完整藏文原文 · 德格版页 当前仅加载第 36 函德格 47b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པར་མཐོང་བར་གྱུར་ཅིག །སེམས་ཅན་ཐམས་ཅད་འགྲོ་བ་ཀུན་གདོན་པར་བྱ་བའི་ཡེ་ཤེས་ཀྱི་མཐར་ཐུག་པར་གྱུར་ཏེ། ཁམས་གསུམ་པའི་བཅིངས་པ་ཐམས་ཅད་དང་བྲལ་བར་གྱུར་ཅིག །སེམས་ཅན་ཐམས་ཅད་ཉོན་མོངས་པ་{མྱེད་,མེད་}པའི་སར་ཡེ་ཤེས་
D44.036.0047b01.01བསྒྲིབས་པ་{མྱེད་,མེད་}པ་མཐོང་བའི་ཕ་རོལ་ཏུ་ཕྱིན་པ་ཐོབ་ཅིང་ཉོན་མོངས་པའི་བཅིངས་པ་ཐམས་ཅད་ཤིན་ཏུ་ཤིགས་པར་གྱུར་ཅིག །སེམས་ཅན་ཐམས་ཅད་རློམ་སེམས་ཀྱི་གཡོ་བ་རྣམ་པར་རྒྱུ་བ་ཐམས་ཅད་ཡང་དག་པར་གཞོམ་པའི་ཕྱིར་གཡོ་བ་{མྱེད་,མེད་}པའི་ཡེ་ཤེས་ལ་
D44.036.0047b02.01ཡང་དག་པར་གཞོལ་ཞིང་གཡོ་བ་དང་རློམ་སེམས་ཀྱི་བཅིངས་པ་ཐམས་ཅད་དང་བྲལ་བར་གྱུར་ཅིག །སེམས་ཅན་ཐམས་ཅད་ཁམས་གསུམ་ཐམས་ཅད་ཏུ་ཆགས་པ་མེད་པར་གནས་ཤིང་འདོད་པའི་དྲི་མ་ཐམས་ཅད་དང་བྲལ་ཏེ། འདོད་པའི་བཅིངས་
D44.036.0047b03.01པ་ཐམས་ཅད་རྣམ་པར་སྤངས་པར་གྱུར་ཅིག །སེམས་ཅན་ཐམས་ཅད་བསམ་པ་སངས་རྒྱས་ཐམས་ཅད་ལ་བཏང་བས་ལྷག་པའི་བསམ་པ་ཤིན་ཏུ་གྲོལ་བར་གྱུར་ཅིག །སེམས་ཅན་ཐམས་ཅད་ཆོས་ཀྱི་དབྱིངས་ཀྱིས་ཀླས་པ། ནམ་མཁའི་
D44.036.0047b04.01མཐས་གཏུགས་པ་དག་ཏུ་སེམས་ཆགས་པ་{མྱེད་,མེད་}པ་དང་། གྲོལ་ཞིང་བཅིངས་པ་{མྱེད་,མེད་}པར་གྱུར་ཅིག །སེམས་ཅན་ཐམས་ཅད་འཇིག་རྟེན་གྱི་ཁམས་ཐམས་ཅད་དུ་འགྲོ་བ་ཐམས་ཅད་ཡོངས་སུ་སྨིན་པར་བྱ་བ་དང་། གདུལ་བ་དང་། ཐེག་པ་ཆེན་པོ་ལ་དགོད་པར་བྱ་བའི་ཕྱིར་རྣམ་
D44.036.0047b05.01པར་རྒྱུ་ཞིང་བྱང་ཆུབ་སེམས་དཔའི་མངོན་པར་ཤེས་པས། འཇིག་རྟེན་གྱི་ཁམས་ཐམས་ཅད་དུ་འདོང་བར་གྱུར་ཅིག་ཅེས། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་བཙོན་ར་དང་། བཙོན་ཅ་ནས་བཀྱེ་བས་ཡང་དག་
D44.036.0047b06.01པར་བཟུང་བའི་དགེ་བའི་རྩ་བ་དེ་དག་སེམས་ཅན་ཐམས་ཅད་ཤིན་ཏུ་གྲོལ་ཞིང་། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་ས་ལ་གནས་པར་འགྱུར་བའི་ཕྱིར་ཡོངས་སུ་བསྔོའོ། །འདི་ལྟར་ཡང་སེམས་ཅན་ལ་ལ་ཞིག་སྲོག་དང་བྲལ་བའི་
D44.036.0047b07.01