完整藏文原文 · 德格版页 当前仅加载第 36 函德格 177b 版页；藏文 NFD、目录标记与异常页序保留在来源切片中，重复版页行以稳定序号区分。
བསྒྲུབ་པའི་ཕྱིར། ཆོས་ཀྱི་དབྱིངས་ཀྱིས་ཀླས་པར་རྒྱ་ཆེ་བ་ནམ་མཁའི་དབྱིངས་ཀྱི་མཐར་ཐུག་པ། ཕྱི་མའི་མཐའི་མུར་ཐུག་པ་བསྐལ་པ་འགྲངས་པ་ཐམས་ཅད་དུ་སངས་རྒྱས་འབྱུང་བ་འགྲངས་པའི་དྲུང་དུ་འགྲོ་བ་ནས། མྱ་ངན་ལས་འདས་པ་ཆེན་པོའི་བར་
D44.036.0177b01.01གྱི་དྲུང་དུ་འགྲོ་བ་རྒྱུན་མི་ཆད་པའི་སྨོན་ལམ་ཆེན་པོ་མངོན་པར་སྒྲུབ་པོ། །འདི་ལྟ་སྟེ། བྱང་ཆུབ་སེམས་དཔའི་སྤྱོད་པ་རྒྱ་ཆེན་པོ་ཤིན་ཏུ་ཡངས་པ་ཚད་མེད་པ། མི་འཕྲོགས་པ་ཐ་མི་དད་པ་ཕ་རོལ་ཏུ་ཕྱིན་པ་ཐམས་ཅད་ཀྱིས་ཡང་དག་པར་བསྡུས་པ།
D44.036.0177b02.01ས་ཡོངས་སུ་སྦྱང་བའི་ཡན་ལག་དང་ཉེ་བའི་ཡན་ལག་དུ་བཅས་པ་མངོན་པར་བསྒྲུབ་པ་དང་། མཚན་ཉིད་དང་བྱེ་བྲག་གི་མཚན་ཉིད་དུ་བཅས་པ་དང་། འགྲུབ་པ་དང་། འཇིག་པ་དང་། བྱང་ཆུབ་སེམས་དཔའི་སྤྱོད་པར་གཏོགས་པ་ཐམས་ཅད་
D44.036.0177b03.01དང་། ས་ཇི་ལྟ་བ་བཞིན་དང་། ཇི་ལྟ་བུར་བསྟན་པ་དང་། ཕ་རོལ་ཏུ་ཕྱིན་པ་ཡོངས་སུ་སྦྱང་བ་ལ་གདམས་ངག་དང་། མན་ངག་གི་སྦྱིན་པ་ཉེ་བར་བསྟན་པའི་སེམས་བསྐྱེད་པ་མངོན་པར་བསྒྲུབ་པའི་ཕྱིར་ཆོས་ཀྱི་དབྱིངས་ཀྱིས་ཀླས་པ་རྒྱ་ཆེ་བ།
D44.036.0177b04.01ནམ་མཁའི་དབྱིངས་ཀྱི་མཐར་ཐུག་པ། ཕྱི་མའི་མཐའི་མུར་ཐུག་པ། བསྐལ་པ་འགྲངས་པ་ཐམས་ཅད་དུ་སྤྱོད་པ་འགྲངས་པ་སེམས་བསྐྱེད་པས་མངོན་པར་བསྒྲུབ་པ། རྒྱུན་མི་འཆད་པའི་སྨོན་ལམ་ཆེན་པོ་མངོན་པར་སྒྲུབ་བོ། །འདི་ལྟ་སྟེ།
D44.036.0177b05.01སེམས་ཅན་གྱི་ཁམས་ཐམས་ཅད་མ་ལུས་པ་ལྷག་མ་མེད་པ་མཐའ་དག་གཟུགས་ཡོད་པ་དང་། གཟུགས་{མྱེད་,མེད་}པ་དང་། འདུ་ཤེས་ཡོད་པ་དང་། འདུ་ཤེས་མེད་པ་དང་། འདུ་ཤེས་ཡོད་པའང་མ་ཡིན། འདུ་ཤེས་མེད་པའང་མ་ཡིན་པ་དང་། སྒོ་ང་
D44.036.0177b06.01ལས་སྐྱེས་པ་དང་། མངལ་ལས་སྐྱེས་པ་དང་། དྲོད་གཤེར་ལས་སྐྱེས་པ་དང་། རྫུས་ཏེ་བྱུང་བ་ཁམས་གསུམ་དུ་གཏོགས་པ། འགྲོ་བ་དྲུག་ཏུ་འདུས་པ། སྐྱེ་བ་ཐམས་ཅད་དུ་གཏོགས་པའི་སེམས་ཅན་གྱི་ཁམས་ཐམས་ཅད་ཡོངས་སུ་སྨིན་
D44.036.0177b07.01