完整藏文原文 · 德格版页 当前仅加载第 36 函德格 157a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱོགས་གཅིག་ཏུ་ཇི་ལྟ་བ་དེ་བཞིན་དུ་ཆོས་ཀྱི་དབྱིངས་ཀྱི་མཐས་གཏུགས་པ་ནམ་མཁའི་དབྱིངས་ཀྱི་ཁོངས་སུ་གཏོགས་པའི་སངས་རྒྱས་ཀྱི་ཞིང་མ་ལུས་པ་ཐམས་ཅད་ཀྱང་ཡོངས་སུ་གང་བར་གྱུར་ཅིག །དེ་ལྟར་བྱང་ཆུབ་སེམས་དཔའ་དགེ་བའི་
D44.036.0157a01.01རྩ་བ་དེ་དག་རིན་པོ་ཆེའི་དམིགས་པས་སངས་རྒྱས་ཀྱི་ཞིང་ཡོངས་སུ་དག་པའི་ཕྱིར་ཡོངས་སུ་བསྔོའོ། །སངས་རྒྱས་ཀྱི་ཞིང་དེ་དག་ཐམས་ཅད་ཀྱང་སངས་རྒྱས་ཀྱི་ཞིང་གཅིག་བཟུང་བས་བསྡུས་ཏེ་སྤོས་རྣམ་པ་སྣ་ཚོགས་ཐམས་ཅད་ཀྱི་སྤོས་ཀྱི་རྒྱན་ཚད་མེད་པ་ཀུན་
D44.036.0157a02.01ནས་གནས་པར་གྱུར་ཅིག །གཞུང་དེ་ལྟར་རིན་པོ་ཆེ་ཇི་ལྟ་བ་དེ་བཞིན་དུ་སྤོས་ཡོངས་སུ་བསྔོ་བ་ཡང་ཁོང་དུ་ཆུད་པར་བྱས་ཏེ། ཡེ་ཤེས་ཀྱི་སྤོས་ཆགས་པ་མེད་པའི་མཐར་ཐུག་པའི་སྤོས་ཀྱི་ཡིད་ཀྱི་ལས་རྒྱ་ཆེན་པོ་ཡོངས་སུ་དག་པ་ཚད་མེད་པའི་བར་དུ་ཀུན་ནས་
D44.036.0157a03.01གནས་པར་གྱུར་ཅིག །དེ་བཞིན་དུ་མེ་ཏོག་སྣ་ཚོགས་ཐམས་ཅད་ཀྱི་མེ་ཏོག་གི་རྒྱན་བསམ་གྱིས་མི་ཁྱབ་པ་ཀུན་ནས་གནས་པར་གྱུར་ཅིག །ཅེས་བྱ་བ་ནས་ཡེ་ཤེས་ཀྱི་མེ་ཏོག་ཆགས་པ་མེད་པའི་མཐར་ཐུག་པའི་ཡིད་ཀྱི་ལས་མེ་ཏོག་རྒྱ་ཆེ་ཞིང་ཡོངས་སུ་དག་པ་
D44.036.0157a04.01བསམ་གྱིས་མི་ཁྱབ་པ་ཀུན་ནས་གནས་པར་གྱུར་ཅིག །ཕྲེང་བ་དང་བྱུག་པ་སྣ་ཚོགས་ཐམས་ཅད་ཀྱི་ཕྲེང་བ་དང་བྱུག་པའི་རྒྱན་མཚུངས་བ་མེད་པ་ཀུན་ནས་གནས་པར་གྱུར་ཅིག །ཅེས་བྱ་བ་ནས་ཡེ་ཤེས་ཀྱི་ཕྲེང་བ་དང་བྱུག་པ་ཆགས་པ་མེད་པའི་མཐར་ཐུག་པའི་ཡིད་
D44.036.0157a05.01ཀྱི་ལས་ཀྱི་ཕྲེང་བ་དང་བྱུག་པའི་རྒྱན་རྣམ་པར་དག་པ་མཚུངས་པ་མེད་པའི་བར་དུ་ཀུན་ནས་གནས་པར་གྱུར་ཅིག །ཕྱེ་མ་དང་བདུག་པ་སྣ་ཚོགས་ཐམས་ཅད་ཀྱི་ཕྱེ་མ་དང་བདུག་པའི་རྒྱན་ས་མཚམས་མེད་པ་ཀུན་ནས་གནས་པར་གྱུར་ཅིག་ཅེས་བྱ་བ་ནས་ཡེ་ཤེས་ཀྱི་ཕྱེ་མ་
D44.036.0157a06.01དང་བདུག་པ་ཆགས་པ་མེད་པའི་མཐར་ཐུག་པའི་ཡིད་ཀྱི་ལས་ཀྱི་ཕྱེ་མ་དང་བདུག་པ་ཡོངས་སུ་དག་པས་མཚམས་མེད་པའི་བར་དུ་ཀུན་ནས་གནས་པར་གྱུར་ཅིག །གོས་དང་ཆོས་གོས་སྣ་ཚོགས་ཐམས་ཅད་ཀྱི་གོས་དང་ཆོས་གོས་ཀྱི་རྒྱན་མུ་མེད་པ་ཀུན་ནས་གནས་པར་གྱུར་ཅིག །
D44.036.0157a07.01