完整藏文原文 · 德格版页 当前仅加载第 36 函德格 368a 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་། རབ་ཏུ་བསྟན་པ་དང་། ཡོངས་སུ་བརྗོད་པ་ནི་མ་གཏོགས་སོ། །ཀྱེ་རྒྱལ་བའི་སྲས་དག་བཅུ་པོ་དེ་དག་ནི། བྱང་ཆུབ་སེམས་དཔའ་རྣམས་ཀྱི་མངོན་པར་ཤེས་པ་སྟེ། དེ་དག་ལ་གནས་པའི་བྱང་ཆུབ་སེམས་དཔའ་
D44.036.0368a01.01སེམས་དཔའ་ཆེན་པོ་རྣམས་ནི་དུས་གསུམ་ཐམས་ཅད་ཀྱི་ཡེ་ཤེས་ཀྱི་མངོན་པར་ཤེས་པ་བསྒྲིབས་པ་མེད་པ་རབ་ཏུ་འཐོབ་བོ། མངོན་པར་ཤེས་པའི་ལེའུ་སྟེ་སུམ་ཅུ་རྩ་བཞི་པའོ།། །།སངས་རྒྱས་རྨད་གཅད་ཅེས་བྱ་བ་
D44.036.0368a02.01ཤིན་ཏུ་རྒྱས་པ་ཆེན་པོའི་མདོ། བམ་པོ་ཉི་ཤུ་བརྒྱད་པ། དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས། ཡང་བྱང་ཆུབ་སེམས་དཔའ་དེ་དག་ལ་སྨྲས་པ། ཀྱེ་རྒྱལ་བའི་སྲས་དག་བཅུ་པོ་གང་འདི་རྣམས་ནི། བྱང་ཆུབ་སེམས་
D44.036.0368a03.01དཔའ་སེམས་དཔའ་ཆེན་པོ་རྣམས་ཀྱི་བཟོད་པ་ཐོབ་པ་སྟེ། བཟོད་པ་ཐོབ་པ་དེ་དག་དང་ལྡན་པའི་བྱང་ཆུབ་སེམས་དཔའ་ནི་བཟོད་པ་ཐམས་ཅད་ཀྱིས་བསྒྲིབས་པ་མེད་པ་ཐོབ་པས། སངས་རྒྱས་ཀྱི་ཆོས་ཟད་མི་ཤེས་པ་བསྒྲིབས་པ་མེད་པ་ཐམས་ཅད་ཐོབ་
D44.036.0368a04.01པར་འགྱུར་བ་དག་གོ །བཅུ་གང་ཞེ་ན། འདི་ལྟ་སྟེ། སྒྲ་ཁོང་དུ་ཆུད་པའི་བཟོད་པ་དང་། མཐུན་པའི་བཟོད་པ་དང་། མི་སྐྱེ་བའི་ཆོས་ཀྱི་བཟོད་པ་དང་། སྒྱུ་མ་ལྟ་བུའི་བཟོད་པ་དང་། སྨིག་རྒྱུ་ལྟ་བུའི་བཟོད་པ་དང་། རྨི་ལམ་ལྟ་བུའི་བཟོད་
D44.036.0368a05.01པ་དང་། སྒྲ་བརྙན་ལྟ་བུའི་བཟོད་པ་དང་། གཟུགས་བརྙན་ལྟ་བུའི་བཟོད་པ་དང་། སྤྲུལ་པ་ལྟ་བུའི་བཟོད་པ་དང་། ནམ་མཁའ་ལྟ་བུའི་བཟོད་པའོ། །ཀྱེ་རྒྱལ་བའི་སྲས་དག་བཅུ་པོ་དེ་རྣམ་ནི་བྱང་ཆུབ་སེམས་དཔའ་རྣམས་ཀྱི་བཟོད་པ་ཐོབ་པ་སྟེ།
D44.036.0368a06.01འདས་པ་དང་མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱིས་གསུངས་སོ། །གསུང་ངོ་། །གསུང་བར་འགྱུར་རོ། །ཀྱེ་རྒྱལ་བའི་སྲས་དག་དེ་ལ་བཟོད་པ་དང་པོ་སྒྲ་ཁོང་དུ་ཆུད་པ་གང་ཞེ་ན། འདི་ལྟ་སྟེ་ཆོས་དེ་དག་ཐོས་
D44.036.0368a07.01