁམས་སྣ་ཚོགས་ཤེས་པ་ཤིན་ཏུ་ཕྲ་བ་དང་།
D44.036.0133a04.01འཇིག་རྟེན་གྱི་ཁམས་ཡངས་པ་ཤེས་པ་ཤིན་ཏུ་ཕྲ་བ་དང་། འཇིག་རྟེན་གྱི་ཁམས་དོག་པ་ཤེས་པ་ཤིན་ཏུ་ཕྲ་བ་དང་། འཇིག་རྟེན་གྱི་ཁམས་ཐམས་ཅད་བསྒྲིབས་པ་མེད་པའི་རྒྱན་གྱིས་རབ་ཏུ་བརྒྱན་པ་ཤེས་པ་ཤིན་ཏུ་ཕྲ་བ་དང་། འཇིག་རྟེན་གྱི་ཁམས་ཐམས་ཅད་མ་
D44.036.0133a05.01ལུས་པར་སངས་རྒྱས་སྐྱེ་བས་རྒྱས་པར་དགང་བ་ཤེས་པ་ཤིན་ཏུ་ཕྲ་བ་དང་། འཇིག་རྟེན་གྱི་ཁམས་ཐམས་ཅད་མ་ལུས་པར་རབ་ཏུ་སྣང་བར་བྱ་བ་ཤེས་པ་ཤིན་ཏུ་ཕྲ་བ་དང་། འཇིག་རྟེན་གྱི་ཁམས་ཐམས་ཅད་མ་ལུས་པར་ལུས་ཀྱིས་རྒྱས་པར་དགང་བ་ཤེས་པ་
D44.036.0133a06.01ཤིན་ཏུ་ཕྲ་བ་དང་། འཇིག་རྟེན་གྱི་ཁམས་ཐམས་ཅད་མ་ལུས་པར་འོད་གཟེར་རབ་ཏུ་དགྱེ་བས་སྣང་བར་བྱ་བ་ཤེས་པ་ཤིན་ཏུ་ཕྲ་བ་དང་། འཇིག་རྟེན་གྱི་ཁམས་ཐམས་ཅད་མ་ལུས་པར་སངས་རྒྱས་ཐམས་ཅད་ཀྱི་བྱིན་གྱི་རླབས་དང་སངས་རྒྱས་ཐམས་ཅད་ཀྱི་རྣམ་པར་
D44.036.0133a07.01