完整藏文原文 · 德格版页 当前仅加载第 36 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
བགྲང་བ་ཐམས་ཅད་དུ་སངས་རྒྱས་ཀྱི་རྣམ་པར་འཕྲུལ་པ་ཡོངས་སུ་སྟོན་པ། ཕྱིར་མི་ལྡོག་པའི་ཆོས་ཀྱི་འཁོར་ལོས་རབ་ཏུ་དགོད་ཅིང་འགྲོ་བ་ཐམས་ཅད་ཀྱིས་བལྟ་ན་དོན་ཡོད་པ་རྣམ་པར་དག་པར་གྱུར་ཅིག །ཇི་ལྟར་ཟླ་བ་དང་ཡུད་ལ་དེ་
D44.036.0116a01.01བཞིན་ཉིད་ཡོད་པ་དེ་བཞིན་དུ་དགེ་བའི་རྩ་བ་འདིས་འགྲོ་བ་ཐམས་ཅད་ཀྱིས་དུས་ཐམས་ཅད་སྐད་ཅིག་གཅིག་ཏུ་ཁོང་དུ་ཆུད་པར་བྱ་བའི་ཕྱིར་དུས་ལ་འཇུག་པར་མཁས་པ་ལ་རབ་ཏུ་གནས་པར་གྱུར་ཅིག །ཇི་ལྟར་དེ་བཞིན་ཉིད་དབྱར་གྱི་དུས་ལ་ཡོང་པ་དེ་བཞིན་དུ་དགེ་བའི་རྩ་བ་འདིས་དབང་
D44.036.0116a02.01པོ་རྣམ་པ་ཐ་དད་པ་རབ་ཏུ་ཤེས་པར་བྱ་བའི་ཕྱིར་བསྐལ་པའི་གནས་སྣ་ཚོགས་སུ་དབང་པོ་རྣམ་པར་དག་པ་ཡོངས་སུ་རྫོགས་པར་གྱུར་ཅིག །ཇི་ལྟར་དེ་བཞིན་ཉིད་འདུ་བ་དང་འཇིག་པའི་བསྐལ་པ་ལ་ཡོད་པ་དེ་བཞིན་དུ་དགེ་བའི་རྩ་བ་འདིས་འགྲོ་བ་ཐམས་ཅད་རྣམ་པར་དག་
D44.036.0116a03.01པ་གདུལ་བའི་ཕྱིར་བསྐལ་པ་ཐམས་ཅད་དུ་རྣམ་པར་དག་པ་བཀོད་པས་སྐྱེ་བ་མེད་ཅིང་གོས་པ་མེད་པས་གནས་པར་གྱུར་ཅིག །ཇི་ལྟར་དེ་བཞིན་ཉིད་ཕྱི་མའི་མཐའ་ལ་ཡོད་པ་དེ་བཞིན་དུ་དགེ་བའི་རྩ་བ་འདིས་སྨོན་ལམ་ཆེན་པོ་ལས་ཕྱིར་མི་ལྡོག་པའི་ཕྱིར་ཕྱི་
D44.036.0116a04.01མའི་མཐའི་བསྐལ་པའི་མུར་ཐུག་པ་ཐམས་ཅད་དུ་བྱང་ཆུབ་སེམས་དཔའི་སྤྱོད་པ་ལ་གནས་པ་རྣམ་པར་དག་པར་གྱུར་ཅིག །ཇི་ལྟར་དེ་བཞིན་ཉིད་འགྲོ་བའི་དུས་ལ་ཡོད་པ་དེ་བཞིན་དུ་དགེ་བའི་རྩ་བ་འདིས་སེམས་ཀྱི་སྐད་ཅིག་གཅིག་ཏུ་ཡང་འབྲལ་བ་མེད་པར་བྱ་
D44.036.0116a05.01བའི་ཕྱིར་སེམས་ཅན་ཐམས་ཅད་ཀྱི་སེམས་སྐད་ཅིག་གཅིག་གིས་སངས་རྒྱས་ཐམས་ཅད་མཐོང་བ་ཡོངས་སུ་རྫོགས་པར་གྱུར་ཅིག །ཇི་ལྟར་དེ་བཞིན་ཉིད་ཐམས་ཅད་དུ་འགྲོ་བ་དེ་བཞིན་དུ་དགེ་བའི་རྩ་བ་འདིས་ཁམས་གསུམ་ཐམས་ཅད་རྣམ་པར་དག་པར་
D44.036.0116a06.01འགྱུར་བའི་ཕྱིར་ཐམས་ཅད་ཟིལ་གྱིས་གནོན་པ་ཐོབ་པར་གྱུར་ཅིག །ཇི་ལྟར་དེ་བཞིན་ཉིད་དངོས་པོ་དང་དངོས་པོ་མེད་པ་ཐམས་ཅད་ཀྱི་རྗེས་སུ་སོང་བ་དེ་བཞིན་དུ་དགེ་བའི་རྩ་བ་འདིས་དངོས་པོ་མེད་པ་ཡོངས་སུ་ཤེས་པའི་ཕྱིར་དངོས་པོ་ཐམས་ཅད་རྣམ་
D44.036.0116a07.01