完整藏文原文 · 德格版页 当前仅加载第 36 函德格 382b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལ་གཞོལ་ཞིང་ཕན་པར་དེ་སྤྱོད་དོ། །འགྲོ་བ་ཀུན་ལ་ནམ་ཡང་མི་གནས་ཏེ། །འགྲོ་བ་ཀུན་དང་འབྲལ་བར་བྱེད་མ་ཡིན། །འགྲོ་བ་ཀུན་ལ་དེ་ནི་གནས་མི་འཆའོ། །དེ་ལ་གནས་པ་གང་ཡང་ཡོད་པ་མིན། །འགྲོ་བ་ཆོས་ཉིད་རང་བཞིན་ལྡན་པར་ཤེས། །རང་བཞིན་
D44.036.0382b01.01དེ་ལའང་གནས་པར་མི་བྱེད་དོ། །འགྲོ་བ་འདི་ལ་འང་དེ་ནི་རྟེན་མི་བྱེད། །འགྲོ་བའི་གནས་ལས་ཡོངས་སུ་གྲོལ་བ་ཡིན། །འཇིག་རྟེན་གནས་པ་ཇི་སྙེད་གང་ཡང་རུང་། །དེ་དག་རང་བཞིན་ཚུལ་རྣམས་ཀུན་ཤེས་ཏེ། །གཉིས་
D44.036.0382b02.01མེད་ཆོས་ཀྱང་བསྟན་པས་རབ་ཏུ་ཤེས། །གཉིས་མེད་དེ་ལ་འང་དེ་ནི་གནས་མི་འཆའ། །དེ་ནི་འཇིག་རྟེན་རྣམས་དང་ལྡན་གྱུར་ཀྱང་། །འཇིག་རྟེན་ལམ་ལ་གནས་པའི་སེམས་མེད་དེ། །འཇིག་རྟེན་ཕྱི་རོལ་སྤྱད་པ་
D44.036.0382b03.01སྤྱོད་པ་མིན། །ཆོས་ཀུན་ཡེ་ཤེས་རང་བཞིན་ཡིན་པར་ཤེས། །ཆུ་ལ་གཟུགས་བརྙན་ཇི་ལྟར་སྣང་བ་རྣམས། །ནང་ན་མི་འདུག་ཕྱི་ན་མི་གནས་པ། །དེ་བཞིན་བརྟན་པ་བྱང་ཆུབ་དོན་དུ་སྤྱོད། །འཇིག་རྟེན་རྣམ་
D44.036.0382b04.01སྒོམ་འཇིག་རྟེན་ཡོད་པ་{མྱིན,མིན}། །འཇིག་རྟེན་སྐྱེ་མེད་གྲོལ་བ་མ་ཡིན་ཏེ། །འཇིག་རྟེན་བརྗོད་པར་མི་ནུས་གྱུར་པ་མིན། །འཇིག་རྟེན་ཕྱི་རོལ་རྒྱུ་བ་འང་མ་ཡིན་ཏེ། །འགྲོ་བ་འདི་ནི་གཟུགས་བརྙན་ཇི་བཞིན་ནོ། །དེ་ལྟར་
D44.036.0382b05.01ཟབ་པའི་ཚུལ་ལས་བྱུང་བས་ན། །དག་ཅིང་འོད་གསལ་དྲི་མེད་སེམས་དང་ལྡན། །ཡེ་ཤེས་གཞོལ་བས་ཆོས་ཀྱི་སྒྲོན་མ་སྟེ། །སྨོན་ལམ་ཀུན་ལས་ཡོངས་ཀྱང་ལྡོག་པ་མེད། །དེ་ནི་འཇིག་རྟེན་{སྩོགས་,སོགས་}པར་མི་བྱེད་དེ། །
D44.036.0382b06.01ཡེ་ཤེས་མཐར་ཐུག་མཐའ་ཡང་མི་དམིགས་སོ། །སྐྱེ་དགུ་མཐའ་ཡས་ཀུན་ལ་བདེ་བྱེད་དེ། །འགྲོ་བ་ཀུན་ལས་ཆགས་པ་རྣམ་པར་བཟློག །དཔེ་མེད་རྣམས་ཀྱི་ཟབ་པ་ཉིད་ལ་ལྟོས། །འགྲོ་བ་ཀུན་གྱི་དོན་དུ་རབ་ཏུ་བརྩོན། །
D44.036.0382b07.01